Broă 24:5 - Sră Goh 2018

⁵ Ngan behơ̆, bol hi neh gŏ cau do jak tơnggơs bơta iơh, neh lơh gơlik sơlồng sơlàng digùl jơh ală cau Juda tòm làm dunnia, mơ khai la cau lam bồ mpồl cau Nasaret.

Broă 24:5 Referans Kwoze

Broă 28:22

Bulah behơ̆ bol hi kòñ git mbe bi kơlôi, bơh pơnah đah gùng duh khoai do bol hi git lah cau đơs tòmsò tòm làm bă tiah.”

Broă 24:14

Mơya di đap ồng añ yal song lah añ jat Gùng Duh Khoai Yàng Tom Trồ ồng pàng bol hi dê, jat gùng duh khoai hơ̆ mơ bol khai sơnđan la tìs. Mơ añ kung dòn jơh ală bơta cih tòm sră bơta boh lam Môise bal mơ ală sră cau gơnoar hwơr dê.

Broă 26:5

Mơ dilah bol khai kòñ lơh cơng, gen bol khai neh git bơh lài mbe lơi añ jat bơnòr Pharisi, la bơnòr kràñ cê rlau jơh tòm gùng duh khoai bol hi dê.

Broă 15:5

Mơya gơs ală cau dòn tòm bơnòr cau Pharisi, ntào đơs lah: “Pal siat gơltau ală cau làng bol bơdìh in, mơ sồr bol khai pal prap gàr bơta boh lam Môise dê.”

I Kôrintô 4:13

tŭ gơtìp joh lah, gen bol hi đơs niam. Tus dê tŭ do, cau sền bol hi be phan thul ơmul dunnia dê, mơ phan ƀơ̆ ƀơl jơh ală phan dê.

Broă 21:28

mơ hòi driau lah: “Ơ cau Israel, dong kòl tĕ! Do la cau neh bơto sồr làm jơh ƀòn lơgar nàng tòmdră mơ làng bol, tòmsò mơ bơta boh lam Môise, mơ hìu duh khoai do sơl; tian gơs khai kung lam cau Grek mut tòm hìu duh khoai, mơ lơh ngkòr ngkàc tiah sàng goh do.”

Broă 5:17

Tŭ hơ̆ cau gơnoar dờng lam bồ ơn phan duh khoai mơ ală cau jat khai, hơ̆ la bơnòr cau Saduse, ñă ntào bềng nùs ƀoah gơjrañ di cau gơnoar bơto dờng,

Luka 23:2

Bol khai yă Kơnràñ lah: “Bol hi neh gŏ cau chồl bơtrut làng bol hi dê, bơkơŭ boh dia Sesa in, mơ khai sơnđan is să khai la Krist la Bơtau.”

I Pier 2:19

Dilah gơs cau lơi tài bơh dòp git Yàng Tom Trồ mơ kong jai bơta bòl glar jê sồt dô bă oàn jàn, hơ̆ la dô bơta nđàc.

I Kôrintô 11:19

Ngan tòm oh mi pal gơs bơta cah is mpồl, nàng ràng tơlik tòm ală oh mi ñcau la cau dòn song.

Broă 22:22

Bol khai iat Pol tus di jơnau hơ̆, gen hòi driau lah: “Tơnroh tĕ cau be do bơh di plai ù! Khai ò di pal kis tai!”

Broă 6:13

Bol hơ̆ bơtào is ală cau lơh cơng blac, đơs lah: “Cau do òs đơs ală jơnau tràl sơrbil di tiah sàng goh mơ di bơta boh lam sơl,

Luka 23:25

Khai hồ cau ơm jàm bơh neh lơh nggồr nggàc mơ tơnchơt cau, la cau mơ bol khai neh dan, gen jào Yàng Jesu bol khai in jat nùs bol khai kòñ.

Luka 23:19

Baraba do kòl jàm tài bơh phà kơñau tòm ƀòn dờng mơ tơnchơt cau.

Luka 23:5

Mơya bol khai đơs nền cê lah: “Cau do chồl bơtrut làng bol, bơto sồr làm Jude, sơntòm bơh Galile tus tềng do.”

Mathiơ 10:25

Cau bơtê gơs be cau bơto, cau dĭ gơs be cau tòm, gen tơl rau. Dilah cau tòm hìu kung neh kòl cau sơnđan la Beeljebul, tơ ài lah cau ơm tòm hìu.”

Mathiơ 2:23

tus ơm tòm dô nơm ƀòn dờng sơnđan la Nasaret, nàng gơlik di ngan be jơnau ală cau gơnoar hwơr neh đơs lah: “Cau rơp sơnđan Kơnràñ la Cau Nasaret.”

Amôs 7:10

Gen Amajiah, cau gơnoar ơn phan duh khoai Betel dê, pơyoa jơnau đơs mơ Jerôbôam la bơtau Israel dê lah: “Amôs bơtào kai gơrmơ̆i tòmdră mơ bơtau tòm làm bă tiah digùl hìu Israel. Lơgar ò rgơi ơnòng jai jơh ală jơnau khai dê.

Jeremi 38:4

Ală kwang at bồ yal mơ bơtau lah: “Dan sồr tơnchơt tĕ cau do, bơh khai đơs ală jơnau behơ̆, lơh tê ală cau ling tòmlơh ơm wơl tòm ƀòn mơ jơh ală làng bol gơlik lơbơn lơño; bơh cau do ò jòi bơta dong kòl làng bol mơya jòi bơta roh gơprah.”

Este 3:8

Gen Haman đơs mơ bơtau Ahasuerus lah: “Gơs dô nơm làng bol gơprah ơm nrah nring digùl ală làng bol tòm jơh ală kơnhwàl lơgar bơtau dê. Ală bơta boh lam bol khai dê la krơi is mơ jơh ală làng bol ndai dê, mơ bol khai ò lơh jat ală bơta boh lam bơtau dê; gen tàng ò di pal ngan bơtau in kong ơt di bol khai.

Jeremi 37:13

Mơya tŭ tus di Mpồng Benjamin, gen gơs cau at bồ kơp gàr sơnđan la Irija, kòn klau Selemia, sau Hanania, ơm tềng hơ̆; cau do kup cau gơnoar hwơr Jeremi mơ lah: “Mê la cau kong ơlah di cau Kalde!”

Jơnau Niam Jat Mak 1:24

hòi driau lah: “Ơ Jesu Cau Nasaret, bol hi mơ Kơnràñ gơs ñchi jơnau taih? Kơnràñ lòt tus nàng tơnroh bol hi ơ? Añ git Kơnràñ la ñcau, la Bơtau sàng goh Yàng Tom Trồ dê.”

Broă 24:4

Mơya nàng añ ò pơnjê ồng tai, gen añ dan ồng ai nùs ơt ơl mơ iat tòm bàr pe jơnau bol hi đơs bơh cau do.

Broă 25:7

Tòm tŭ Pol neh tus gen ală cau Juda neh mù bơh Jerusalem gơrwàng gùt dar khai, ai oă jơnau kơnjơ̆ yă nàng kơt glài khai, mơya bol khai jòi ò gơs cơng tàng lơi.