Broă 2:2 - Sră Goh 2018

² Nisơna, gơs ntas bơh đang trồ tus be ntas càl khồm ur ur bềng jơh dô nơm hìu bol khai ơm nggui.

Broă 2:2 Referans Kwoze

Broă 4:31

Tòm tŭ neh jơh hòi dan rau, gen tòm tiah pơjum hơ̆ gơlơnggơr ung; jơh tơl nă geh bềng lìu Yàng Hwềng Goh mơ bơto yal jơnau Yàng Tom Trồ dê dô bă khin cha.

I Ală Bơtau 19:11

Yàng Tom Trồ đơs mơ khai lah: “Lik tĕ, ntào di jơng mơnơm di đap Yàng Jehôwa, bơh Yàng Jehôwa rơp lòt gan.” Tŭ do gơs dô ròs càl dờng khồm pràn ngan di đap Kơnràñ, crè ală mơnơm, mơ lơh bơcah ală pơnai lŭ gơlik rpot rpet; mơya Yàng Jehôwa ò ơm tòm càl. Tơnơ̆ mơ ròs càl gơs dô bơta gơlơnggơr ù, mơya Yàng Jehôwa ò ơm tòm ù lơnggơr;

Đơs Crih 18:10

Kơnràñ hào ceruƀim mơ par, Kơnràñ par mhar hơđang pơnđar càl dê.

Jang 3:8

Càl kòñ khồm tiah lơi gen khồm, mê kơno jơnau ntas gơ, mơya ò git gơ tus bơh lơi mơ gơ lòt tiah lơi. Cau lơi deh bơh Yàng Hwềng, gen kung behơ̆ sơl.”

Esai 65:24

Lài mơ tŭ bol khai hòi dan Añ rơp ho wơl; tòm tŭ bol khai ơm đơs Añ rơp kơno.

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Đơs Chò 4:16

Ơ càl đah đang, guh tĕ, ơ càl đah đơm, khồm tĕ; khồm tĕ tòm suơn añ, tồ ală ƀô bơlhu gơ par lik! Lòi tĕ cau kòñ gơboh añ mut tòm suơn khai, mơ sa ală plai bơkah lơngồt khai dê!

Luka 2:13

Nisơna gơs rbô rhiang cau ling bơh trồ bal mơ cau gơnrơh hơ̆ jòng ro Yàng Tom Trồ lah:

Broă 2:3

Ală cau bơtê gŏ ală lơmpiat be lơmpiat ồs gơlik, gơcah is mơ rơp hơđang kòp nă cau tòm bol khai.

Broă 2:6

Tòm tŭ kơno ntas ală jơnau hơ̆, gen mpồl làng bol ràn tus, mơ nrơt nrơl bơh kòp nă kơno lơm ală cau bơtê đơs jơnau đơs lơgar tòm he dê.

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.