Daniel 5:19 - Sră Goh 2018

¹⁹ Tài bơh Kơnràñ neh ai khai in gơnoar dờng gen jơh ală làng bol, ală lơgar, ală jơnau đơs rơm să rngòt di đap khai. Khai kòñ tơnchơt cau lơi gen tơnchơt, kòñ lòi cau lơi in kis gen lòi. Khai kòñ yò tơngguh cau lơi hala kòñ tơmù cau lơi jat nùs khai dê.

Daniel 5:19 Referans Kwoze

Daniel 3:6

Cau lơi ò tơmbic să nàng duh khoai gen rơp kong sơrbì mo tòm gùl bơnhă ồs hơng.”

Daniel 3:4

Gen cau kwang at bồ bơta pơjum sa ai jơnau dờng đơs lah: “Ơ ală làng bol, ală lơgar, ală jơnau đơs, do la jơnau sồr bol mê in:

Rôma 13:1

Kòp nă cau pal dòn duh tĕ cau gơs gơnoar at bồ he, bơh ò gơs gơnoar lơi la ò tus bơh Yàng Tom Trồ, ală gơnoar at bồ hơ̆ la bơh Yàng Tom Trồ bơtào gơs.

Jang 19:11

Yàng Jesu ho lah: “Dilah ò di bơh hơđang neh ai ồng in, gen ồng ò gơs gơnoar lơi hơđang Añ; behơ̆ tàng, cau neh bơtào Añ ồng in gen cau hơ̆ gơs glài dờng rlau tai.”

Habakuk 2:5

Rlau mơ hơ̆, tơrnòm la bơta pơrlơ̆ dră; bơta pơnhừ să mơ ò ơm rlô. Bơh bol khai pò ơnàng ngko kung be bơtô ƀồc, kung be bơta chơt ò tŭ lơi tơl. Khai tơrgòm jơh ală lơgar să tòm khai in, mơ hòi pơjum jơh ală làng bol gơrê mơ bol khai.”

Daniel 4:22

Ơ bơtau, tòm chi hơ̆ la să tòm bơtau, bơtau neh gơlik dờng mơ pràn kơldang; bơta dờng ryŭ bơtau dê gơtơngguh tus hơ trồ, mơ gơnoar at bồ bơtau dê gơ lòt tus di lồi dut nhàr ù tiah dê.

Daniel 3:29

Gen tàng añ ai jơnau sồr do: Bulah la làng bol lơi, lơgar lơi, jơnau đơs lơi, dilah gơs cau lơi đơs jơnau lơi tòmdră di Yàng Tom Trồ Sadrak, Mesak mơ Abetnegô dê, gen să jan khai rơp kong crè rpot rpet, hìu ơm khai dê rơp gơlik dô gơnru thul, tài bơh ò gơs yàng lơi ndai gơs gơnoar dong tă be do ò.”

Jơnau Pơnđik 16:14

Bơta gơjrañ dờng bơtau dê la cau kong sồr bơta chơt dê; Mơya cau jak chài lơh rài bơta gơjrañ hơ̆.

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,

II Ală Bơtau 25:28

Khai đơs jơnau lơbơn niam mơ Jehôyakin, mơ ơn sơbàn khai gơs gơnoar rlau mơ ală cau bơtau bal mơ khai tòm Babilôn.

Ejekiel 31:11

Añ neh jào gơtòm tê cau at bồ ală lơgar dê nàng khai lơh di gơ di pal mơ bơta iơh bơsak gơ dê. Añ neh sang lòi gơ.

Daniel 4:17

Hơ̆ la bơta lơh nền bơh ală bơtau kơp gàr, la jơnau sồr ală bơtau sàng goh neh yal tơlik tồ jơh ală jơi phan kis in git lah Bơtau Hơđang Rlau Jơh at bồ tòm ală lơgar kòn mơnus dê; Kơnràñ kòñ ai cau lơi in jat nùs kòñ Kơnràñ dê; mơ pồ bơtào cau dềt rhền rlau jơh tòm jơi kòn mơnus hơđang hơ̆.’

Daniel 11:3

Gen rơp gơs dô nă cau bơtau gơs gơnoar pràn bơtào tơngguh, ai gơnoar dờng at bồ mơ lơh ală bơta jat nùs khai kòñ.

Daniel 11:16

Mơya cau bơtau đah đang hơ̆ rơp brồ lơh jat nùs khai kòñ, ò gơs cau lơi rgơi ntào tòmdră mơ khai. Khai rơp ntào tòm tiah gơklŏ khai dê mơ gơs gơnoar hơđang làm jơh.

Daniel 11:36

Cau bơtau đah đang rơp lơh jat nùs kòñ khai dê; khai rơp pơnhừ să mơ yò tơngguh să khai jòng hơđang rlau mơ jơh ală yàng, mơ đơs ală jơnau tràl sơrbil ngan tòmsò mơ Yàng Tom Trồ ală yàng dê. Khai rơp geh bơtoah bơtoài jơl tus di tŭ bơta gơjrañ dờng Yàng dê geh bềng tơl, tài bơh bơta neh lơh nền pal gơlik gơs di ngan.

Cau Bơto 8:3

Bañ rngòt rngơt mơ lik lòt bơh di đap cau bơtau; bañ lơh òbat tòm tŭ gơs bơta ò niam nùs bơtau, bơh bơtau lơh bơta lơi bơtau niam nùs.

Daniel 4:19

Tŭ hơ̆ Daniel sơnđan la Beltesassar, ò rgơi đơs tòm dô êt jŏ, mơ ală bơta kơlôi sơnơng lơh khai in rngòt rngơt. Gen cau bơtau đơs mơ khai lah: “Ơ Beltesassar, bañ lòi bơta mpau mơ jơnau gơtha gơ dê lơh mê in rngòt rngơt.” Beltesassar ho lah: “Ơ bơtau, kơp kòñ bơta mpau do gơtơntus di ală cau sò tơm di bơtau, mơ jơnau gơtha gơ dê gơlik gơs di ngan di ală cau tòmdră mơ bơtau.

Daniel 11:12

Tòm tŭ neh lơh gơprah mpồl ling đah đang rau gen bơtau đah đơm gơlik pơnhừ să. Khai rơp tơnchơt tơlak tơmàn cau mơya khai ò geh pha jŏ jòng.