Daniel 11:21 - Sră Goh 2018

²¹ Cau rơp tơrbŏ sơbàn hơ̆ la dô nă cau lac lèo, khai ò geh pồ bơtào gơnoar at bồ. Khai rơp tòmpìt ai lơgar tòm tŭ làng bol ò rcang lài, khai ngui kai gơrmơ̆i lac lèo nàng geh lơgar.

Daniel 11:21 Referans Kwoze

Daniel 11:34

Tòm tŭ bol khai kong behơ̆, bol khai rơp geh dong kòl dô êt: mơ oă cau rơp lơh gơs dô bă bal mơ bol khai dô bă ma blac.

Daniel 8:25

Khai kơnòm dê bơta ma blac khai dê, khai geh bơtoah tòm ală bơta blac pơrlồm khai dê; bơtau hơ̆ yò tơngguh să tòm khai la jòng màng rlau jơh. Nisơna khai rơp tơnroh oă cau; khai khin guh tòmsò mơ Bơtau ală bơtau dê, mơya khai rơp gơkòl tơnroh, mơ ò di bơh tê kòn mơnus.

Đơs Crih 55:21

Jơnau đơs khai dê ntiar rlau mơ dơngi dà toh, Mơya tòm nùs gơs bơta kơlìn gơtoă; Ală jơnau khai dê lơbơn rlau mơ mơñà, Mơya ngan la đào rlai.

Nahum 1:14

Yàng Jehôwa neh ai dô jơnau sồr tus hơ mê; “Sơnđan mê dê rơp ò gam sùm sùm. Añ rơp tơnroh ală rùp pac sềr mơ ală rùp tŏ bơh di hìu ală yàng mê dê. Añ rơp lơh bơtô ƀồc mê in bơh mê la ò di pal.”

Daniel 11:32

Khai ngui jơnau rơmhòc nàng ơniai ală cau sang lòi bơta ho bal; mơya làng bol git Yàng Tom Trồ rơp tòmdră mơ khai dô bă pràn kơldang.

Daniel 11:20

Cau bơtau pơrdòn sơbàn khai dê rơp sồr dô nă cau kwang dar dia nàng dong bơtào kơ̆ bơta pas ryŭ lơgar khai dê, mơya tòm dô êt jŏ khai rơp kong tơnroh, ò di tài bơh bơta gơjrañ kơuềng hala bơta tòmlơh lơi.

Daniel 11:7

Dô nă tòm hìu nhă kòn ùr bơtau dê rơp bơtào tơngguh nàng tơrbŏ sơbàn khai. Khai lam mpồl ling tus tòmlơh mơ bơtau đah đang mơ geh pha.

Daniel 8:23

Tòm tơngai lồi dut gơnoar at bồ bol khai dê, tòm tŭ ală cau tòmdră neh gơlik iơh bơsak ngan, gen bơtào tơngguh dô nă bơtau gơs muh mat jàñ bơsak, git jak ală kai gơrmơ̆i tòmlơh.

Daniel 8:9

Bơh di dô nơm tòm ală ngke hơ̆ gơhòn lik dô nơm ngke dềt, sơlo ngai sơlo gơlik pràn wèt hơ đah đơm, đah mattơngai lik, mơ wèt hơ lơgar hàng mơnĕ sơl.

Daniel 7:8

Tòm tŭ añ ơm kơlôi tồ git bơh ală ngke hơ̆, nisơna gơs dô nơm ngke dềt gơhòn bơh digùl ală ngke hơ̆, mơ pe nơm tòm ală ngke lài gơkòl tă tơlik di đap ngke dềt hơ̆. Ngke dềt hơ̆ gơs ală gar mat be gar mat kòn mơnus, mơ dô nơm bơr đơs ală jơnau tràl sơrbil.”

Esai 32:5

Dô nă cau tùl gơla rơp ò tai geh sơnđan la cau màng ryŭ, hala dô nă cau lac lèo ò gơs cau lơi ki ngàm.

Đơs Crih 15:4

Khai sền òsơp di cau iơh bơsak, Mơya sền dờng màng di cau duh rngòt di Yàng Jehôwa; Khai ho nền bulah pal kong roh, kung ò tòmgơl jơnau.

Đơs Crih 12:8

Tòm tŭ bơta ơlă ơlai geh yò tơngguh digùl kòn mơnus, Gen cau iơh bơsak rơp lòt gùt dar ală đah.

I Samuel 3:13

Bơh Añ neh đơs mơ khai lah Añ rơp lơh glài hìu nhă khai dê sùm sùm, tài bơh tồi glài mơ khai neh git; tài bơh ală kòn klau khai dê neh lơh ală bơta tràl sơrbil di Yàng Tom Trồ, mơ khai ò kơryan bol khai.

Daniel 4:17

Hơ̆ la bơta lơh nền bơh ală bơtau kơp gàr, la jơnau sồr ală bơtau sàng goh neh yal tơlik tồ jơh ală jơi phan kis in git lah Bơtau Hơđang Rlau Jơh at bồ tòm ală lơgar kòn mơnus dê; Kơnràñ kòñ ai cau lơi in jat nùs kòñ Kơnràñ dê; mơ pồ bơtào cau dềt rhền rlau jơh tòm jơi kòn mơnus hơđang hơ̆.’