Broă 2:23 - Sră Goh 2018

²³ Yàng Jesu neh kòl bơtào jat bơta lơh nền mơ bơta git lài Yàng Tom Trồ dê, mơ ală oh mi neh jồm tê cau iơh bơsak nàng pơng Yàng Jesu hơđang chi pơng mơ tơnchơt tơn.

Broă 2:23 Referans Kwoze

Luka 22:22

Kòn Mơnus rơp chơt be Yàng Tom Trồ neh lơh nền, mơya bòl glar cau do in la cau pơrlơ̆ dră di Kơnràñ.”

Broă 4:28

nàng lơh gơlik gơs ală broă gơnap gơnoar mơ nùs kòñ Kơnràñ dê neh lơh nền lài.

Broă 3:18

Mơya Yàng Tom Trồ neh ngui bơta hơ̆ nàng lơh gơlik di ngan jơnau Kơnràñ neh yal lài bơh bơr ală cau gơnoar hwơr lah Bơtau Krist Kơnràñ dê pal kong jê sồt.

Sơnròp Gơlik Gơs 50:20

Ală bi kòñ lơh iơh di añ, mơya Yàng Tom Trồ lơh wơl bơta kwơ añ in, nàng sền gàr bơta kis oă làng bol in, kung be neh gơlik gơs ngai do.

I Pier 1:20

Kơnràñ neh geh lơh nền lài mơ tŭ crơng gơs trồ tiah, mơya tus di tŭ tơngai lồi dut do sồng geh ràng tơlik tài bơh ală oh mi.

Broă 13:27

Tài bơh ală làng bol mơ ală cau kwang bol khai dê ơm tòm Jerusalem, ò dòp git Yàng Jesu la Bơtau dong klàs, mơ kung ò git wă jơnau ală cau gơnoar hwơr mơ cau sền tòm kòp ngai Saƀat, bulah behơ̆ tòm tŭ lơh nền glài Yàng Jesu bol khai neh lơh jơnau gơnoar hwơr hơ̆ in gơlik di ngan.

Mathiơ 26:24

Kòn Mơnus lòt, jat be jơnau neh cih bơh Khai, mơya bòl glar cau do in la cau pơrlơ̆ dră di Kòn Mơnus! Chan ò deh khai la niam rlau.”

Rôma 4:17

be Sră Goh neh cih lah: “Añ neh bơtào mê lơh gơs bèp oă làng bol dê,” di đap Yàng Tom Trồ la Bơtau khai neh dòn, hơ̆ la Bơtau ai bơta kis cau chơt in, mơ hòi ală bơta ò gơs be neh gơs rau.

Broă 5:30

Yàng Tom Trồ ồng pàng bol he dê neh lơh Yàng Jesu in kis wơl, la Bơtau mơ ală ồng neh yồng hơđang chi pơng mơ tơnchơt tơn.

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Đơs Crih 76:10

Bơta gơhào gơjrañ kòn mơnus dê gơlik bơta jòng ro Yàng; Ai bơta gơjrañ rlau ir gen Yàng rơp kơryan wơl.

Yal Tơlik 13:8

Jơh ală cau ơm tòm plai ù rơp duh khoai gơ, hơ̆ la ală cau lài mơ tŭ òhềt crơng gơs trồ tiah sơnđan mat bol khai ò geh cih tòm sră bơta kis Belàt Kòn dê neh kong chơt.

Jude 1:4

Bơh gơs cau ƀà neh mut òm tòm mpồl bol he, hơ̆ la ală cau bơh lài òr neh kòl lơh nền lòi bơta cahrña in, la cau ò gơs nùs duh rngòt, neh tòmgơl bơta nđàc Yàng Tom Trồ bol he dê gơlik gơs bơta bung jang, mơ pơndang sang Bơtau Tòm At Bồ gơs mìng dô nă, la Yàng bol he dê, la Yàng Jesu Krist.

I Pier 1:2

oh mi la cau geh sac rwah, jat be bơta git lài Yàng Tom Trồ dê la Bèp, mơ geh gơlik gơs làng bol sàng goh bơh Yàng Hwềng Goh, tồ dòn bơr Yàng Jesu Krist mơ geh lơh goh bơh mhàm Kơnràñ dê. Dan bơta nđàc mơ bơta lơngap lơngai sơlo geh bơtơl oă hơđang oh mi.

Broă 15:18

Hơ̆ la ală broă neh git bơh tŭ jŏ jòng bơh rài yau.’

