Broă 26:22 - Sră Goh 2018

²² Mơya geh Yàng Tom Trồ dong kòl jơl tus ngai do, tài bơh hơ̆ añ ntào tềng do lơh cơng ală cau dềt mơ cau dờng in, ò đơs bơta lơi ndai rlau mơ bơta ală cau gơnoar hwơr mơ Môise neh yal lài pal gơlik gơs,

Broă 26:22 Referans Kwoze

Broă 24:14

Mơya di đap ồng añ yal song lah añ jat Gùng Duh Khoai Yàng Tom Trồ ồng pàng bol hi dê, jat gùng duh khoai hơ̆ mơ bol khai sơnđan la tìs. Mơ añ kung dòn jơh ală bơta cih tòm sră bơta boh lam Môise bal mơ ală sră cau gơnoar hwơr dê.

Jang 5:46

Bơh dilah bol mê dòn Môise, gen kung dòn Añ sơl, bơh khai neh cih bơh Añ.

Broă 10:43

Jơh ală cau gơnoar hwơr neh lơh cơng bơh Kơnràñ lah kòp nă cau lơi dòn Kơnràñ gen kơnòm di sơnđan Kơnràñ mơ dòp geh bơta toh glài.”

Luka 24:44

Mơ Kơnràñ đơs mơ bol khai lah: “Do la jơnau Añ neh đơs mơ bol mê tòm tŭ Añ gam ơm bal mơ bol mê, mbe lơi ală bơta neh cih bơh Añ tòm sră boh lam Môise dê, tòm sră ală cau gơnoar hwơr mơ tòm Sră Đơs crih pal gơlik gơs di ngan.”

Luka 24:27

Chòp Kơnràñ sơntòm bơh Môise tus di ală cau gơnoar hwơr mơ yal tơlik loh bol khai in ală bơta sơnio bơh Kơnràñ tòm làm jơh Sră Goh.

Yal Tơlik 15:3

Bol khai đơs chò bơta đơs chò Môise dê, la dĭ gơna Yàng Tom Trồ dê, mơ bơta đơs chò Belàt Kòn dê, mơ lah: “Ơ Yàng la Yàng Tom Trồ, Bơtau Gơnoar Dờng lam Jơh, Ală broă Kơnràñ dê la dờng ngan mơ krơi is ngan! Ơ Bơtau ală rài dê, ală gùng dà Kơnràñ dê la song ring mơ song ngan!

Rôma 3:21

Mơya tŭ do bơta song ring Yàng Tom Trồ dê neh geh yal tơlik ò di kơnòm dê bơta boh lam. Bulah bơta hơ̆ neh gơs bơta boh lam Môise mơ ală cau gơnoar hwơr lơh cơng.

I Samuel 7:12

Gen Samuel ai dô nơm lŭ mơ bơtào gơ digùl Mispa mơ Jesanah, mơ tơmoh sơnđan gơ la Ebenejer, mơ khai đơs lah: “Yàng Jehôwa neh dong bol he jơl tus di tŭ do.”

Broă 28:23

Tơnơ̆ mơ tŭ bol hơ̆ neh pơgon ngai tòmtìp mơ khai, gen lòt tus gal ngan tòm hìu khai ơpah ơm. Bơh drim jơl mho khai kư̆ bơto yal bol hơ̆ in, lơh cơng bơh lơgar Yàng Tom Trồ dê, mơ ai bơta boh lam Môise dê mơ ală sră cau gơnoar hwơr nàng bơto pơndòm bol hơ̆ bơh Yàng Jesu.

Broă 26:17

Añ rơp dong tă mê bơh di làng bol Israel mơ bơh di làng bol bơdìh mơ Añ sồr mê lòt tus,

Broă 26:6

Tŭ do, añ ntào tềng do mơ kong cahrña tài bơh añ gơn kơnòm di jơnau Yàng Tom Trồ neh ho pơgon mơ ồng pàng bol hi.

