Broă 3:25 - Sră Goh 2018

²⁵ Ală oh mi la kòn sau ală cau gơnoar hwơr dê, mơ bơta ho bal Yàng Tom Trồ dê neh bơtào gơs mơ ală ồng pàng oh mi dê tòm tŭ Kơnràñ đơs mơ Abraham lah: ‘Jơh ală làng bol tòm làm ù rơp geh lơngai kơnòm di jơi bơtiàn mê dê.’

Broă 3:25 Referans Kwoze

Sơnròp Gơlik Gơs 22:18

Bơh mê neh lơh jat jơnau Añ, gen ală làng bol tòm lơgar dunnia rơp kơnòm di jơi bơtiàn mê mơ geh bơta lơngai.”

Broă 2:39

Bơh jơnau ho pơgon hơ̆ gơrê bal mơ ală oh mi mơ kòn sau ală oh mi dê, mơ gơrê bal mơ jơh tơl nă cau ơm ngài sơl, hơ̆ la ală cau mơ Yàng la Yàng Tom Trồ bol he dê rơp hòi sac.”

Galati 3:8

Sră Goh kung neh đơs lài lah Yàng Tom Trồ rơp kòp làng bol bơdìh la song ring bơh bơta dòn, gen tàng neh yal lài Abraham in Jơnau Niam do: “Bơh mê Yàng Tom Trồ rơp ai lơngai jơh ală jơi bơtiàn kòn mơnus in.”

I Yal Yau 16:17

Kơnràñ lơh nền jơnau hơ̆ mơ Jakôp kung be dô jơnau gơnoar sồr, mơ Israel kung be dô bơta ho bal gam sùm sùm.

Sơnròp Gơlik Gơs 12:3

Añ rơp ai lơngai ală cau lơi ai lơngai mê in, srat rma ală cau lơi srat rma mê, mơ jơh ală làng bol tòm làm ù, rơp geh lơngai bơh dê mê.”

Yal Tơlik 7:9

Tơnơ̆ mơ hơ̆ añ sền gŏ, ne, gơs dô mpồl bol oă tian gơs ò gơs cau lơi rgơi kòp, lik bơh jơh ală lơgar, jơi bơtiàn, làng bol, mơ jơnau đơs; bol khai ntào di đap sơbàn mơ di đap Belàt Kòn, bol khai soh ào jrùh bò, mơ di tê at ală nha gòl,

Galati 3:16

Bơh ală jơnau ho pơgon neh đơs mơ Abraham bal mơ jơi bơtiàn khai dê, gen ò đơs lah: “Ai ală jơi bơtiàn in,” be sơnio bơh oă cau; mơya mìng đơs: “Ai jơi bơtiàn mê in,” be sơnio bơh dô nă cau lơm, hơ̆ la Bơtau Krist.

Rôma 4:13

Tòm tŭ Yàng Tom Trồ ho pơgon mơ Abraham mơ jơi bơtiàn khai in geh pơrdòn lơgar dunnia lơh gơs sre brê ò di bơh bơta boh lam, mơya hơ̆ la tài bơh bơta dòn khai geh kòp la song ring bơh Yàng Tom Trồ.

Galati 3:29

Dilah oh mi neh bal mơ Bơtau Krist, gen oh mi la jơi bơtiàn Abraham dê, hơ̆ la cau pơrdòn jat jơnau ho pơgon Yàng Tom Trồ dê.

Đơs Crih 22:27

Jơh ală tiah lồi dut dunnia dê rơp kah mơ rê wơl hơ Yàng Jehôwa; Jơh ală jơi bơtiàn ală làng bol dê rơp duh khoai di đap Kơnràñ.

Nehemi 9:8

Kơnràñ neh gŏ khai gơs nùs dòn song di đap Kơnràñ, mơ neh bơtào dô bơta ho bal mơ khai nàng ai jơi bơtiàn khai in ală lơgar làng bol Kanaan, làng bol Hetit, làng bol Amôr dê, làng bol Peres, làng bol Jebusit, mơ làng bol Girgas dê. Kơnràñ neh lơh gơlik di ngan ală jơnau Kơnràñ neh ho, tài bơh Kơnràñ la song ring.

