Daniel 8:19 - Sră Goh 2018

¹⁹ Khai đơs mơ añ lah: “Do añ rơp yal mê in git bơta rơp tus tòm ngai tơnơ̆, tòm pah rài bơta gơjrañ dờng dê; tài bơh bơta gơtơnggŏ gơ tơrgòm ală bơta gơwèt hơ tŭ tơngai lơh nền bơta lồi dut dê.

Daniel 8:19 Referans Kwoze

Habakuk 2:3

Bơh bơta gơtơnggŏ pal gơn tus di tŭ lơh nền; gơ đơs bơh bơta lồi dut, mơ ò đơs blac. Bulah sền gơlơh be òbat tus, gơn tĕ gơ; ngan gơ rơp tus mơ rơp ò lơh òbat.

Yal Tơlik 17:17

Bơh Yàng Tom Trồ neh ơn bơta hơ̆ tòm nùs bol khai tồ lơh gơlik gơs jat bơta lơh nền Kơnràñ dê, tòm tŭ bol khai dô nùs bal jào gơnoar at bồ bol khai dê phan poan jơng in, jơl tus di tŭ ală jơnau Yàng Tom Trồ dê gơlik gơs di ngan.

Daniel 11:27

Bàr bơtau hơ̆ gơs nùs mìng kòñ lơh iơh di gơp, bulah nggui bal di cơnòng nàng bơyai ơm gơtòmsòr bal, mơya đơs blac mơ gơp, mơ bơta hơ̆ ò gơlik cồng nha tài bơh òhềt tus bơta lồi dut tŭ tơngai neh lơh nền.

Yal Tơlik 15:1

Gen añ neh gŏ dô nơm tềl is tai hơđang trồ, tềl is hơ̆ dờng mơ krơi is, hơ̆ la poh nă cau gơnrơh at poh bơta rung rài lồi dut; mơ bơh ală bơta rung rài hơ̆ gen sồng bơta gơjrañ dờng Yàng Tom Trồ dê ò gam tai.

Yal Tơlik 11:18

Ală làng bol gơhào gơjrañ, mơya bơta gơjrañ dờng Kơnràñ dê neh tus. Do la tŭ ală cau chơt kong cahrña, la tŭ ai phan ƀàn ală dĭ gơna Kơnràñ dê la ală cau gơnoar hwơr, ală cau sàng goh mơ ală cau in duh rngòt di sơnđan Kơnràñ, ală cau dềt mơ ală cau dờng; mơ la tŭ tơnroh ală cau tơnroh plai ù.”

Yal Tơlik 10:7

mơya tus di ală ngai cau gơnrơh dơ̆ poh rơp uh kơlwòk, gen bơta ndơp ndơr Yàng Tom Trồ dê pal gơlik di ngan, jat be jơnau Kơnràñ neh yal mơ ală dĭ gơna Kơnràñ dê la ală cau gơnoar hwơr.

Yal Tơlik 1:1

Bơta yal tơlik jơnau ndơp Yàng Jesu Krist dê, mơ Yàng Tom Trồ neh ai Kơnràñ in nàng yal tơlik ală dĭ gơna Kơnràñ in ală bơta rơp gơlik tus gòñ. Kơnràñ neh sồr cau gơnrơh Kơnràñ dê lòt tus yal tơlik ală bơta hơ̆ Jang in la dĭ gơna Kơnràñ dê,

Daniel 8:23

Tòm tơngai lồi dut gơnoar at bồ bol khai dê, tòm tŭ ală cau tòmdră neh gơlik iơh bơsak ngan, gen bơtào tơngguh dô nă bơtau gơs muh mat jàñ bơsak, git jak ală kai gơrmơ̆i tòmlơh.

Luka 21:23

Tòm ală ngai hơ̆, bòl glar cau bun in mơ cau gơs kòn pô in! Bơh rơp gơs bơta rung rài dờng gơdùh tòm ù mơ bơta lơh glài Yàng Tom Trồ rơp tus hơđang làng bol do.

Đơs Crih 102:13

Yàng rơp guh mơ nđàc sơngit di Siôn; Do la tŭ ai bơta nđàc Siôn in, bơh tŭ tơngai lơh nền neh tus rau.

Daniel 12:4

Ai mê, Ơ Daniel, prap gàr tĕ bơta ndơp ndơr mơ tap ƀang kì ală jơnau tòm sră do jơl tus di tŭ tơngai lồi dut. Oă cau rơp lòt tềng do tềng dă mơ bơta git wă rơp gơbơtơl tai.”