Broă 23:11 - Sră Goh 2018

¹¹ Tòm mang hơ̆ Yàng tơlik să mơ Pol mơ đơs lah: “Kơ̆ tĕ nùs, mê neh lơh cơng bơh Añ tòm Jerusalem be lơi, gen mê kung pal lơh cơng bơh Añ tòm Rôma behơ̆ sơl.”

Broă 23:11 Referans Kwoze

Broă 19:21

Tơnơ̆ mơ ală broă hơ̆ neh sir rau, Pol lơh nền tòm nùs lòt gan di lơgar Masedoan mơ lơgar Acai, gen lòt tơn hơ Jerusalem. Khai đơs lah: “Tòm tŭ añ neh tus tềng hơ̆, añ kung pal lòt còp Rôma tai sơl.”

Broă 18:9

Tòm trồ mang Yàng đơs mơ Pol tòm bơta gơtơnggŏ lah: “Bañ rngòt mơya đơs tĕ, bañ ơm mŏ mŏ;

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

Mathiơ 14:27

Yàng Jesu đơs mo mơ bol khai lah: “Kơ̆ tĕ nùs; Añ do, bañ rngòt.”

Philip 1:13

tian gơs tòm ală hìu cau kwang mơ jơh ală cau ndai git jơh lơm lah tài bơh Bơtau Krist gen tàng añ kong kơt mơ che sreng.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Mathiơ 9:2

Gơs cau tùng tus hơ Kơnràñ dô nă cau gơlte bic hơđang cơnòng. Yàng Jesu gŏ bơta dòn bol khai dê, gen đơs mơ cau gơlte lah: “Ơ kòn, kơ̆ tĕ nùs, tồi glài mê neh geh toh.”

Esai 43:2

Tòm tŭ mê tiă gan ală dà, Añ rơp ơm bal mơ mê; mơ tòm tŭ mê tiă gan ală hiòng, gơ rơp ò tơnkram mê. Tòm tŭ mê lòt gan ồs, mê rơp ò kòl ồs sa, ală lơmpiat ồs rơp ò chu mê.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Broă 22:18

añ gŏ Yàng Jesu đơs mơ añ lah: ‘Ntào tĕ sơrbac sơrbang, lik mhar bơh Jerusalem, tài bơh bol khai ò bài dòp jơnau lơh cơng mê dê bơh Añ ò.’

Broă 20:22

Mơ do, añ geh Yàng Hwềng chồl lòt hơ Jerusalem, ò git bơta lơi rơp gơlik tus di añ tềng hơ̆.

Broă 2:25

Bơh Dabit neh đơs bơh Kơnràñ lah: ‘Añ òs gŏ Yàng sùm di đap añ, Bơh Kơnràñ ơm đah ma añ, tồ añ in ò wañ lơnggơh dô êt lơi.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Jang 14:18

Añ rơp ò lòi bol mê ơm kòn đòi ò, Añ rơp lòt tus hơ bol mê.

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Esai 46:10

Añ neh yal tơlik bơta lồi dut bơh tŭ sơnròp, bơh ală tŭ tơngai rài yau, ală bơta òhềt gơlik gơs. Añ đơs lah: “Tơnggume broă Añ jê rơp bơtào kơ̆, mơ Añ rơp lơh gơlik gơs ală bơta niam nùs Añ jê.”

Đơs Crih 109:31

Bơh Kơnràñ ntào đah ma cau siơ̆u siar, Nàng dong klàs khai bơh di cau lơh nền tơnchơt khai.

Luka 16:28

bơh añ gam gơs pram nă oh mi; nàng Lasarơ lơh cơng bol khai in, rngòt bol khai kung gơdùh tòm tiah pơnjê pơngkồr do mòn.’

Broă 22:15

Bơh bi rơp lơh gơs cau lơh cơng Kơnràñ in di đap jơh tơl nă cau bơh ală broă bi neh gŏ mơ kơno.

I Kôrintô 9:1

Añ ò di geh khat gơboh ò ơ? Añ ò di la cau gơnoar bơto dờng ò ơ? Añ ò di neh gŏ Yàng Jesu la Yàng bol he dê ò ơ? Oh mi ò di la broă añ jê tòm Yàng ò ơ?