Luka 24:20

mbe lơi ală cau gơnoar lam bồ ơn phan duh khoai mơ ală cau kwang bàng bol he dê neh jào Kơnràñ nàng lơh nền glài tơnchơt mơ neh pơng di chi pơng.

Luka 22:37

Bơh Añ đơs mơ bol mê, jơnau Sră Goh neh cih lah: ‘Cau kòp Kơnràñ tòm sèng cau glài,’ pal gơlik di ngan di Añ. Bơh ală bơta neh cih bơh Añ pal gơlik gơs di ngan.”

Broă 7:52

Gơs cau gơnoar hwơr lơi mơ ồng pàng ală ồng ò kup kơryan ơ? Bol khai kung neh tơnchơt ală cau yal lài bơh bơta lòt tus Bơtau Song ring dê, mơ ală ồng kung neh pơrlơ̆ dră mơ tơnchơt tơn;

Jang 19:24

Behơ̆ bol khai đơs bal mơ gơp lah: “Bañ crè ào do, mơya bol he tă khà tĕ nàng sền cau lơi geh.” Hơ̆ la tồ gơlik di ngan be jơnau Sră Goh cih lah: “Bol khai neh tòmpà ồi ào Añ, Mơ tă khà nàng ai ào dơlam Añ jê sơl.” Hơ̆ la broă ală cau ling lơh.

I Pier 2:8

mơ la “Dô nơm pơnai lŭ gơtup jơng, Dô nơm pơnai lŭ lơh gơtup tìs.” Bol khai gơtup jơng tài bơh ò dòn jat jơnau Yàng, jat be bơta neh lơh nền lài bol khai in rau.

Esai 37:26

Mê òhềt kơno ơ? Añ neh lơh nền bơta hơ̆ bơh jŏ rau, Añ neh rơndap bơta hơ̆ bơh rài yau òr; tŭ do Añ neh lơh gơlik gơs, la mê neh lơh ală ƀòn dờng kơ̆ cê gơlik gơs ală gơnru lề lac ngềt ngơt.

Mathiơ 20:19

bơtào Kơnràñ cau làng bol bơdìh in dơñŏ tơnhial, pù lơh mơ pơng hơđang chi pơng. Tus di ngai pe Kơnràñ rơp geh kis wơl.”

Mathiơ 27:35

Tŭ neh pơng Kơnràñ di chi pơng rau, bol khai tă khà mơ tòmpà ào Kơnràñ dê;

Jơnau Niam Jat Mak 15:24

Bol khai pơng Kơnràñ di chi pơng, gen tă khà nàng tòmpà bal ồi ào Kơnràñ dê, tồ git cau lơi geh pơnah lơi.

Luka 23:33

Dơ̆ neh tus hơ dô bă tiah sơnđan la Dòr Ntìng Bồ, gen bol khai pơng Kơnràñ di chi pơng, bal mơ bàr nă cau glài hơ̆, dô nă đah ma, dô nă đah kiau.

Jang 19:18

Tềng hơ̆ bol khai pơng Kơnràñ, mơ gơs bàr nă cau ndai kong pơng bal mơ Kơnràñ, dô nă đah ma, dô nă đah kiau, Yàng Jesu digùl.

Broă 2:36

Behơ̆, jơh hìu Israel git tĕ nền lah Jesu do, la Bơtau ală oh mi neh pơng di chi pơng, gen Yàng Tom Trồ neh bơtào lơh gơs Yàng mơ Bơtau Krist.”

Broă 5:28

“Bol hi neh bơkơ̆u nền ngan bol mê bañ ai sơnđan hơ̆ nàng bơto sồr, mơya bol mê lơh Jerusalem in bềng lìu bơta bơto sồr bol mê dê, mơ kòñ lơh bol hi in pal kong bơh bơta chơt cau hơ̆ dê.”

Rôma 2:12

Ală cau làng bol bơdìh ò gơs bơta boh lam Môise dê mơ tìs glài, gen kung rơp roh rui tòm bơta ò gơs bơta boh lam; ai ală cau Juda gơs bơta boh lam mơ tìs glài gen rơp kòl bơta boh lam cahrña;

I Tesalônika 2:15

Cau Juda la cau neh tơnchơt Yàng Jesu bal mơ ală cau gơnoar hwơr, ting bơtrơh bol hi, ò niam nùs Yàng Tom Trồ mơ sòdră di jơh ală cau.