Cau Bơto 8:12 - Sră Goh 2018

¹² Bulah cau glài lơh iơh dô rhiang dơ̆ gam geh kis jŏ; bulah behơ̆, añ git lah cau duh rngòt di đap Yàng Tom Trồ, lồi dut rơp geh lơngai, tài bơh bol khai ntào tòm bơta duh rngòt di đap Yàng Tom Trồ.

Cau Bơto 8:12 Referans Kwoze

Đơs Crih 37:11

Mơya cau niam lơnhơn rơp dòp geh lơgar, Mơ geh hừh hơh tòm bơta lơngap lơngai wil tơl.

II Pier 2:9

Gen Yàng git mbe dong tă ală cau duh rngòt klàs bơh ală bơta gơlòng bòl glar, mơ git mbe krơ̆ jàm ală cau ò song ring tòm bơta lơh glài jàm jơl tus di ngai cahrña,

Cau Bơto 7:15

Tòm rài kis roh lơm añ jê, añ neh gŏ jơh ală bơta: Gơs ală cau song ring, roh rui tòm bơta song ring bol khai dê; mơ cau iơh bơsak geh kis jŏ jòng tòm bơta iơh bơsak bol khai dê.

Cau Bơto 3:14

Añ git lah kòp nơm broă Yàng Tom Trồ neh lơh gơs gen gam gơs sùm sùm; ò gơs bơta lơi rgơi ƀơ̆ ƀơl gơ in, hala kung ò gơs bơta lơi rgơi pơndut bơh gơ; Yàng Tom Trồ lơh bơta hơ̆, nàng lơh jơh kòn mơnus ntào duh rngòt di đap Kơnràñ.

Rôma 9:22

Yàng Tom Trồ kòñ sơnio bơta gơjrañ dờng mơ yal tơlik gơnap gơnoar Kơnràñ dê, gen neh ai oă bơta kong ơt mơ kong di ală cau pal gơjrañ neh prap lòi bơta roh rui in.

Luka 1:50

Bơta kòñ nđàc Kơnràñ dê gam bơh rài do jơl rài ne hơđang ală cau duh rngòt dê Kơnràñ.

Rôma 2:5

Mơya nùs mê kră kơldang, ò bài gơjrañ sang glài, gen lơh is he in bơta gơhào gơjrañ tòm ngai gơjrañ dờng, tòm tŭ bơta cahrña song ring Yàng Tom Trồ dê geh ràng tơlik.

Mathiơ 25:34

Tŭ hơ̆ Bơtau rơp đơs mơ ală cau ơm đah ma lah: ‘Ơ ală cau geh lơngai bơh di Bèp añ jê, tus tĕ pơrdòn lơgar neh rcang sir bol mê in bơh tŭ crơng gơs trồ tiah.

Cau Bơto 7:18

Bơta niam hơ̆ la mê sơmbat kơ̆ dô bơta; mơ kung bañ kwòr tê hơ bơta ne; bơh cau lơi duh rngòt Yàng Tom Trồ rơp geh pơrdòn jơh bàr bơta hơ̆.

Cau Bơto 5:16

Bơta do kung la dô bơta rung rài dờng: Cau neh tus tòm dunnia be lơi, bol khai rơp rê wơl behơ̆ sơl. Mơ ñchi gơs kwơ bol khai in bơh ală broă lơh bòl glar jat càl khồm taih?

Jơnau Pơnđik 13:21

Bơta rung rài ting jat cau gơs glài; Ai bơta lơngai lơngò la phan ƀàn cau song ring dê.

Đơs Crih 115:13

Kơnràñ rơp ai lơngai lơngò ală cau lơi in duh rngòt di Yàng Jehôwa, Cau dềt hala cau dờng kung behơ̆ sơl.

Đơs Crih 112:1

Jòng ro Yàng Jehôwa! Lơngai cau lơi in duh rngòt di Yàng Jehôwa, Mơ cau lơi gơboh oă ngan bơta sồr lam Kơnràñ dê!

Đơs Crih 96:9

Soh tĕ phan sàng goh nàng duh khoai Yàng Jehôwa; Ơ jơh plai ù, rngòt rơm să tĕ di đap Kơnràñ!

I Yal Yau 16:30

Ơ jơh plai ù, rơm să tĕ di đap Kơnràñ! Lơgar dunnia neh geh bơtào kơ̆, gơ ò rgơi geh tòmgơl.

I Ală Bơtau 21:25

(Ngan, ò gơs cau lơi be Ahap, la cau neh tac să nàng lơh bơta iơh di đap Yàng Jehôwa, mơ khai kòl chồl bơtrut bơh bau ùr khai la Jesebel.

Yal Wơl 12:25

Bañ sa gơ tồ ală bơta rơp gơlik niam bol mê in mơ ală kòn sau tus tơnơ̆ mơ bol mê, tài bơh bol mê pal lơh bơta di ngan di đap mat Yàng Jehôwa.

Lik Ejiptơ 1:20

Behơ̆, Yàng Tom Trồ gơwèt niam mơ ală cau ùr đơng deh; làng bol gơbơtơl oă mơ ntum khà gơlik gơs dờng rlau tai.

Yal Wơl 4:40

Prap gàr tĕ ală bơta lơh nền mơ ală bơta sồr lam Kơnràñ dê mơ añ ai bol mê in tòm ngai do, tồ ală bơta rơp gơlik gơs niam bol mê in mơ ală kòn sau bol mê in tơnơ̆ mơ bol mê, nàng bol mê rgơi geh kis jŏ jòng tòm lơgar mơ Jehôwa Yàng Tom Trồ bol mê dê ai bol mê in gam sùm sùm.

Yal Wơl 12:28

Kơrhia tĕ dòn bơr lơh jat jơh ală bơta sồr lam do mơ añ ai bol mê in tồ ală bơta rgơi gơlik gơs niam sùm sùm bol mê in mơ ală kòn sau tơnơ̆ mơ bol mê, tài bơh bol mê rơp pal lơh bơta niam mơ di ngan di đap mat Jehôwa Yàng Tom Trồ bol mê dê.

Đơs Crih 128:2

Mê rơp sa cồng nha bơh broă bòl glar tê mê neh lơh; Mê rơp geh chò hòp mơ bơtoah bơtoài.

Cau Bơto 5:7

Tiah lơi gơs oă mpau tềng hơ̆ gơs oă bơta roh lơm mơ bơtơl oă jơnau; mơya duh rngòt tĕ di Yàng Tom Trồ.

Cau Bơto 12:13

Jơnau crap wơl bơh ală bơta neh gơlik gơs neh geh kơno do: Duh rngòt tĕ Yàng Tom Trồ mơ prap gàr ală bơta sồr lam Kơnràñ dê; hơ̆ la broă tòm wil tơl jơh tơl nă dê.

Sră Jop 35:15

Mơ tŭ do, tài bơh bơta gơjrañ Kơnràñ dê òhềt lơh glài, Mơ Kơnràñ ò ơn tồr dô êt lơi di bơta tồi glài iơh bơsak;

Jơnau Pơnđik 28:14

Cau lơi òs duh rngòt sùm sùm gơs lơngai ngan; ai cau lơi kơldang nùs rơp dùh tòm bơta sơbơng rơng.

Jeremi 44:10

Bol khai ò tơnliah să jơl tus ngai do, ò duh rngòt, ò lòt jat bơta boh lam gơnoar sồr Añ neh ơn di đap bol mê mơ ồng pàng bol mê dê.’