Sơnròp Gơlik Gơs 28:14

Jơi bơtiàn mê rơp gơs oă be thul hơđang ù. Mê rơp gơlik gơs lìu làc làm jơh tòm đah mattơngai lik, đah mattơngai mut, đah đang mơ đah đơm, mơ jơh ală hìu nhă tòm lơgar dunnia rơp kơnòm di mê mơ jơi bơtiàn mê mơ geh lơngai.

Sơnròp Gơlik Gơs 26:4

Añ rơp bơtơl jơi bơtiàn mê in oă be sơmañ hơđang trồ, rơp ai bol khai in jơh ală ù tiah do, jơh ală làng bol tòm dunnia rơp kơnòm di jơi bơtiàn mê mơ geh lơngai,

Sơnròp Gơlik Gơs 20:7

Tŭ do, ai tĕ wơl cau hơ̆ bau klau khai in bơh bau klau khai la dô nă cau gơnoar hwơr; khai rơp hòi dan mê in gen mê rơp kis. Mơ dilah mê ò ai khai in wơl, gen git tĕ lah mê mơ jơh ală cau bal mơ mê ngan rơp chơt.”

Sơnròp Gơlik Gơs 17:19

Yàng Tom Trồ đơs lah: “Ò di behơ̆, Sara, bau mê rơp deh dô nă kòn klau, mê rơp sơnđan la Isak. Añ rơp lơh bơta ho bal mơ khai, nàng lơh bơta ho bal kòp rài gam sùm sùm jơi bơtiàn khai in.

Yal Tơlik 14:6

Chòp añ gŏ dô nă cau gơnrơh ndai par digùl trồ, gơs Jơnau Niam gam sùm sùm nàng bơto yal ală cau ơm tòm plai ù, hơ̆ la jơh ală lơgar, jơi bơtiàn, jơnau đơs mơ làng bol.

Yal Tơlik 5:9

Bol khai đơs chò dô bơta đơs chò pa lah: “Kơnràñ di pal ai sră pồt mơ tă ală ƀang kì gơ dê, Bơh Kơnràñ neh kong sreh chơt, ai mhàm Kơnràñ dê tơwài Yàng Tom Trồ in, ală cau tòm jơh ală jơi bơtiàn, jơnau đơs, làng bol, mơ lơgar,

Rôma 15:8

Mơ añ đơs lah Bơtau Krist neh gơlik gơs cau duh broă cau kong siat gơltau in bơh jơnau song Yàng Tom Trồ dê, tồ lơh cơng tàng nền cê bơh ală jơnau ho pơgon neh ai ală ồng pàng bol he in,

Broă 13:26

Ơ oh mi la kòn sau jơi bơtiàn Abraham dê, mơ ală cau làng bol bơdìh duh rngòt di Yàng Tom Trồ, hơ̆ la jơnau bơta dong klàs do geh bơto yal bol he in rau.

Luka 1:72

Nàng yal tơlik bơta kòñ nđàc gơwèt mơ ồng pàng bol he, Mơ kah wơl bơta ho bal sàng goh Kơnràñ dê.

Đơs Crih 96:7

Ơ ală jơi bơtiàn ală làng bol dê, jòng ro tĕ Yàng Jehôwa, jòng ro tĕ bơta gơklŏ mơ bơta pràn kơldang Yàng Jehôwa dê!

Sơnròp Gơlik Gơs 18:18

Abraham rơp gơlik gơs ngan dô nơm lơgar dờng mơ pràn kơldang, ală làng bol tòm dunnia rơp kơnòm di khai mơ geh lơngai.

I Yal Yau 16:16

Bơta ho bal mơ Kơnràñ neh lơh mơ Abraham, jơnau Kơnràñ srat să ho bal mơ Isak.