Jang 5:39

Bol mê sền sơwì Sră Goh, bơh kơlôi tòm hơ̆ gơs bơta kis gam sùm sùm; hơ̆ la Sră Goh lơh cơng bơh Añ;

Jang 1:45

Philip bàn Nathanael gen đơs lah: “Bol hi neh tìp Bơtau mơ Môise neh cih tòm bơta boh lam, mơ ală cau gơnoar hwơr kung neh cih sơl, hơ̆ la Jesu, kòn Jôsep dê, cau Nasaret.”

Jang 1:17

Bơh bơta boh lam geh ai bơh Môise, ai bơta nđàc mơ jơnau song tus bơh Yàng Jesu Krist.

Luka 24:46

mơ đơs mơ bol khai lah: “Gơs jơnau cih lah Bơtau Krist pal kong bòl glar, mơ tòm ngai pe kis wơl bơh bơta chơt,

Đơs Crih 124:8

Bơta dong kòl bol he dê ơm tòm sơnđan Yàng Jehôwa, La Bơtau neh crơng gơs trồ mơ tiah.”

Đơs Crih 66:12

Kơnràñ lòi cau hào hơđang bồ bol hi; Bol hi lòt gan ồs gan dà; Mơya Kơnràñ lam bol hi lik hơ tiah dờng ơnàng.

Đơs Crih 18:47

Hơ̆ la Yàng Tom Trồ Bơtau sal tê añ in, Mơ lơh ală làng bol in dòn duh añ.

Ejra 8:31

Gen bol hi lòt bơh hiòng Ahaba tòm ngai jơt bàr kơnhai dùl nàng lòt hơ Jerusalem. Tê Yàng Tom Trồ bol hi dê ơm hơđang bol hi, mơ Kơnràñ sền gàr bol hi klàs bơh di ală cau sò tơm ơm kơp òm rò gùng.

Yal Tơlik 20:12

Añ gŏ ală cau chơt, dờng mơ dềt, ơm ntào di đap sơbàn mơ ală sră geh pò tơlik. Kung gơs dô dap sră ndai geh pò tơlik sơl la sră bơta kis. Ală cau chơt kong cahrña jat be ală bơta neh cih tòm ală sră hơ̆, jat be ală broă bol khai neh lơh.

Yal Tơlik 11:18

Ală làng bol gơhào gơjrañ, mơya bơta gơjrañ dờng Kơnràñ dê neh tus. Do la tŭ ală cau chơt kong cahrña, la tŭ ai phan ƀàn ală dĭ gơna Kơnràñ dê la ală cau gơnoar hwơr, ală cau sàng goh mơ ală cau in duh rngòt di sơnđan Kơnràñ, ală cau dềt mơ ală cau dờng; mơ la tŭ tơnroh ală cau tơnroh plai ù.”

II Timôthe 3:11

bơta kup kơryan, mơ bơta jê sồt bòl glar añ jê, la ală bơta neh gơtơntus di añ tòm Antiôt, Ikôni mơ Listrơ. Ală bơta kup kơryan hơ̆ añ neh kong lơm, mơya Yàng neh dong tă añ lik klàs jơh.

Mathiơ 26:24

Kòn Mơnus lòt, jat be jơnau neh cih bơh Khai, mơya bòl glar cau do in la cau pơrlơ̆ dră di Kòn Mơnus! Chan ò deh khai la niam rlau.”

Luka 16:28

bơh añ gam gơs pram nă oh mi; nàng Lasarơ lơh cơng bol khai in, rngòt bol khai kung gơdùh tòm tiah pơnjê pơngkồr do mòn.’

Broă 13:29

Tòm tŭ bol khai neh lơh gơlik di ngan jơh ală bơta neh cih bơh Kơnràñ rau, gen tơmù Kơnràñ bơh chi pơng nàng tơp tòm bơtô ƀồc.

I Kôrintô 15:3

Bơta dờng màng sơnròp ngan, añ neh yal ală oh mi in jơnau añ kung neh dòp geh, hơ̆ la Bơtau Krist neh kong chơt bơh glài bol he dê, jat be jơnau Sră Goh;

I Kôrintô 15:4

Kơnràñ neh kong tơp, tus di ngai pe Kơnràñ neh geh kis wơl, jat be jơnau Sră Goh;