Daniel 1:17 - Sră Goh 2018

¹⁷ Yàng Tom Trồ ai poan nă cau pơnu hơ̆ gơs bơta jak chài, git wă jơh ală sră pơàr, ală bơta bơtê. Daniel kung git wă ală bơta gơtơnggŏ mơ bơta mpau tai sơl.

Daniel 1:17 Referans Kwoze

Jakơ 1:5

Dilah tòm oh mi gơs cau lơi siơ̆u bơta jak chài, dan tĕ mơ Yàng Tom Trồ, gen Kơnràñ rơp ai, bơh Yàng Tom Trồ la Bơtau ai gòi tơl nă cau in dô bă ơnàng, ò lah pơrhơng cau lơi.

I Ală Bơtau 3:12

gen Añ rơp lơh jat bơta mê neh dan, Añ rơp ai mê in dô nơm nùs jak chài mơ àng loh, ò gơs cau lơi neh gơs lài mơ mê ndròm be mê, mơ kung rơp ò gơs cau lơi tus tơnơ̆ mê ndròm be mê.

Daniel 2:21

Yàng tòmgơl tŭ tơngai mơ kơnhai sơnam, Kơnràñ tă sang mơ pồ bơtào ală cau bơtau, Kơnràñ ai bơta jak chài cau lơi in jòi jat Kơnràñ, mơ ai bơta git wă cau àng loh in.

Sră Jop 32:8

Mơya hơ̆ la hwềng ơm tòm kòn mơnus, Nhơm tă Bơtau Gơnap Gơnoar Làm Jơh dê ai bơta git wă,

Daniel 2:23

Ơ Yàng Tom Trồ ồng pàng añ jê, Añ ưnngài mơ jòng ro Kơnràñ, tài bơh Kơnràñ neh ai añ in bơta jak chài mơ gơnap gơnoar, Kơnràñ neh ai añ in git bơta bol hi hòi dan mơ Kơnràñ, bơh Kơnràñ yal tơlik bol hi in git bơta pal càng bơtau dê.”

Kôlôse 1:9

Tài bơh hơ̆, bơh ngai bol hi kơno jơnau hơ̆, gen kung bơh oh mi mơ hòi dan ò dơh, dan oh mi in geh bềng lìu bơta git wă nùs kòñ Yàng Tom Trồ dê tòm jơh ală bơta jak chài mơ bơta git loh đah hwềng,

Jơnau Pơnđik 2:6

Bơh Yàng Jehôwa ai gòi bơta jak chài. Bơh di bơr Kơnràñ tus bơta git jak mơ bơta git wă.

Broă 6:10

Mơya bol hơ̆ ò rgơi tòmdră mơ bơta jak chài khai dê bal mơ Yàng Hwềng Goh sơl la Bơtau ai khai in ală jơnau đơs hơ̆,

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

Broă 7:22

Môise bơtê jơh ală bơta jak chài cau Ejiptơ dê; khai gơs gơnoar pràn tòm jơnau đơs mơ broă lơh khai dê.

Daniel 10:1

Tòm nam dơ̆ pe rài bơtau Sirus, lơgar Persia dê, gơs jơnau yal tơlik Daniel in, kung sơnđan la Beltesassar. Jơnau yal tơlik gơ la ngan, mơ gơyal bơh dô bơta sòdră dờng. Daniel git wă jơnau yal hơ̆, dòp mơ git wă jơnau gơtha tòm bơta gơtơnggŏ.

Ejekiel 28:3

Mê ngan la jak chài rlau mơ Daniel sơl ơ? Ò gơs bơta ndơp ndơr lơi rgơi pồn bơh di mê sơl ơ?

II Yal Yau 26:5

Khai jòi jat Yàng Tom Trồ tòm rài Sacari la cau neh bơto sồr khai duh rngòt di Yàng Tom Trồ. Khai jòi jat Yàng Jehôwa jŏ kàr lơi gen Yàng Tom Trồ ai khai in bơta bơtoah bơtoài.

Khà Làng Bol 12:6

Kơnràñ đơs lah: “Iat tĕ jơnau Añ: Tòm tŭ dô nă cau gơnoar hwơr Yàng Jehôwa dê ơm digùl bol mê, Añ yal tơlik să tòm Añ khai in tòm ală bơta gơtơnggŏ, Añ đơs mơ khai tòm ală bơta mpau.

