Đơs Chò 1:8 - Sră Goh 2018

⁸ Dilah ai òhềt git, Ơ cau hàng mơnĕ rlau jơh tòm ală cau ùr, lòt jat tĕ tềl mpồl dê, mơ ê ală be kòn he dê rềp di gah sàl cau ê belàt dê.

Đơs Chò 1:8 Referans Kwoze

Đơs Chò 6:1

Ơ cau hàng mơnĕ rlau jơh tòm ală cau ùr, cau kòñ gơboh ai dê ntềng đah taih? Cau kòñ gơboh ai dê lòt đah lơi taih? Bol hi rơp lòt bal mơ ai nàng jòi khai.

Đơs Chò 5:9

Ơ cau hàng mơnĕ rlau jơh tòm ală cau ùr, Ñchi cau kòñ gơboh ai dê gơs rlau mơ cau kòñ gơboh ndai? Ñchi cau kòñ gơboh ai dê gơs rlau mơ cau kòñ gơboh ndai taih? Mơ ai jà bơklơn bol hi kàr hơ̆ taih?

I Pier 3:6

be Sara dòn bơr Abraham, sơnđan khai la cau tòm. Tŭ do ală bol ai la kòn ùr Sara dê dilah bol ai lơh bơta niam gen ò rngòt di bơta lơi.

Jakơ 5:10

Ơ oh mi, kah tĕ ală cau gơnoar hwơr neh ai sơnđan Yàng mơ đơs, đòm krơh tĕ bol khai neh kong ơt tòm bơta kong bòl glar jê sồt.

Jakơ 2:21

Abraham, ồng pàng bol he dê, tòm tŭ ơn kòn khai dê la Isak hơđang cơnòng duh khoai, khai ò di neh kơnòm di broă lơh mơ geh kòp la song ring ò ơ?

Hebrơ 13:7

Kah tĕ ală cau neh tề lam oh mi, neh bơto jơnau Yàng Tom Trồ dê oh mi in; sền kơlôi tĕ di bơta lồi dut bơta lơh lòt bol khai dê, mơ đòm tĕ bơta dòn bol khai dê.

Hebrơ 6:12

tồ oh mi in ò lơh alah, mơya oh mi đòm jat ală cau gơs bơta dòn mơ bơta ơt ơl nàng pơrdòn jơnau ho pơgon.

Ephesô 5:27

nàng Kơnràñ ràng tơlik di đap Kơnràñ Hìu Jum Goh la gơklŏ, ò gơs tềl ƀơ̆, ò gơkrồn, ò gơs phan lơi tòm toh behơ̆, mơya sàng goh, ò gơs tiah geh lah pơrhơng.

I Kôrintô 11:1

Đòm tĕ krơh añ, kung be añ đòm krơh Bơtau Krist sơl.

Jang 21:15

Tơnơ̆ mơ tŭ neh sa rau, Yàng Jesu đơs mơ Simôn Pier lah: “Ơ Simôn, kòn Jôna, mê kòñ gơboh di Añ rlau mơ ală cau do sơl?” Pier đơs lah: “Ơ Yàng, ơi, Kơnràñ git lah añ gơboh di Kơnràñ.” Kơnràñ đơs lah: “Ròng siam tĕ ală belàt kòn Añ jê.”

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Đơs Chò 4:10

Ơ oh ùr añ, bau ùr pa añ jê, bơta kòñ gơboh ai la niam mơnĕ ò git nđò! Bơta kòñ gơboh ai la bơkah rlau mơ tơrnòm, mơ ƀô mơñà ƀô niam rlau mơ ală ƀô bơlhô ndai!

Đơs Chò 4:7

Ơ cau kòñ gơboh añ jê, ai ngan hàng mơnĕ tòm jơh ală bơta, tòm ai ò gơs dô nơm tềl sồt lơi.

Đơs Chò 4:1

Ơ cau kòñ gơboh añ jê, ai hàng mơnĕ ngan, ai hàng mơnĕ ngan! Mat ai be mat sềm ntòp, bơh ngkòi chèo cang mat. Sŏ ai be mpồl be mù bơh kơh mơnơm Galaat.

Đơs Chò 2:10

Cau kòñ gơboh añ tòmbơhbơr mơ añ lah: “Ơ cau gơboh añ, cau hàng mơnĕ añ jê, guh tĕ mơ tus.

Đơs Chò 1:15

Ơ cau kòñ gơboh añ jê, ai hàng mơnĕ ngan, ai hàng mơnĕ ngan! Gar mat ai be mat sềm ntòp.

Jơnau Pơnđik 8:34

Lơngai cau lơi in iat jơnau añ, Kòp ngai drơng kơp di bơr mpồng añ, Mơ gơn di gah ală jrong mpồng añ.

Đơs Crih 45:13

Kòn ùr bơtau dê tòm ơdŭ khai dê soh ào tàñ bơrlŭ mơ màh.

Đơs Crih 45:11

Gen bơtau rơp kòñ bơta hàng mơnĕ ai dê; Bơh khai la bơtau ai dê, cùn khoai tĕ khai.

Đơs Crih 16:3

Ai ală cau sàng goh tòm ù tiah, bol khai la cau dờng màng; Añ gơs bơta hừh nùs dê bol khai.

Jakơ 2:25

Kung behơ̆ sơl, cau ùr dri Rahap wă rò ală cau kong sồr lòt mơ sồr bol khai jat gùng ndai mơ lòt, khai ò di geh kòp la song ring kơnòm di broă lơh ò ơ?