Daniel 5:20 - Sră Goh 2018

²⁰ Mơya, tòm tŭ khai yò is să khai mơ nùs khai gơlik kră kơldang bơh bơta pơnhừ să, gen khai kòl tă tơlik bơh di sơbàn bơtau khai dê mơ roh jơh bơta gơklŏ.

Daniel 5:20 Referans Kwoze

Hebrơ 3:13

Mơya tòm tŭ gam sơnđan la “Ngai do,” gen kòp ngai pal bơto tơngkah tĕ bal mơ gơp, rngòt gơs cau lơi digùl oh mi kòl tồi glài pơrlồm mơ gơlik kơldang nùs.

Jeremi 13:18

Đơs tĕ mơ bơtau mơ mè bơtau dê lah: “Nggui tĕ tòm tiah liah; Bơh sơgơn bơtau hàng mơnĕ, neh gơdùh bơh bồ bol mê dê rau.”

II Yal Yau 36:13

Khai kung tòmdră mơ bơtau Nebukatnessar la bơtau neh sồr khai srat să ho nền tòm sơnđan Yàng Tom Trồ dê. Khai kơldang bồ mơ kơldang nùs ò bài rê wơl hơ Yàng Jehôwa la Yàng Tom Trồ Israel dê.

II Ală Bơtau 17:14

Mơya bol khai ò bài iat, bol khai kư̆ kơldang bồ, be ală ồng pàng bol khai dê ò dòn di Jehôwa Yàng Tom Trồ bol khai dê.

Lik Ejiptơ 9:17

Mê gam bơtào is să tòm mê nàng tòmdră mơ Añ, ò lòi làng bol Añ in lik lòt.

Jơnau Pơnđik 16:18

Bơta pơnhừ să lòt lài bơta rung rài jat tơnơ̆; Mơ bơta tơngguh is să lòt lài mơ bơta gơtup pừ.

Luka 18:14

Añ đơs mơ bol mê, cau dar dia rê hơ hìu he geh kòp la song ring, ò di cau Pharisi ò; bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Jeremi 19:15

“Yàng Jehôwa Gơnap Gơnoar, Yàng Tom Trồ Israel dê đơs be do: ‘Do, Añ rơp cèng bơta rung rài mơ Añ neh yal lài ƀòn dờng do in mơ ală ƀòn gơrê bal mơ gơ, bơh bol khai neh lơh ngko bol khai gơlik kơldang, ò bài iat ală jơnau Añ.’”

Jơnau Pơnđik 16:5

Cau pơnhừ să ai lơh cù kìr Yàng Jehôwa in; Di ngan, bol khai rơp ò geh klàs bơh bơta lơh glài.

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Ejekiel 30:6

Do la jơnau Yàng Jehôwa đơs: “Ală cau dong tò Ejiptơ rơp gơpừ, bơta pràn kơldang mơ gơ jòng să rơp kong tơmù; bol khai rơp gơpừ bơh đào bơh Mikdôl tus Siene. Jehôwa Yàng Tom Trồ đơs behơ̆.

Jeremi 48:18

Ơ kòn ùr ơm tòm Dibôn! Mù tĕ bơh sơbàn gơklŏ, Nggui tòm tiah ro rañ. Bơh cau tơnroh Môap guh tòmdră mơ ai, Phà tơrlah theng kơ̆ cê ai dê.

Esai 47:1

Ơ kòn ơruh dềt Babilôn dê, mù tĕ nggui tòm thul ơmul! Ơ kòn ùr cau Kalde, mù nggui tĕ tòm ù, ò gơs sơbàn! Bơh ai rơp ò tai geh sơnđan la lơbơn mơ hàng mơnĕ tai.

I Samuel 6:6

Ñchi bơh tài bol mê lơh kơldang nùs kung be làng bol Ejiptơ mơ Pharaôn neh lơh taih? Tơnơ̆ mơ tŭ Kơnràñ neh lơh glài kơnjơ̆ di bol khai gen bol khai neh ò lòi Israel in khat gơboh nàng lik lòt ò ơ?

Lik Ejiptơ 18:11

Tŭ do añ git lah Yàng Jehôwa la dờng rlau mơ jơh ală yàng ndai, bơh Kơnràñ neh lơh bơta hơ̆ ală cau neh pơnhừ să gơwèt mơ Israel”.

Ejekiel 31:10

Gen tàng Jehôwa Yàng Tom Trồ đơs be do: ‘Tài bơh gơ dờng jơnhoa, să gơ jơnhoa hơđang ală mhwal, mơ nùs gơ bơh gơ jòng să bơh bơta jơnhoa gơ dê,

Daniel 8:8

Be dam gơlik gơs dờng pràn ngan: mơya tòm tŭ gơ neh tus di tiah lồi bơta pràn gơ dê rau, gen ngke dờng gơ dê pă, lòi tiah poan nơm ngke ndai gơhòn lik wèt hơ poan đah càl hơđang trồ.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Lik Ejiptơ 9:7

Pharaôn sồr cau lòt sền sơwì, mơ ò gŏ dô nơm phan poan jơng lơi cau Israel dê chơt ò. Bulah behơ̆, nùs Pharaôn dê kư̆ kră kơldang, mơ khai ò ai làng bol in lik lòt.

II Yal Yau 32:25

Mơya Ejekia ò lơh di pal jat be bơta lơbơn niam mơ Yàng Tom Trồ neh lơh gơwèt mơ khai, gen tàng bơta gơjrañ dờng Yàng Jehôwa dê tus hơđang khai mơ hơđang Juda mơ Jerusalem.

Daniel 4:26

Ai be jơnau neh sồr lah lòi wơl tơnggu ryas tòm chi hơ̆ dê, hơ̆ la lơgar bơtau dê rơp geh jào wơl bơtau in at bồ tŭ lơi bơtau neh đal git gơnoar at bồ Bơtau Hơđang Rlau Jơh dê ơm hơđang trồ.

Daniel 4:28

Jơh ală bơta hơ̆ gơtơntus di bơtau Nebukatnessar.