Daniel 8:16 - Sră Goh 2018

¹⁶ Mơ añ kơno jơnau dô nă cau klau bơh di hiòng Ulai hòi mơ đơs lah: “Ơ Gabriel, yal tĕ cau do in git jơnau gơtha bơta gơtơnggŏ hơ̆.”

Daniel 8:16 Referans Kwoze

Luka 1:26

Tòm kơnhai dơ̆ prau, Yàng Tom Trồ sồr cau gơnrơh Gabriel lòt tus hơ dô nơm ƀòn dờng tòm Galile sơnđan la Nasaret,

Luka 1:19

Cau gơnrơh đơs lah: “Añ la Gabriel ntào di đap Yàng Tom Trồ; añ geh sồr lòt tus nàng đơs mơ yal jơnau niam do mê in.

Daniel 8:2

Tòm bơta gơtơnggŏ, añ gŏ añ ơm tòm Ƀòn Dờng Susa, kơnhwàl lơgar Elam, di gah hiòng Ulai.

Yal Tơlik 22:16

“Añ la Jesu neh sồr cau gơnrơh añ jê lòt tus hơ bol mê nàng cèng jơnau lơh cơng do ală Hìu Jum Goh in sơl. Añ la tòm ryas mơ la kòn sau Dabit dê, la sơmañ bìng gơcrà àng drim.”

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Broă 10:13

Mơ gơs jơnau đơs mơ khai lah: “Ơ Pier, guh tĕ, lơh poac mơ sa.”

Broă 9:7

Ală cau lòt bal mơ khai gen ntào hil hơl, kơno jơnau đơs mơya ò gŏ cau.

Sacari 2:4

mơ đơs mơ khai lah: “Ntoat tĕ, đơs mơ cau klau pơnu hơ̆ lah: Jerusalem rơp gơlik dô nơm ƀòn dờng ò gơs dơrñang, tài bơh gơs oă ngan cau mơ phan poan jơng ơm tòm hơ̆.

Sacari 1:9

Gen añ lùp lah: “Ơ Yàng añ jê, ală bơta do la ñchi taih?” Cau gơnrơh ơm đơs mơ añ ho lah: “Añ rơp sơnio mê in ală cau do la ñcau.”

Daniel 10:21

Mơya añ rơp yal mê in git ală bơta geh cih tòm Sră Jơnau Song. Ò gơs cau lơi dong añ nàng tòmdră mơ bol khai, gơs mìng Mikael la kwang dờng at bồ bol mê dê lơm.”

Daniel 10:14

Tŭ do añ lòt tus nàng yal mê in git bơh ală bơta rơp gơlik gơs di làng bol mê dê tòm ală ngai tơnơ̆, bơh bơta gơtơnggŏ do gơwèt hơ tŭ tơngai òhềt tus.”

Yal Tơlik 1:12

Añ wơlke nàng sền ñcau đơs mơ añ hơ̆, mơ dơ̆ añ wơlke añ gŏ poh nơm jơng ồs đèng mơ màh,

Daniel 7:16

Gen añ lòt tus rềp mơ dô nă tòm ală cau ntào tềng hơ̆ mơ lùp khai bơh jơnau gơtha ală bơta do dê. Khai yal tơlik añ in jơnau gơtha ală bơta hơ̆ mơ đơs lah: