Broă 26:23 - Sră Goh 2018

²³ hơ̆ la Bơtau Krist pal kong jê sồt, mơ la cau sơnròp ngan kis wơl bơh bơta chơt nàng bơto yal bơta àng, bơta dong klàs cau Juda mơ cau làng bol bơdìh in sơl.”

Broă 26:23 Referans Kwoze

Luka 24:26

Ò di Bơtau Krist pal kong ală bơta bòl glar behơ̆, gen sồng mut tòm bơta gơklŏ Kơnràñ dê ò ơ?”

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,

Kôlôse 1:18

Kơnràñ kung la bồ să jan dê, hơ̆ la bồ Hìu Jum Goh. Kơnràñ la tòm ryas, la cau sơnròp kis wơl bơh bơta chơt, tồ tòm jơh ală bơta Kơnràñ la bồ.

Hebrơ 2:10

Di ngan mìng Yàng Tom Trồ la Bơtau crơng gơs mơ prap gàr jơh ală phan, rgơi lơh Yàng Jesu in geh wil tơl bơh bơta kong bòl glar, nàng cèng ală kòn gơs pơnah tòm bơta gơklŏ Kơnràñ dê. Bơh Yàng Jesu la Bơtau tề lam bol khai tus hơ bơta dong klàs.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

I Kôrintô 15:3

Bơta dờng màng sơnròp ngan, añ neh yal ală oh mi in jơnau añ kung neh dòp geh, hơ̆ la Bơtau Krist neh kong chơt bơh glài bol he dê, jat be jơnau Sră Goh;

Luka 2:32

hơ̆ la bơta àng yal tơlik làng bol bơdìh in, mơ la bơta gơklŏ làng bol Israel Kơnràñ dê.”

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Jang 10:18

Ò gơs cau lơi tă bơta kis Añ, mơya Añ phi is Añ jê; Añ gơs gơnoar phi bơta kis mơ gơs gơnoar ai wơl; Añ neh dòp jơnau sồr hơ̆ bơh di Bèp Añ.”

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Broă 26:8

Ñchi bơh tài ală ồng ơm tềng do kơlôi ò rgơi dòn lah Yàng Tom Trồ lơh cau chơt in kis wơl taih?

Broă 13:34

Yàng Tom Trồ neh lơh Yàng Jesu in kis wơl bơh bơta chơt, ò tŭ lơi ồm lề, be jơnau Kơnràñ neh đơs: ‘Añ rơp ai bol mê in ală bơta lơngai lơngò sàng goh, nền cê mơ Añ neh ho pơgon mơ Dabit.’

Broă 3:18

Mơya Yàng Tom Trồ neh ngui bơta hơ̆ nàng lơh gơlik di ngan jơnau Kơnràñ neh yal lài bơh bơr ală cau gơnoar hwơr lah Bơtau Krist Kơnràñ dê pal kong jê sồt.

Jang 11:25

Yàng Jesu đơs lah: “Añ la bơta kis wơl mơ bơta kis; cau lơi dòn Añ gen rơp kis, bulah neh chơt rau.

Luka 24:46

mơ đơs mơ bol khai lah: “Gơs jơnau cih lah Bơtau Krist pal kong bòl glar, mơ tòm ngai pe kis wơl bơh bơta chơt,

Mathiơ 27:53

Tơnơ̆ tŭ Yàng Jesu kis wơl, gen bol hơ̆ mut tòm ƀòn dờng sàng goh mơ tơlik mat oă cau in gŏ.

Esai 42:6

“Añ, Yàng Jehôwa, neh hòi sac mê tòm bơta song ring; Añ rơp at tê mê mơ Añ rơp sền gàr mê mơ ai mê in gơlik gơs dô bơta ho bal làng bol in, mơ dô bơta àng làng bol bơdìh in,

Esai 49:6

Kơnràñ đơs lah: “Hơ̆ la dô nơm broă dềt rhền mơ mê geh lơh gơs cau duh broă Añ jê nàng bơtào wơl ală jơi bơtiàn Jakôp dê, mơ cèng brê wơl ală cau Israel gam kis. Añ rơp lơh mê in gơs dô bơta àng ală làng bol in, tồ mê in cèng bơta dong klàs Añ jê tus hơ ală tiah lồi dut plai ù.”

Mathiơ 26:24

Kòn Mơnus lòt, jat be jơnau neh cih bơh Khai, mơya bòl glar cau do in la cau pơrlơ̆ dră di Kòn Mơnus! Chan ò deh khai la niam rlau.”

Broă 3:24

Jơh ală cau gơnoar hwơr neh đơs, bơh Samuel tus di ală cau tơrbŏ jat khai, tòm tŭ đơs hwơr kung neh bơto yal bơh ală ngai do sơl.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.