Daniel 6:13 - Sră Goh 2018

¹³ Bol khai ho wơl mơ bơtau lah: “Daniel la dô nă cau kòl kup cèng pơrdô bơh Juda, khai ò gơs nùs ki ngàm di bơtau dô êt lơi; Ơ bơtau, bulah tus di jơnau bơkơ̆u mơ bơtau neh lơh tềl sơnđan mat kung behơ̆ sơl; mơya khai kư̆ hòi dan kòp ngai pe dơ̆.”

Daniel 6:13 Referans Kwoze

Daniel 3:12

Mơ tai, ơ bơtau, tềng do gơs ală cau Juda ne mơ bơtau neh pồ bơtào tòm broă nàng at bồ kơnhwàl Babilôn, hơ̆ la Sadrak, Mesak, mơ Abetnegô, ală cau hơ̆ ò ki ngàm dê bơtau dô êt lơi. Bol khai ò duh khoai ală yàng bơtau dê, mơ ò duh broă rùp ràk mơ màh mơ bơtau neh bơt bơtào.”

Broă 5:29

Pier bal mơ ală cau gơnoar bơto dờng ho wơl lah: “Chan bol hi pal lơh jat jơnau Yàng Tom Trồ dê rlau mơ lơh jat jơnau cau dê.

Daniel 2:25

Ariôk sơrbac sơrbang lam Daniel tus di đap bơtau, mơ đơs mơ bơtau be do: “Ơ bơtau, añ neh jòi bàn dô nă cau digùl ală kòn sau cau Juda neh kong kup gơs dĭ, cau hơ̆ rơp yal bơtau in git jơnau gơtha bơta mpau dê.”

Daniel 5:13

Gen Daniel geh cèng tus di đap bơtau. Bơtau lùp lah: “Ngan mê la Daniel, dô nă tòm ală kòn sau cau Juda neh kòl kup gơs dĭ, mơ bơtau bèp añ neh cèng brê bơh lơgar Juda sơl?

Este 3:8

Gen Haman đơs mơ bơtau Ahasuerus lah: “Gơs dô nơm làng bol gơprah ơm nrah nring digùl ală làng bol tòm jơh ală kơnhwàl lơgar bơtau dê. Ală bơta boh lam bol khai dê la krơi is mơ jơh ală làng bol ndai dê, mơ bol khai ò lơh jat ală bơta boh lam bơtau dê; gen tàng ò di pal ngan bơtau in kong ơt di bol khai.

Daniel 1:6

Tòm mpồl bol khai gơs Daniel, Hanania, Misael mơ Ajaria.

Broă 17:7

mơ Jasôn neh wă rò bol hơ̆ tòm hìu! Jơh bol khai tòmdră wơl mơ gơnoar sồr Sesa dê, mơ đơs lah gơs dô bơtau ndai, la Jesu.”

Daniel 3:8

Tŭ hơ̆ gơs bàr pe nă cau Kalde lòt tus rềp nàng yă ală cau Juda.

Daniel 3:11

Mơ cau lơi ò tơmbic să nàng duh khoai rùp ràk hơ̆ gen rơp kong sơrbì tòm gùl bơnhă ồs hơng.