Daniel 3:27 - Sră Goh 2018

²⁷ Ală cau kwang đơng lơgar, ală cau kwang at bồ kơnhwàl lơgar, ală cau kwang at bồ ling, mơ ală kwang bơyai broă cau bơtau dê pơjum bal gùt dar, mơ gŏ ồs ò gơs gơnoar lơh iơh di să jan pe nă cau hơ̆, kung ò gơs dô dang che sŏ lơi hơđang bồ bol khai gơkòl ồs sa, ồi ào bol khai dê ò tơr ồ dô êt lơi, mơ kung ò ƀô ồs bơh bol khai sơl.

Daniel 3:27 Referans Kwoze

Esai 43:2

Tòm tŭ mê tiă gan ală dà, Añ rơp ơm bal mơ mê; mơ tòm tŭ mê tiă gan ală hiòng, gơ rơp ò tơnkram mê. Tòm tŭ mê lòt gan ồs, mê rơp ò kòl ồs sa, ală lơmpiat ồs rơp ò chu mê.

Hebrơ 11:34

tơnchơt ồs hơng, klàs di đào sồt, lơbơn lơño mơ gơlik pràn kơldang, tòm tŭ tòmlơh gơs nùs khin cha, ting bơtrơh mpồl ling làng bol bơdìh.

Broă 27:34

Behơ̆, añ bơto pơndòm ală ồng sào tĕ, nàng gàr bơta kis ală ồng dê, mơ ò gơs cau lơi tòm ală ồng rơp roh dô dang che sŏ bơh dê bồ he dê ò.”

Mathiơ 10:30

Sŏ hơđang bồ bol mê kung neh kòp jơh rau.

Esai 26:11

Ơ Yàng Jehôwa, tê Kơnràñ neh pò hơđang, mơ bol khai ò sền gŏ gơ. Lòi bol khai in gŏ nùs ngac ngar Kơnràñ dê bơh làng bol Kơnràñ dê mơ rơp ƀàssìl; Lòi ồs chu pơrguc cau sò tơm bol khai.

Đơs Crih 83:18

Dan lòi bol khai in git lah mìng dô nă Yàng, La Bơtau Hơđang Rlau Jơh tòm plai ù, Sơnđan Kơnràñ la Yàng Jehôwa.

II Ală Bơtau 19:19

Behơ̆ tŭ do, ơ Jehôwa Yàng Tom Trồ bol hi dê! Dan dong tă bol hi klàs bơh tê Sennacerip, tồ jơh ală lơgar hơđang plai ù git lah mìng dô nă Jehôwa la Yàng Tom Trồ lơm.”

Daniel 3:21

Behơ̆, bol khai kong cap bal mơ ào jrùh, srồmpha, ồi gòm bồ, mơ ală ồi ào ndai, mơ cau sơrbì bol khai tòm gùl bơnhă ồs hơng.

Broă 26:26

Bơtau git loh ală bơta do gen añ khin cha đơs; bơh añ dòn nền ngan lah ò gơs bơta lơi mơ bơtau ò git, tài bơh ală broă do ò di lơh tòm tiah ndơp ò.

Daniel 6:7

Jơh ală cau kwang đơng lơgar, ală cau kwang at bồ kơnhwàl lơgar, ală cau kwang bơyai broă bal mơ ală cau kwang ndai gơs dô nùs bal dan bơtau tơlik jơnau sồr bơkơ̆u kràñ cê tòm pe jơt ngai, dilah cau lơi hòi dan di yàng lơi ndai, hala di cau lơi ndai rlau mơ cau bơtau, gen cau hơ̆ rơp pal kong sơrbì tòm wàng klìu triă.

Daniel 6:23

Gen bơtau hòn chò ngan, mơ sồr cèng tơngguh Daniel bơh di wàng klìu. Behơ̆, Daniel geh cèng tơngguh bơh di wàng, mơ cau ò gŏ dô nơm tềl sồt lơi di khai, tài bơh khai neh dòn kơnòm di Yàng Tom Trồ khai dê.

I Ală Bơtau 13:28

Khai lòt, tìp ƀồc chơt bic tòm gùng, alàng mơ klìu triă ntào di gah. Klìu triă ò sa ƀồc neh chơt mơ kung ò crè poac alàng.