Broă 22:7 - Sră Goh 2018

⁷ Añ gơplơ̆ tòm ù mơ kơno jơnau đơs mơ añ lah: ‘Ơ Sol, Sol, ñchi bơh tài mê kup kơryan Añ taih?’

Broă 22:7 Referans Kwoze

Jeremi 2:9

Yàng Jehôwa đơs lah: “Gen tàng dô dơ̆ tai Añ lơh nền glài bol mê, mơ Añ lơh nền glài kòn sau set se bol mê dê.

Mathiơ 25:45

Kơnràñ rơp ho lah: ‘Di ngan Añ đơs mơ bol mê, tòm tŭ bol mê ò lơh broă hơ̆ mơ dô nă cau dềt rhền rlau jơh do, hơ̆ la bol mê ò lơh să tòm Añ in.’

I Timôthe 1:13

bulah lài òr añ la cau tràl sơrbil, kup kơryan, jàñ bơsak, mơya añ neh geh Yàng kòñ nđàc, tài bơh añ neh lơh ală bơta hơ̆ tòm tŭ añ gam bơrngơl gơla òhềt dòn.

Jeremi 2:5

Yàng Jehôwa đơs be do: “Ồng pàng bol mê neh gŏ bơta lơi ò song ring tòm Añ, tàng neh lòt ngài bơh di Añ; Neh lòt jat bơta roh lơm, Mơ gơlik gơs ò kwơ să tòm bol khai in?

I Samuel 3:10

Yàng Jehôwa tus ntào tềng hơ̆, hòi kung be ală dơ̆ lài: “Ơ Samuel! Samuel!” Gen Samuel đơs lah: “Dan đơs tĕ bơh cau duh broă Kơnràñ dê ơm iat.”

Lik Ejiptơ 3:4

Tòm tŭ Yàng Jehôwa neh gŏ khai cơnđòa tus nàng sền, gen Yàng Tom Trồ hòi khai bơh tòm gùl rlau lò lah: “Ơ Môise! Môise!” Môise đơs lah: “Gơs añ do!”

Sơnròp Gơlik Gơs 22:11

Gen cau gơnrơh Yàng Jehôwa hòi bơh hơđang trồ lah: “Ơ Abraham! Abraham!” Khai ho lah: “Do añ.”

Sơnròp Gơlik Gơs 22:1

Tòm tŭ ală broă hơ̆ neh sir rau, gen Yàng Tom Trồ lòng Abraham. Kơnràñ đơs lah: “Ơ Abraham!” Khai ho lah: “Do añ.”

Sơnròp Gơlik Gơs 16:8

gen lùp lah: “Ơ Agar, dĭ ùr Sarai, mbơh đah ai tus? Mơ ntềng đah ai rơp lòt taih?” Cau ùr ho lah: “Añ dô bơh di mat Sarai, cau tòm añ.”

Sơnròp Gơlik Gơs 3:9

Jehôwa Yàng Tom Trồ hòi cau klau mơ lùp lah: “Ntềng mê ơm taih?”

Mathiơ 27:23

Cau kwang lùp lah: “Ñchi broă iơh bơsak Cau do lơh taih?” Mơya bol khai sơlo driau dờng ngan lah: “Pơng tĕ Khai di chi pơng!”

Broă 9:4

Khai gơplơ̆ tòm ù, mơ kơno jơnau đơs mơ khai lah: “Ơ Sol, Sol, ñchi bơh tài mê kup kơryan Añ taih?”

Broă 22:6

“Tòm tŭ añ lòt rò gùng, mòr tus hơ Damas, di digùl ngai, nisơna gơs bơta àng dờng bơh đang trồ sòl gơcrà gùt dar añ.

Broă 22:8

Añ ho lah: ‘Ơ Yàng, Kơnràñ la ñcau?’ Yàng ho lah: ‘Añ la Jesu Cau Nasaret mơ mê kup kơryan.’