Cau Bơto 5:18 - Sră Goh 2018

¹⁸ Do la ală bơta niam mơ añ neh sền gŏ: bơta di pal la sa, hùc mơ jòi geh bơta hòn chò tòm jơh ală bơta bòl glar mơ he neh lơh hơđơm mattơngai, tòm dô êt ngai tòm rài kis Yàng Tom Trồ neh ai bol he in, bơh hơ̆ la pơnah he dê.

Cau Bơto 5:18 Referans Kwoze

Cau Bơto 2:24

Ò gơs bơta lơi niam rlau kòn mơnus in la sa mơ hùc, mơ jòi bơta hòn chò tòm broă lơh bòl glar bol khai dê. Añ sền gŏ bơta hơ̆ kung bơh tê Yàng Tom Trồ mơ tus.

Cau Bơto 3:22

Behơ̆ gen, añ gŏ ò gơs bơta lơi niam rlau jơi kòn mơnus in la chò hòp tòm broă lơh he dê; hơ̆ la pơnah broă tòm bol khai dê; bơh ñcau rơp cèng bol khai rê wơl nàng sền gŏ bơta rơp gơlik tus tơnơ̆ he taih?

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

Cau Bơto 9:7

Lòt tĕ sa ƀañ mê dê dô bă hòn chò, mơ ñô tơrnòm dô bă hừh nùs; bơh Yàng Tom Trồ dòp ală broă lơh mê dê neh jŏ jòng rau.

Cau Bơto 8:15

Behơ̆ añ tòmbơyai bơh bơta hòn chò, bơh ò gơs bơta lơi niam rlau kòn mơnus in ơm hơđơm mattơngai la sa, hùc, mơ lơh să tòm bol khai in hòn chò; bơh ală bơta hơ̆ rơp lòt bal mơ bơta bòl glar tòm ală ngai tòm rài kis mơ Yàng Tom Trồ ai bol khai in hơđơm mattơngai.

Cau Bơto 2:10

Bơta lơi mat añ hàm kòñ añ ò pleh bơh gơ, kung ò prap gàr nùs añ jê bơh bơta lơi niam nùs añ; bơh nùs añ jòi bơta chò hòp bơh ală broă lơh añ jê; mơ hơ̆ la phan ƀàn añ jê bơh ală broă lơh añ jê.

Cau Bơto 11:9

Ơ cau kơnòm să, hòn chò tĕ tòm tŭ mê gam kơnòm să, lòi tĕ nùs mê hừh hơh tòm tŭ gam kơnòm să, lòt jat tĕ gùng dà nùs mê kòñ, mơ đal sền bơta mat mê hàm kòñ, mơya git lah bơh ală bơta hơ̆, Yàng Tom Trồ rơp hòi mê tus nàng cahrña.

Jeremi 52:34

Jehôyakin gam kis kàr lơi, gen bơtau Babilôn ai phan ngui sa khai in sùm kòp ngai, jơl jơh rài kis khai dê.

I Kôrintô 16:16

Añ dan ală oh mi kung dòn bơr ală cau behơ̆, mơ kòp nă cau kong bòl glar lơh broă bal mơ bol khai.

Yal Wơl 12:7

Tềng hơ̆, di đap mat Jehôwa Yàng Tom Trồ bol mê dê, bol mê mơ ală hìu nhă bol mê dê rơp sa mơ rơp hòn chò bơh jơh ală phan mơ tê bol mê neh lơh gơs, tài bơh Yàng Jehôwa neh ai lơngai bol mê in.

Yal Wơl 12:18

Gơpơrlơ̆ wơl, bol mê pal sa ală phan hơ̆ di đap mat Jehôwa Yàng Tom Trồ bol mê dê tòm dô bă tiah mơ Jehôwa Yàng Tom Trồ bol mê dê rơp sac rwah, bol mê, ală kòn klau mơ ală kòn ùr bol mê dê, ală cau klau mơ ală cau ùr duh broă bol mê dê, mơ ală cau Lebi bơh di ală ƀòn dờng bol mê dê, mơ bol mê rơp hòn chò di đap Jehôwa Yàng Tom Trồ bol mê dê bơh jơh ală phan mơ tê bol mê neh lơh gơs.

Yal Wơl 26:11

Gen bol mê bal mơ ală cau Lebi mơ ală cau làng bol bơdìh ơm digùl bol mê rơp hòn chò tòm jơh ală bơta niam mơ Jehôwa Yàng Tom Trồ bol mê dê neh ai bol mê mơ hìu nhă bol mê in.

Đơs Crih 42:8

Tòm trồ ngai Yàng Jehôwa ai añ in bơta kòñ gơboh kơ̆ dơn, Mơ tòm trồ mang Yàng ai añ in bơta đơs chò Kơnràñ dê, Hơ̆ la bơta hòi dan mơ Yàng Tom Trồ la Yàng bơta kis añ jê.

Cau Bơto 2:3

Añ kơlôi tòm nùs lah pal lơh poac să añ jê geh hòn chò bơh alak tơrnòm, mơ dơngoh añ gam tề lam añ mơ bơta jak chài, nùs añ, mơ mbe lơh nàng at kơ̆ di bơta tùl gơla, jơl tus di tŭ añ sền gŏ bơta lơi la niam nàng jơi kòn mơnus in lơh hơđơm trồ do, tòm dô êt ngai tòm rài kis bol khai dê.

Cau Bơto 6:2

Gơs ală cau mơ Yàng Tom Trồ ai bơta pas gơs, phan mơna mơ bơta ryŭ ryơm, tian gơs ò siơ̆u bơta lơi nùs bol khai kơp kòñ; bulah behơ̆ Yàng Tom Trồ ò ai bol khai in hòn chò dòp ngui gơ, mơya la dô nă cau crih mat geh hòn chò ngui gơ. Hơ̆ la bơta roh lơm, la dô bơta jê sồt bòl glar.