Ejekiel 1:11 - Sră Goh 2018

¹¹ Ală muh mat bol gơ dê la behơ̆. Ală đar bol gơ dê gơ pò hơđang; kòp nơm gơs bàr nơm đar, dô nơm đar gơtòmcik mơ đar dô nơm phan wìn kis ndai di gah do mơ gah ne bol gơ dê, ai bàr nơm đar jơm gòm să gơ dê.

Ejekiel 1:11 Referans Kwoze

Esai 6:2

Ală seraphim ơm ntào gùt dar Kơnràñ, kòp nơm gơs prau nơm pơnđar: bàr nơm jơm mat, bàr nơm jơm jơng mơ bàr nơm ngui nàng par.

Ejekiel 1:23

Hơđơm dơwàng àng hơ̆, ală đar bol gơ pò song, đar do song hơ đar ne, kòp nơm gơs bàr nơm đar jơm gòm să gơ.

Ejekiel 10:19

Ală ceruƀim pò pơnđar bol gơ dê mơ guh bơh ù tiah di đap mat añ, mơ bol gơ lòt gen ală kong rơndeh kung lòt bal sơl. Bol gơ ơm dơh wơl di gùng mut tòm mpồng đah mattơngai lik hìu Yàng Jehôwa dê, mơ bơta gơklŏ Yàng Tom Trồ Israel dê ơm hơđang bol gơ.

Ejekiel 10:16

Tòm tŭ ală ceruƀim lòt gen ală kong rơndeh di gah gơ kung lòt bal; mơ tòm tŭ ală ceruƀim pò pơnđar nàng guh bơh di ù tiah gen ală kong rơndeh ò tòmgơl tiah.