Broă 7:10

Kơnràñ dong tă khai lik klàs bơh jơh ală bơta bòl glar, mơ ai khai in bơta nđàc mơ bơta jak chài di đap Pharaôn, bơtau Ejiptơ; cau bơtau hơ̆ pồ bơtào khai lơh gơs kwang dờng lơgar Ejiptơ, mơ jơh hìu nhă cau bơtau dê sơl.

Daniel 7:1

Tòm nam dơ̆ sơnròp rài Belsassar, bơtau lơgar Babilôn dê, Daniel bic mang hơđang cơnòng gen gŏ bơta mpau mơ ală bơta gơtơnggŏ tòm dơngoh khai. Khai cih wơl bơta mpau mơ yal wơl ală bơta gơtơnggŏ hơ̆.

Daniel 2:19

Behơ̆, bơta ndơp ndơr geh yal tơlik Daniel in tòm bơta gơtơnggŏ tòm trồ mang, gen Daniel jòng ro Yàng hơđang trồ.

Luka 21:15

Bơh Añ rơp ai bol mê in jơnau đơs mơ bơta jak chài mơ ală cau sò tơm di bol mê ò rgơi tòmdră hala đơs tơrwơl.

Esai 28:26

Hơ̆ la Yàng Tom Trồ neh nting sồr mơ bơto bol khai git gùng pal lơh.

Cau Bơto 2:26

Bơh Yàng Tom Trồ ai bơta jak chài, àng loh, mơ bơta chò hòp cau lơi in geh niam nùs Kơnràñ; mơya Kơnràñ ai cau glài in broă lơh mơ tơrgòm prap, mìng ai cau lơi in geh niam nùs Yàng Tom Trồ. Bơta hơ̆ kung la bơta roh lơm, jat dô ròs càl khồm.

II Yal Yau 1:10

Tŭ do dan ai Añ in bơta jak chài mơ bơta git wă nàng lik mơ mut di đap làng bol do, bơh ñcau rgơi at bồ làng bol dờng do Kơnràñ dê taih?”

I Ală Bơtau 3:28

Tòm tŭ jơh ală cau Israel kơno bơta cahrña bơtau dê, gen bol khai duh rngòt ngan di bơtau, tài bơh bol khai dòp git cau bơtau gơs bơta jak chài Yàng Tom Trồ dê nàng lơh jat bơta song ring.

Daniel 8:1

Tòm nam dơ̆ pe rài bơtau Belsassar; añ, Daniel gơs dô bơta gơtơnggŏ tai, tơnơ̆ mơ bơta gơtơnggŏ lài mơ añ neh gơs.

Daniel 5:14

Añ neh kơno đơs bơh mê la gơs hwềng ală yàng di ơm tòm mê, mơ mê gơs bơta àng, bơta git wă mơ jak chài lin rlau.

II Yal Yau 1:12

gen bơta jak chài mơ bơta git wă rơp geh ai mê in. Mơ Añ kung rơp ai mê in phan mơna, bơta pas sơm mơ tiơng pơnro, tian gơs ò gơs cau bơtau lơi lài mê hala cau bơtau lơi tơnơ̆ mê rơp gơs ndròm be mê.”

Daniel 1:4

ală cau pơnu gơs să jan ò sồt rmàñ, muh mat hàng mơnĕ gơs tơl ală bơta jak chài, àng loh, git wă, chài rgơi duh broă tòm gơlang bơtau, mơ bơto bol khai in cih mơ đơs jơnau Kalde dê.

Daniel 1:18

Tus di tŭ bơtau lơh nền nàng cèng bol khai tus, gen cau kwang at bồ tòm gơlang bơtau lam bol khai tus di đap bơtau Nebukatnessar.

Daniel 1:20

Mơ tai, tòm tŭ cau bơtau lùp bol khai ală sèng lùp bơh ală bơta jak chài mơ bơta git wă, gen gŏ bol khai lin jơt dơ̆ rlau mơ jơh ală cau gru mơ cau tơlhơu tòm làm lơgar cau bơtau dê.

Daniel 2:30

Đah pơnah añ, bơta ndơp ndơr hơ̆ neh yal tơlik añ in, hơ̆ ò di la tài bơh añ gơs bơta jak chài oă rlau mơ ală cau ndai, mơya hơ̆ la nàng geh yal tơlik jơnau gơtha bơta mpau bơtau in, mơ ai bơtau in git wă ală bơta kơlôi sơnơng tòm dơngoh bơtau dê.

Daniel 4:6

Behơ̆, añ ai jơnau sồr cèng tus di đap añ jơh ală cau jak chài Babilôn dê, tồ bol khai yal tơlik jơnau gơtha bơta mpau hơ̆ añ in.