Ejekiel 1:19 - Sră Goh 2018

¹⁹ Tŭ phan wìn kis lòt gen ală kong rơndeh di gah gơ kung lòt; mơ tòm tŭ ală phan wìn kis guh bơh di ù gen ală kong rơndeh kung guh bơh di ù sơl.

Ejekiel 1:19 Referans Kwoze

Ejekiel 10:16

Tòm tŭ ală ceruƀim lòt gen ală kong rơndeh di gah gơ kung lòt bal; mơ tòm tŭ ală ceruƀim pò pơnđar nàng guh bơh di ù tiah gen ală kong rơndeh ò tòmgơl tiah.

Ejekiel 10:19

Ală ceruƀim pò pơnđar bol gơ dê mơ guh bơh ù tiah di đap mat añ, mơ bol gơ lòt gen ală kong rơndeh kung lòt bal sơl. Bol gơ ơm dơh wơl di gùng mut tòm mpồng đah mattơngai lik hìu Yàng Jehôwa dê, mơ bơta gơklŏ Yàng Tom Trồ Israel dê ơm hơđang bol gơ.

Đơs Crih 103:20

Jòng ro tĕ Yàng Jehôwa, ơ ală cau gơnrơh Kơnràñ dê, La ală cau gơs gơnoar pràn lơh jat jơnau sồr Kơnràñ dê, mơ kơno jơnau đơs Kơnràñ dê.

Ejekiel 1:15

Tòm tŭ añ ơm sền di ală phan wìn kis hơ̆ gen añ gŏ dô nơm kong rơndeh hơđang ù di gah kòp nơm phan wìn kis gơs poan nơm muh mat gơ dê.

Ejekiel 1:21

Tŭ ală phan wìn kis lòt, bol gơ kung lòt; tòm tŭ ală phan wìn kis ơm dơh wơl, bol gơ kung ơm dơh wơl; mơ tòm tŭ ală phan wìn kis guh bơh di ù, gen ală kong rơndeh kung guh bal mơ bol gơ, tài bơh hwềng ală phan wìn kis dê ơm tòm ală kong rơndeh.