Daniel 10:19 - Sră Goh 2018

¹⁹ Bơtau hơ̆ đơs mơ añ lah: “Ơ cau geh kòñ gơboh ngan, bañ rngòt, ơm tĕ lơngai. Pràn kơldang mơ khin cha tĕ!” Tòm tŭ Bơtau hơ̆ đơs mơ añ gen añ gơs wơl pràn kơldang mơ đơs lah: “Ơ Yàng añ jê, dan đơs tĕ, bơh Yàng neh ai añ in gơs pràn kơldang.”

Daniel 10:19 Referans Kwoze

Esai 35:4

Đơs tĕ mơ ală cau gơs nùs rngòt rngơt lah: “Kơ̆ tĕ nùs, bañ rngòt; do la Yàng Tom Trồ bol mê dê, Kơnràñ rơp tus nàng sal tê; bal mơ bơta rngòt cù kìr mơ bơta sal wơl. Kơnràñ rơp tus nàng dong klàs bol mê.”

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Ală Kwang Cahrña 6:23

Mơya Yàng Jehôwa đơs mơ khai lah: “Kơ̆ tĕ nùs, bañ rngòt, mê rơp ò chơt.”

Daniel 9:23

Bơh di tŭ mê rơp sơntòm hòi dan gen jơnau ho wơl neh gơs mơ añ tus nàng yal jơnau hơ̆ mê in, tài bơh mê neh geh kòñ gơboh ngan. Behơ̆, kơlôi sơnơng tĕ jơnau do mơ git wă tĕ bơta gơtơnggŏ.

Yal Tơlik 1:17

Dơ̆ añ gŏ Kơnràñ, añ gơcup blup di jơng Kơnràñ be cau chơt. Mơya Kơnràñ ai tê ma ƀư di să añ, mơ đơs lah: “Bañ rngòt, Añ la Bơtau Sơnròp mơ Bơtau Lồi Dut,

II Kôrintô 12:9

Mơya Yàng đơs lah: “Bơta nđàc Añ jê neh tơl mê in, bơh gơnoar pràn Añ jê gơlik wil tơl tòm bơta lơbơn lơño.” Behơ̆ añ ai lơh chò nùs chan jòng să bơh bơta lơbơn lơño añ jê, tồ gơnoar pràn Bơtau Krist dê ơm hơđang añ.

Jang 14:27

Añ lòi wơl bơta lơngap lơngai bol mê in; Añ ai bơta lơngap lơngai Añ jê bol mê in; Añ ai bol mê in ò di be dunnia ai. Nùs bol mê bañ dơrcul mơ bañ rngòt.

II Timôthe 2:1

Behơ̆ ơ kòn, pràn kơldang tĕ tòm bơta nđàc tòm Yàng Krist Jesu.

Jang 19:26

Yàng Jesu gŏ mè Kơnràñ, mơ cau bơtê Kơnràñ kòñ gơboh ntào rềp, gen đơs mơ mè lah: “Ơ mè, do la kòn mè dê!”

Jang 21:20

Pier wơlke, gŏ cau bơtê Yàng Jesu kòñ gơboh jat bơh tơnơ̆, hơ̆ la cau tòm tŭ sào mho sơrkềng să di ntơh Yàng Jesu mơ đơs lah: “Ơ Yàng, ñcau la cau pơrlơ̆ dră di Kơnràñ taih?”

Jang 11:36

Tài behơ̆ ală cau Juda đơs lah: “Sền ne, khai kòñ gơboh di cau hơ̆ ò git lơh!”

Jang 11:5

Yàng Jesu kòñ gơboh di Mathe, bal mơ oh khai mơ Lasarơ.

Jang 11:3

Behơ̆, bàr nă oh mi khai sồr cau lòt tus đơs mơ Yàng Jesu lah: “Ơ Yàng, cau Yàng kòñ gơboh gam bic kòp.”

I Kôrintô 16:13

Oh mi drơng kơp tĕ, ơm kơ̆ tĕ tòm bơta dòn, lơh tĕ be cau dờng, mơ pràn kơldang tĕ.

Sră Age 2:4

‘Mơya tŭ do, ơ Jerubabel, khin cha tĕ!’ Yàng Jehôwa đơs behơ̆. ‘Ơ Jôsua, kòn klau Jehôjadak, cau gơnoar dờng lam bồ ơn phan duh khoai, khin cha tĕ!’ Yàng Jehôwa đơs behơ̆. ‘Jơh làng bol tòm lơgar, khin cha tĕ mơ lơh broă. Bơh Añ ơm bal mơ bol mê,’ Yàng Jehôwa Gơnap Gơnoar Dờng Làm Jơh đơs behơ̆.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Sacari 8:9

Yàng Jehôwa Gơnap Gơnoar Dờng Làm Jơh đơs be do: “Bol mê la ală cau pa do kơno ală jơnau hơ̆ bơh bơr ală cau gơnoar hwơr neh gơs mat tòm tŭ bơt bơtào wơl mơnàng hìu duh khoai, la hìu Yàng Jehôwa Gơnap Gơnoar Dờng Làm Jơh dê, lơh tĕ tê bol mê dê gơlik pràn kơldang.

Daniel 10:18

Gen bơtau gơs rùp să be dô nă cau ƀư tai di añ mơ ai añ in pràn kơldang.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Đơs Crih 138:3

Tòm ngai añ hòi dan, Yàng dòp jơnau añ, Mơ bơtơl pràn hwềng soàn añ in.

Ephesô 6:10

Lồi tơnơ̆ wơl, oh mi gơs tĕ pràn kơldang tòm Yàng, mơ tòm gơnap gơnoar pràn kơldang Kơnràñ dê.

Sacari 8:13

Ơ hìu Juda mơ hìu Israel! Bol mê neh gơlik gơs làng bol cau srat sơntơm digùl ală lơgar mbe lơi, gen Añ rơp dong klàs bol mê, mơ bol mê rơp gơlik gơs dô bơta lơngai. Bañ rngòt rngơt, mơya lơh pràn kơldang tĕ tê mê dê!”