Daniel 9:27 - Sră Goh 2018

²⁷ Khai rơp lơh kơ̆ nền dô bơta ho bal mơ oă cau tòm dô poh, mơya tus di nggùl poh, khai rơp pơndut jơh phan ơn duh khoai mơ phan ơn; mơ tòm tiah bol khai dê rơp gơlik bơta ngkòr ngkàc, bơta hơ̆ tơnggơs bơta tơnroh gơprah, jơl tus di bơta lồi dut neh lơh nền tuh hơđang cau lơh tơrlah tơrling.”

Daniel 9:27 Referans Kwoze

Mathiơ 24:15

“Behơ̆ tòm tŭ bol mê gŏ bơta ngkòr ngkàc lơh gơprah gơpring Tiah Sàng Goh in, be cau gơnoar hwơr Daniel neh đơs, (cau lơi sền, wă tĕ),

Luka 21:20

Tòm tŭ bol mê gŏ Jerusalem gơkòl mpồl ling gơrwàng, gen git tĕ lah bơta tơrlah tơrling gơ mòr tus.

Daniel 12:11

Bơh tŭ tơngai pơndut phan ơn chu kòp ngai mơ bơtào gơs bơta ngkòr ngkàc lơh gơlik gơs bơta tơnroh gơprah gen rơp gơs dô rbô bàr rhiang sin jơt ngai.

Jơnau Niam Jat Mak 13:14

“Mơya tòm tŭ bol mê gŏ bơta rngòt rngơt dờng geh bơtào tòm tiah ò di pal bơtào (cau lơi sền wă tĕ) Gen cau lơi ơm tòm Jude, dô tĕ hơđang mơnơm,

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Daniel 8:13

Gen añ kơno dô bơtau sàng goh đơs, mơ dô bơtau sàng goh ndai đơs mơ bơtau ơm đơs hơ̆ lah: “Gam nđò jŏ sồng gơlik di ngan bơta gơtơnggŏ bơh phan ơn duh khoai kòp ngai, bơh tồi glài tòmdră lơh gơlik gơs bơta tơnroh, mơ bơh bơta sang phi tiah sàng goh bal mơ mpồl hơđang trồ tồ gơkòl jă trơm hơđơm jơng taih?”

Esai 55:3

Ơn tồr iat mơ tus tĕ hơ Añ; iat tĕ Añ gen bol mê rơp geh kis. Añ rơp lơh dô bơta ho bal gam sùm sùm mơ bol mê, la bơta kòñ gơboh kơ̆ dơn nền cê neh ho pơgon mơ Dabit.

Rôma 5:15

Mơya tồi glài ò di be bơta ai gòi bơh đang jòng. Mơ dilah bơh dô nă cau tìs glài mơ gơs oă cau chơt, gen bơta nđàc Yàng Tom Trồ dê, mơ bơta ai gòi tòm bơta nđàc Kơnràñ dê bơh dô nă cau la Yàng Jesu Krist, sơlo geh tơngkah tơngkañ oă cau in.

Mathiơ 27:51

Mơ ne, bài kơrnìng tòm hìu duh khoai gơcrè bàr pơnah bơh đang tus hơđơm; ù gơlơnggơr, mơ lŭ klềr bơcah.

Mathiơ 26:28

bơh do la mhàm Añ, hơ̆ la mhàm bơta ho bal dê, neh tuh nàng kòp nă cau in geh toh glài.

Esai 53:11

Tơnơ̆ mơ tŭ hwềng soàn Kơnràñ neh kong jê sồt, Kơnràñ rơp gŏ bơta àng mơ bơta hừh nùs, gan di bơta git wă Kơnràñ dê. Cau duh broă song ring Añ jê rơp lơh oă bơta song ring, mơ Kơnràñ rơp àñ ơnòng ală bơta tồi glài bol khai dê.

Esai 42:6

“Añ, Yàng Jehôwa, neh hòi sac mê tòm bơta song ring; Añ rơp at tê mê mơ Añ rơp sền gàr mê mơ ai mê in gơlik gơs dô bơta ho bal làng bol in, mơ dô bơta àng làng bol bơdìh in,

Esai 28:22

Gen tàng tŭ do, bañ bơrsèl tơnhial tai, rngòt che kơt bol mê rơp sơlo pràn rlau mòn! Bơh añ neh kơno dô jơnau gơnoar sồr tơnroh hơđang làm jơh ù tiah do, bơh di Yàng la Yàng Jehôwa Gơnap Gơnoar Dờng.

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

Rôma 11:26

behơ̆ gen jơh làng bol Israel rơp geh dong klàs, be neh cih lah: “Bơtau Dong Tă rơp tus bơh Siôn, Tă sang bơta ò duh rngòt bơh di Jakôp;”

Rôma 5:19

Ngan behơ̆, bơh bơta ò dòn bơr dô nă cau dê, tàng oă cau in gơlik gơs cau glài be lơi, gen kung behơ̆ sơl, bơh bơta dòn bơr dô nă cau dê, tàng oă cau in geh Yàng Tom Trồ kòp la song ring.

Luka 21:24

Bol khai rơp gơplơ̆ hơđơm mat đào, gơkòl cau kup lơh dĭ digùl jơh ală làng bol, Jerusalem rơp gơkòl ală làng bol bơdìh jă trơm jơl tus di ală tŭ tơngai làng bol bơdìh dê geh wil tơl.

Jeremi 7:30

Yàng Jehôwa đơs: “Bơh làng bol Juda neh lơh bơta iơh di đap mat Añ, bol khai ơn ală phan cù kìr tòm hìu geh sơnđan bơh sơnđan Añ, nàng lơh gơ in ƀơ̆ ƀơl.

Daniel 11:31

Mpồl ling khai sồr rơp lơh ƀơ̆ ƀơl tiah sàng goh mơ ƀòn dờng kơp gàr; ò ai ơn phan ơn chu kòp ngai, mơ bơtào bơta ngkòr ngkàc la bơta lơh gơlik gơs bơta tơnroh gơprah gơpring.

Sră Ôse 3:4

Bơh làng bol Israel rơp kis jŏ ngai mơ ò gơs bơtau, ò gơs kwang at bồ, ò gơs phan ơn duh khoai, ò gơs cơnòng duh khoai, ò gơs ephot, mơ kung ò gơs theraphim.

Khà Làng Bol 7:62

dô nơm prềng màh kơnjơ̆ jơt sieklơ ơn bềng kơlhô;

Esai 28:15

Tài bơh bol mê neh đơs lah: “Bol hi neh bơt bơtào dô bơta ho bal mơ bơta chơt, mơ gơs dô nùs bal mơ lơgar làng ƀồc. Tòm tŭ bơta rung rài tơnroh lòt gan mhar, gơ rơp ò tus di bol hi, bơh bol hi ngui bơta đơs blac lơh gơs tiah kìng crŭ, mơ ai bơta ma blac lơh gơs tiah pồn să.”

Daniel 7:25

Cau bơtau hơ̆ rơp đơs ală jơnau tòmdră mơ Bơtau Hơđang Rlau Jơh, rồn bơklơn ală cau sàng goh Kơnràñ dê, mơ lơh nền tòmgơl sră kòp tơngai mơ bơta boh lam; ală cau sàng goh rơp kòl phi tòm tê khai tòm dô tơngai, ală tơngai mơ nggùl tơngai.