Daniel 4:37 - Sră Goh 2018

³⁷ Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Daniel 4:37 Referans Kwoze

I Samuel 2:3

Bañ đơs tai ală jơnau pơnhừ să oă ir, bañ lòi jơnau jòng să lik bơh di bơr mê dê; bơh Yàng Jehôwa la Yàng Tom Trồ bơta git wă dê, mơ Kơnràñ kơr ală broă lơh.

Yal Wơl 32:4

Kơnràñ la Pơnai Lŭ, broă lơh Kơnràñ dê la wil tơl, mơ jơh ală gùng dà Kơnràñ dê la song ring. Yàng Tom Trồ Bơtau dòn song, ò blac pơrlồm, Kơnràñ la Bơtau song ngan mơ song ring;

Ejekiel 16:63

Gen tòm tŭ Añ lơh bơta tơwài glài ai in bơh jơh ală bơta ai neh lơh, ai rơp kah wơl mơ ƀàssìl, mơ ai ò gam pò bơr tai tài bơh bơta ƀàssìl ƀàsso ai dê,” Jehôwa Yàng Tom Trồ đơs behơ̆.

Đơs Crih 119:75

Ơ Yàng Jehôwa, añ git bơta cahrña Kơnràñ dê la song ring, Mơ hơ̆ la bơh bơta dòn song mơ Kơnràñ lòi añ in kong tơnliah să.

Lik Ejiptơ 18:11

Tŭ do añ git lah Yàng Jehôwa la dờng rlau mơ jơh ală yàng ndai, bơh Kơnràñ neh lơh bơta hơ̆ ală cau neh pơnhừ să gơwèt mơ Israel”.

Broă 17:24

Yàng Tom Trồ la Bơtau neh crơng gơs dunnia mơ ală phan tòm hơ̆, la Yàng trồ tiah dê, ò ơm tòm hìu duh khoai bơh tê cau lơh gơs ò.

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Daniel 4:34

Tus di lồi dut ală ngai hơ̆, añ la Nebukatnessar, añ wèt mat tơnggòr sền hơđang trồ, gen dơngoh jak gơrê wơl hơ añ, mơ añ jòng ro Bơtau Hơđang Rlau Jơh. Añ jòng ro mơ lơh gơklŏ sơnđan Bơtau kis gam sùm sùm: Gơnoar at bồ Kơnràñ dê la gơnoar gam sùm sùm. Lơgar Kơnràñ dê gam bơh rài do tus hơ rài ne.

Esai 5:16

Mơya Yàng Jehôwa Gơnap Gơnoar Dờng rơp geh yò tơngguh bơh bơta song ngan, mơ Yàng Tom Trồ Sàng Goh rơp ràng tơlik să tòm Kơnràñ sàng goh bơh bơta song ring

Đơs Crih 99:4

Ơ Bơtau at bồ gơs gơnap gơnoar, la Bơtau kòñ gơboh di bơta song ngan, Kơnràñ neh bơtào kơ̆ bơta ring bal; Kơnràñ neh lơh jat bơta song ngan mơ bơta song ring tòm Jakôp.

Yal Tơlik 16:7

Mơ añ kơno cơnòng duh khoai đơs lah: “Ngan, khoai Yàng la Yàng Tom Trồ, Bơtau Gơnoar Dờng Làm Jơh, Ală bơta cahrña Kơnràñ dê la song ngan mơ song ring.”

Daniel 5:4

Behơ̆, bol khai ñô tơrnòm mơ jòng ro ală yàng mơ màh, mơ priă, mơ kòng, mơ lòs, mơ chi, mơ lŭ.

Daniel 4:3

Ală tềl is Kơnràñ dê la dờng ngan, Ală bơta krơi Kơnràñ lơh la pràn kơldang ò git nđò! Lơgar Kơnràñ dê la lơgar gam sùm sùm, Gơnoar at bồ Kơnràñ dê gam bơh rài do tus hơ rài ne!”

Ejekiel 16:56

Ai kung rơp ò hoan đơs bơh sơnđan oh ùr ai dê la Sôdôm tòm ngai ai jòng să ai dê,

II Yal Yau 33:19

Jơnau hòi dan khai dê mơ mbe Yàng Tom Trồ neh dòp jơnau khai rac dan, kung be jơh ală bơta tồi glài ò dòn song khai dê, mơ ală tiah jơnhoa duh khoai mơ khai neh bơt mơ bơtào ală jrong duh khoai mơ ală rùp ràk Asera lài mơ tŭ khai tơnliah să tòm khai dê, jơh ală bơta hơ̆ neh geh cih tòm sră yal broă ală cau gơnoar git lài dê.

Esai 23:9

Yàng Jehôwa Gơnap Gơnoar Dờng neh lơh nền bơta hơ̆ nàng tơmù bơta pơnhừ să jơh ală bơta gơklŏ dê, mơ lơh ƀàssìl jơh ală cau dờng ryŭ tòm dunnia.

Jeremi 50:29

Hòi tĕ jơh ală cau at àtak tòmlơh mơ Babilôn, kòp nă cau wàr sơna; bơtào sàl gùt dar gơ; bañ lòi dô nă cau lơi dô klàs! Tơm wơl tĕ khai in jat broă khai lơh, be ală bơta khai neh lơh, lơh tĕ khai in; bơh khai neh pơnhừ să mơ đơs tràl di Yàng Jehôwa, Bơtau Sàng Goh Israel dê.

Daniel 4:26

Ai be jơnau neh sồr lah lòi wơl tơnggu ryas tòm chi hơ̆ dê, hơ̆ la lơgar bơtau dê rơp geh jào wơl bơtau in at bồ tŭ lơi bơtau neh đal git gơnoar at bồ Bơtau Hơđang Rlau Jơh dê ơm hơđang trồ.

Lik Ejiptơ 8:4

Ală kit rơp sơnđoh hơđang să mê, hơđang să làng bol mê dê mơ hơđang kòp nă cau kwang duh broă mê dê.’”

Este 6:10

Gen cau bơtau ai jơnau sồr Haman lah: “Lòt tĕ mo, cèng ào jrùh mơ ơseh mơ lơh tòm toh jat be mê neh đơs hơ̆ Mordike in la cau Juda ơm nggui di mpồng gơlang bơtau dê. Bañ sang lòi bơta lơi mơ mê neh đơs hơ̆.”