Daniel 10:6 - Sră Goh 2018

⁶ Să jan khai dê gơcrà àng be lŭ màng, muh mat be puhlèp, mơ gar mat be ồs sơmpòl, tê mơ jơng be kòng tho goh, mơ sap đơs be jơnau mpồl cau oă dê.

Daniel 10:6 Referans Kwoze

Yal Tơlik 19:12

Gar mat Kơnràñ dê be lơmpiat ồs, bồ ndau oă sơgơn bơtau; gơs cih dô sơnđan, sơnđan hơ̆ rlau mơ Kơnràñ ò gơs cau lơi git.

Mathiơ 17:2

Kơnràñ srơh să di dap bol khai, muh mat Kơnràñ àng gơcrà be mattơngai, ào Kơnràñ gơlik bò be bơta àng.

Ejekiel 10:9

Añ tơnggòr sền mơ gŏ gơs poan nơm kong rơndeh di gah ceruƀim, dô nơm kong rơndeh di gah kòp nơm ceruƀim; ală kong rơndeh hơ̆ gơcrà kung be lŭ màng rmit.

Ejekiel 1:24

Tòm tŭ ală phan wìn kis lòt, añ kơno ntas ală đar bol gơ dê, ntas kung be dà dờng nggồr, kung be ntơr Bơtau Gơnap Gơnoar Dờng dê, mơ kung be ntas nggồr dô mpồl ling dê. Tòm tŭ bol gơ ơm dơh wơl, bol gơtơmù đar bol gơ dê.

Ejekiel 1:16

Rùp mơ să ală kong rơndeh hơ̆ la be do: bol gơ gơcrà kung be lŭ màng tơlir, mơ jơh poan nơm kong gơlơh ndròm bal. Rùp să gơ dê gơlơh be kong rơndeh do gơrsò tòm kong rơndeh ne.

Ejekiel 1:14

Ală phan wìn kis hơ̆ lòt mhar hơđap mơ ruc wơl đah ngkòi kung be puhlèp.

Yal Tơlik 21:20

mơnàng pram mơ lŭ kĕ pơrhê, mơnàng prau mơ lŭ màng pơrhê, mơnàng poh mơ lŭ màng rmit, mơnàng phàm mơ lŭ màng tơlir dà, mơnàng sin mơ lŭ kĕ gur, mơnàng jơt mơ lŭ gơcrà tơlir, mơnàng jơt dùl mơ lŭ màng gur tơlir, mơnàng jơt bàr mơ lŭ màng gur.

Yal Tơlik 10:1

Chòp añ gŏ dô nă cau gơnrơh pràn kơldang ndai mù bơh đang trồ, soh mhwal be ào, di bồ gơs dô nơm bơrlangkang, mat khai be mattơngai, mơ jơng khai be jrong ồs.

Luka 9:29

Tòm tŭ Kơnràñ hòi dan, muh mat Kơnràñ gơtòmgơl, ào Kơnràñ gơlik bò àng gơcrà lul.

Ejekiel 1:7

Ală jơng bol gơ song, mpàng jơng kung be mpàng jơng kơnrồ dam mơ sền gơlơh kung be kòng ồs sa àng lơr.

Lik Ejiptơ 28:20

tòm sèng poan gơs lŭ màng rmit, lŭ kĕ pơrhê mơ lŭ màng gơcrà. Ală lŭ màng do rơp ơn tòm ală dơwàng màh bơka hàng mơnĕ.

Mathiơ 28:3

Rùp să cau gơnrơh àng be puhlèp, mơ ào bò be piar.

Yal Tơlik 2:18

“Cih tĕ cau gơnrơh Hìu Jum Goh Thiatirơ in lah: Do la ală jơnau đơs Kòn Yàng Tom Trồ dê, la Bơtau gơs gar mat be lơmpiat ồs, mơ jơng Kơnràñ gơlơh be kòng àng goh:

Đơs Chò 5:14

Tơwòr tê khai be dô ding màh ƀềp lŭ màng rmit: să jan khai ò gơkrơi be bla mòn niam geh ƀềp mơ lŭ màng tơlir trồ.

Ejekiel 40:3

Kơnràñ neh cèng añ tus tềng hơ̆ mơ añ gŏ dô nă cau gơs rùp să kung be kòng. Cau hơ̆ ntào di gùng mpồng pơnggàr, at tòm tê dô dang che brài mơ dô nơm gai was mơ proh.

Ejekiel 8:2

Añ tơnggòr sền mơ gŏ gơs rùp să gơlơh kung be rùp dô nă kòn mơnus. Bơh di but cau hơ̆ tus di hơđơm khai gơlơh be ồs; ai bơh di but tus di hơđang gơlơh àng gơcrà kung be kòng àng lơr.