Broă 20:7 - Sră Goh 2018

⁷ Ngai sơnròp tòm dô poh, bol hi ơm pơjum sa tòmklac bal. Tài bơh Pol pal lòt ngai hìng, gen tàng khai bơto yal ală cau bơtê in mơ kư̆ bơto tơn jơl tus digùl mơnang.

Broă 20:7 Referans Kwoze

I Kôrintô 16:2

Ngai sơnròp tòm kòp poh, kòp nă jat bơta cồng nha he dê mơ prap lòi is, tồ ò càng rì jền tòm tŭ añ tus.

Broă 2:42

Ală cau hơ̆ kư̆ kơ̆ nùs prap bơta bơto sồr ală cau gơnoar bơto dờng dê, bơta gơtòmklac mơ oh mi, bơta dơrkă piang lă, mơ bơta hòi dan.

Jang 20:19

Tòm mho ngai hơ̆, la ngai sơnròp tòm dô poh, ală mpồng di tiah ală cau bơtê ơm neh til tài bơh bol khai rngòt di cau Juda, Yàng Jesu tus ntào digùl bol khai mơ đơs lah: “Lơngap lơngai bol mê in!”

Jang 20:1

Tŭ rìng àng ngai sơnròp tòm dô poh, trồ gam jơngo, Mari Madơlen lòt tus hơ bơtô ƀồc, gŏ pơnai lŭ neh gơtă bơh bơtô ƀồc.

Yal Tơlik 1:10

Tòm ngai Yàng dê añ gơs Yàng Hwềng lơh rngoh rngac, mơ añ kơno bơh tơnơ̆ añ gơs jơnau ntas dờng be kơlwòk lah:

Broă 20:11

Pol guh wơl hơ tap hơđang, dơrkă piang lă sa, mơ tòmbơhbơr jŏ ngan jơl àng sồng lòt.

Broă 28:23

Tơnơ̆ mơ tŭ bol hơ̆ neh pơgon ngai tòmtìp mơ khai, gen lòt tus gal ngan tòm hìu khai ơpah ơm. Bơh drim jơl mho khai kư̆ bơto yal bol hơ̆ in, lơh cơng bơh lơgar Yàng Tom Trồ dê, mơ ai bơta boh lam Môise dê mơ ală sră cau gơnoar hwơr nàng bơto pơndòm bol hơ̆ bơh Yàng Jesu.

Broă 20:9

Gơs dô nă cau pơnu sơnđan la Ơtikus, nggui di mpồng dềt, khai gơdan bic mơ bic lơhă tơn, tòm tŭ Pol ơm bơto yal jŏ ngan; behơ̆ tàng bơh tap pe dùh di tiah, tòm tŭ cau yò gen gŏ khai neh chơt rau.

Luka 24:35

Gen bàr nă bol khai yal wơl bơta neh gơlik gơs tòm tŭ lòt gùng, mơ mbe lơi bol khai neh đal git Kơnràñ tòm tŭ Kơnràñ dơrkă piang lă.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

I Kôrintô 10:16

Mơngàn mơ bol he ngui tòm tŭ Sa Kah Yàng mơ bơh hơ̆ bol he neh ưnngài Yàng Tom Trồ: tòm tŭ bol he hùc, bol he gơs pơnah tòm mhàm Bơtau Krist. Mơ piang lă bol he dơrkă, tòm tŭ bol he sa, bol he geh pơnah tòm să jan Bơtau Krist.

Broă 20:31

Behơ̆, drơng kơp tĕ mơ kah wơl lah tòm pe nam, ngai mơ mang, añ hòr dà mat mơ bơto sồr tơl nă cau in ò dơh.

Broă 2:46

Kòp ngai bol khai ngac ngar mơ kơ̆ nùs pơjum sùm tòm hìu duh khoai; bơh hìu do tus hìu ne, bol khai dơrkă piang lă, mơ sào bal dô bă chò hòp mơ nùs song ngan,

Jang 20:26

Tòm phàm ngai tơnơ̆, ală cau bơtê Kơnràñ dê ơm bal tòm hìu, gơs Thôma ơm bal sơl; ală mpồng neh til, Yàng Jesu tus ntào digùl bol khai mơ đơs lah: “Lơngap lơngai bol mê in!”

Luka 22:19

Chòp Kơnràñ ai piang lă, ưnngài, gen dơrkă, tong bol khai in mơ đơs lah: “Do la să jan Añ, bơh bol mê mơ ai phi. Lơh tĕ bơta do nàng kah wơl Añ.”

Nehemi 9:3

Bol khai ntào tòm tiah bol khai dê mơ sền sră bơta boh lam Yàng Jehôwa Yàng Tom Trồ bol khai dê, tòm dô pơnah poan ngai dê, mơ tòm dô pơnah poan ndai bol khai yal glài mơ duh khoai Jehôwa Yàng Tom Trồ bol khai dê.

Nehemi 8:3

Khai sền sră tòm toh di ƀlàng dờng di đap Mpồng Dà, bơh rìng àng drim jơl gùl ngai, di đap ală cau klau mơ ală cau ùr la ală cau rgơi wă. Tồr jơh ală làng bol dê ơm iat nền di sră bơta boh lam.

II Timôthe 4:2

Bơto yal tĕ jơnau Yàng, bơto sùm bulah bơtoah hala ò bơtoah, bơto pơndòm, lah pơrhơng, chồl bơtrut, jơh nùs kong ơt tòm bơta bơto sồr.

Jơnau Niam Jat Mak 16:9

Mơ tai, Yàng Jesu neh kis wơl tòm àng drim ngai sơnròp tòm dô poh, gen sơnròp ngan tơlik să mơ Mari Madơlen, la cau mơ Kơnràñ neh bơtrơh tơlik poh nơm cà bơh di khai.

Broă 16:10

Tòm tŭ Pol gŏ bơta gơtơnggŏ rau, tŭ hơ̆ mo bol hi rcang nàng tus hơ Masedoan, bơh dòp git nền lah Yàng Tom Trồ hòi sac bol hi bơto yal Jơnau Niam ală cau ơm tềng hơ̆.

Broă 20:5

Ală cau do lòt lài, gơn bol hi tòm Trôas.