Ejekiel 1:13 - Sră Goh 2018

¹³ Rùp să ală phan wìn kis hơ̆ gơlơh kung be ồs rnga mơ kung be ală sơmpòl ồs. Ồs gơguh hơđap mơ gơruc wơl digùl ală phan wìn kis hơ̆, ồs àng gơcrà mơ gơs puhlèp gơlik bơh ồs.

Ejekiel 1:13 Referans Kwoze

Yal Tơlik 4:5

Bơh dê sơbàn hơ̆ gơlik ală puhlèp, jơnau ntas mơ ntơr kơnàs; mơ di đap sơbàn gơs poh nơm sơmpòl ồs, hơ̆ la poh Hwềng Yàng Tom Trồ dê.

Đơs Crih 104:4

Kơnràñ ngui càl lơh gơs cau kong sồr Kơnràñ dê, Ngui ồs mơ lơmpiat ồs lơh gơs cau duh broă Kơnràñ dê.

Yal Tơlik 18:1

Tơnơ̆ mơ hơ̆, añ gŏ dô nă cau gơnrơh ndai mù bơh đang trồ, gơs gơnoar dờng ngan; bơta gơklŏ khai dê àng gơcrà làm jơh plai ù.

Yal Tơlik 10:1

Chòp añ gŏ dô nă cau gơnrơh pràn kơldang ndai mù bơh đang trồ, soh mhwal be ào, di bồ gơs dô nơm bơrlangkang, mat khai be mattơngai, mơ jơng khai be jrong ồs.

Mathiơ 28:3

Rùp să cau gơnrơh àng be puhlèp, mơ ào bò be piar.

Ejekiel 1:7

Ală jơng bol gơ song, mpàng jơng kung be mpàng jơng kơnrồ dam mơ sền gơlơh kung be kòng ồs sa àng lơr.

Sơnròp Gơlik Gơs 15:17

Tŭ mattơngai neh mut, gơs bơta jơngo ngan, ne, gơs dô nơm bơnhă ồs mơ gơlik ñhŭ, mơ dô nơm lơmpiat ồs lòt gan digùl ală poac neh blah.

II Tesalônika 1:7

gen Kơnràñ ngan rơp ai oh mi in la cau kong jê sồt bòl glar geh rlô bal mơ bol hi, tòm tŭ Yàng Jesu bơh đang trồ tơlik mat bal mơ ală cau gơnrơh bềng gơnoar pràn Kơnràñ dê digùl lơmpiat ồs hơng,

Ejekiel 10:2

Gen Yàng Jehôwa đơs mơ cau soh bài che dơmài lah: “Mut tĕ tòm gùl ală dơwàng kong rơndeh hơđơm ceruƀim; tơmbềng tĕ bàr đah tê mê mơ ồs rnga hơng bơh digùl ală ceruƀim, mơ rsìh gơ hơđang làm jơh ƀòn dờng.” Cau hơ̆ mut tòm tŭ añ rmê sền.

Daniel 7:9

“Añ tơnggòr sền jơl tus di tŭ ală sơbàn neh ơn, mơ gơs Bơtau Yau Òr nggui hơđang sơbàn Kơnràñ dê. Ào Kơnràñ bò be piar, mơ sŏ di bồ Kơnràñ bò be sơnò belàt dê. Sơbàn Kơnràñ dê la ală lơmpiat ồs, mơ ală kong rơndeh la ồs hơng.