Daniel 9:18 - Sră Goh 2018

¹⁸ Ơ Yàng Tom Trồ añ jê, dan wèt tồr mơ iat, dan pò mat mơ sền bơta tơnroh gơprah ƀòn dờng neh geh tơmoh mơ sơnđan Kơnràñ dê! Bol hi rac dan mơ Kơnràñ ò di tài bơh bol hi la song ring, mơya la kơnòm di bơta nđàc sơngit dờng ơnàng Kơnràñ dê.

Daniel 9:18 Referans Kwoze

Esai 37:17

Ơ Yàng Jehôwa, dan ai tồr iat! Khoai Yàng Jehôwa, dan pò mat mơ sền! Dan iat jơh ală jơnau mơ Sennacerip neh sồr nàng lah sơrpah di Yàng Tom Trồ gam kis sùm sùm!

Jeremi 36:7

Digơlan bol khai rơp hòi dan Yàng Jehôwa, mơ pleh bơh gùng iơh he; bơh bơta gơjrañ mơ bơta gơjrañ dờng Yàng Jehôwa neh yal tòmdră mơ làng bol do.”

Jeremi 25:29

Sền tĕ, Añ rơp sơntòm tuh bơta rung rài hơđang ƀòn geh sơnđan bơh sơnđan Añ; tơ ài lah bol mê, ngan rơp geh klàs bơh bơta lơh glài ơ? Ò! Bol mê rơp ò klàs bơh bơta lơh glài ò; bơh Añ rơp sồr pềs tà tus hơđang kòp làng bol ơm hơđang plai ù,’” Yàng Jehôwa Mpồl Ling đơs behơ̆.

II Ală Bơtau 19:16

Ơ Yàng Jehôwa! Dan ai tồr Kơnràñ mơ iat. Ơ Yàng Jehôwa! Pò tĕ mat Kơnràñ mơ sền. Dan Yàng iat tĕ ală jơnau Sennacerip sồr đơs nàng dơñŏ tơnhial di Yàng Tom Trồ kis gam sùm sùm.

Ejekiel 36:32

‘Añ kòñ bol mê git la Añ ò di bơh bol mê mơ Añ lơh behơ̆,’ Jehôwa Yàng Tom Trồ đơs behơ̆. ‘Ơ hìu Israel, pal git ƀàssìl mơ rngòt rngơt bơh gùng dà bol mê dê!’

Jeremi 15:16

Kơno ală jơnau Kơnràñ dê, gen añ sa loan rau; la bơta hòn chò nùs añ jê; Bơh añ geh sơnđan bơh sơnđan Kơnràñ! Ơ Jehôwa Yàng Tom Trồ Gơnap Gơnoar.

Jeremi 14:7

Khoai Yàng Jehôwa, bulah tồi glài iơh bơsak bol hi dê lơh cơng tòmdră mơ bol hi, Dan bơh sơnđan Kơnràñ mơ lơh broă! Bơta jak tòmdră bol hi dê oă ngan; bol hi neh tìs glài mơ Kơnràñ.

I Kôrintô 1:2

pơyoa Hìu Jum Goh Yàng Tom Trồ in tòm Kôrintô, tus hơ ală cau neh gơlik gơs sàng goh tòm Yàng Jesu Krist, geh kòp la ală cau sàng goh, dô bă bal mơ jơh ală cau tòm kòp bă tiah hòi dan di sơnđan Yàng Jesu Krist, la Yàng bol khai dê mơ Yàng bol he dê sơl.

Jeremi 37:20

Tŭ do, ơ bơtau, ơ cau tòm añ, dan iat tĕ, kơp kòñ jơnau rac dan añ jê geh bơtau dòp! Dan bañ jào añ tòm hìu cau gơnoar cih Jônathan, rngòt añ rơp chơt tềng hơ̆.”

Jeremi 14:9

Ñchi bơh tài Kơnràñ kung be cau lơh sơlồng sơlàng, kung be cau ling pràn kơldang, ò rgơi dong kòl taih? Mơya, ơ Yàng, Kơnràñ gam ơm digùl bol hi, Bol hi geh hòi bơh sơnđan Kơnràñ, Dan bañ sang lòi bol hi!

Esai 64:6

Bol hi jơh tơl nă neh gơlik gơs kung be dô nă cau ƀơ̆ ƀơl, mơ jơh ală broă song ring bol hi dê la kung be ală ào ƀơ̆ ƀơl; bol hi jơh tơl nă ñòp ro kung be dô nơm nha, mơ tồi glài bol hi dê kung be càl khồm pơrdô bol hi roh thit.

I Ală Bơtau 8:29

mơ mat Yàng pò sùm mang mơ ngai wèt sền di hìu do, la tiah mơ Yàng neh đơs lah: ‘Sơnđan Añ rơp ơm tềng hơ̆,’ nàng iat jơnau hòi dan ală dĭ gơna Yàng dê wèt di tiah do.

Lik Ejiptơ 3:7

Gen Yàng Jehôwa đơs lah: “Añ neh gŏ loh làng bơta bòl glar làng bol Añ jê tòm lơgar Ejiptơ. Añ neh kơno jơnau bol khai hòi rac tài bơh ală cau at bồ rồn bơklơn; mơ Añ git jơh bơta jê sồt bol khai dê.

Esai 64:12

Ơ Yàng Jehôwa, tơnơ̆ mơ jơh ală bơta do, Kơnràñ rơp kong ơt să tòm Kơnràñ dê ơ? Kơnràñ rơp kư̆ ơm mŏ mŏ mơ lơh glài bol hi kơnjơ̆ rlau tai sơl ơ?

Đơs Crih 116:1

Añ kòñ gơboh di Yàng Jehôwa, tài bơh Kơnràñ neh kơno añ Mơ jơnau rac dan añ jê.

Daniel 9:7

Ơ Yàng, Kơnràñ la song ring, ai bol hi pal kong bơta ƀàssìl kung be tòm ngai do; bol hi la cau Juda, làng bol Jerusalem mơ jơh ală cau Israel ơm rềp ơm ngài, bal mơ jơh ală cau gơkòl nrah nring tòm jơh ală lơgar pal kong bơta hơ̆ tài bơh bol hi ò dòn song mơ Kơnràñ.

Khà Làng Bol 6:27

Behơ̆ bol khai rơp ơn sơnđan Añ hơđang ală cau Israel, mơ Añ rơp ai lơngai bol khai in.”

Đơs Crih 25:6

Ơ Yàng Jehôwa, dan kah wơl bơta kòñ nđàc mơ bơta kòñ gơboh kơ̆ dơn Kơnràñ dê, Bơh gơ neh gơs sùm bơh rài yau.

Esai 43:7

hơ̆ la kòp nă cau geh tơmoh bơh sơnđan Añ, la ală cau mơ Añ neh crơng gơs bơta gơklŏ Añ in; ală cau Añ neh mòn gơs mơ neh lơh gơs.”

Ejekiel 36:22

Behơ̆ gen đơs tĕ mơ hìu Israel lah: ‘Jehôwa Yàng Tom Trồ đơs be do: Ơ hìu Israel, hơ̆ ò di la tài bơh bol mê mơ Añ rơp lơh ală bơta do, mơya hơ̆ la tài bơh sơnđan sàng goh Añ jê, la sơnđan mơ bol mê neh lơh cau in sền òsơp digùl ală làng bol mơ bol mê neh lòt tus.