Broă 19:22 - Sră Goh 2018

²² Khai sồr bàr nă cau dong broă khai la Timôthe mơ Erastus lòt lài hơ Masedoan, ai să tòm khai gen gam ơm tòm kơnhwàl Asia dô êt tai.

Broă 19:22 Referans Kwoze

II Timôthe 4:20

Erastus ơm wơl tòm Kôrintô, ai Trôphimus gam kòp jê, añ lòi khai tòm Miletus.

Rôma 16:23

Gaius la cau neh wă rò añ mơ wă rò jơh Hìu Jum Goh còp să oh mi. Erastus la cau kwang at bồ đam priă tòm ƀòn dờng, mơ Kwartus la oh mi añ, kung còp să oh mi sơl.

Broă 19:29

Jơh ƀòn dờng sơlồng sơlàng, bol khai dô nùs bal ntoat ràn ur òr tus hơ hìu tòmya kơnhơl, hwài Gaius mơ Aritak, cau Masedoan, la ală cau bơyô lòt bal mơ Pol.

Broă 19:10

Broă hơ̆ lơh sùm tòm bàr nam, tian gơs jơh tơl nă cau Juda mơ cau Grek ơm tòm lơgar Asi làm kơno jơnau Yàng dê.

Broă 18:5

Tòm tŭ Sila mơ Timôthe tus bơh lơgar Masedoan, Pol ơn jơh tŭ tơngai khai dê nàng bơto yal jơnau Yàng dê, mơ lơh cơng bơh cau Juda in lah Yàng Jesu la Bơtau Krist.

Broă 16:3

Pol kòñ cèng Timôthe lòt bal, gen tàng Pol neh siat gơltau khai in, tài bơh ală cau Juda ơm tòm ală tiah hơ̆ git lơm bèp khai la cau Grek.

Broă 16:1

Pol tus hơ ƀòn dờng Derbơ mơ Listrơ. Tềng hơ̆, gơs dô nă cau bơtê sơnđan la Timôthe, kòn klau dô nă cau ùr Juda dê neh dòn Yàng, ai bèp khai la cau Grek.

Broă 13:5

Tus tòm Salamis, bol khai bơto yal jơnau Yàng Tom Trồ dê tòm ală hìu jum cau Juda dê, kung gơs Jang Mak dong broă bal.

I Tesalônika 1:8

Bơh jơnau Yàng bơh oh mi neh gơpơnro ò di mìng tòm Masedoan mơ Acai lơm, mơya bơta dòn oh mi dê tòm Yàng Tom Trồ kung neh pơnro làm jơh ală tiah, tian gơs bol hi ò càng đơs jơnau lơi tai.

II Kôrintô 8:1

Ơ oh mi, bol hi kòñ oh mi git bơh bơta nđàc Yàng Tom Trồ dê neh ai ală Hìu Jum Goh tòm Masedoan in:

II Kôrintô 1:16

kung bơh di oh mi mơ lòt hơ Masedoan, mơ bơh Masedoan rê wơl hơ oh mi, lồc behơ̆ kơnòm di oh mi jun añ lòt tus hơ Jude.

Broă 20:1

Tòm tŭ bơta sơlồng sơlàng neh jơh rau, Pol hòi jà ală cau dòn tus nàng bơto pơndòm gen tơngac bol khai mơ lòt tus hơ lơgar Masedoan.

II Kôrintô 11:9

Tòm tŭ añ ơm mơ oh mi, dơ̆ tìp bơta siơ̆u siar, gen ò lơh pơnjê di cau lơi ò; bơh ală oh mi ơm tòm Masedoan lòt tus mơ neh dong tơl tòm bơta pal càng añ jê. Tòm jơh ală broă, añ neh kơrmap gàr să añ tồ ò lơh pơnjê di oh mi; añ kung rơp kư̆ kơrmap gàr să añ behơ̆ sùm.

II Kôrintô 2:13

mơya bơh añ ò tìp oh mi añ jê la Tit, gen hwềng nùs añ ò suk ơm, gen añ tơngac bol khai mơ lòt tơn hơ Masedoan.

Broă 19:21

Tơnơ̆ mơ ală broă hơ̆ neh sir rau, Pol lơh nền tòm nùs lòt gan di lơgar Masedoan mơ lơgar Acai, gen lòt tơn hơ Jerusalem. Khai đơs lah: “Tòm tŭ añ neh tus tềng hơ̆, añ kung pal lòt còp Rôma tai sơl.”

Broă 20:34

Să tòm oh mi git lah bàr nơm mpàng tê do neh lơh gơlik gơs phan ngui sa añ in mơ oh mi lơh broă bal mơ añ in sơl.

II Kôrintô 8:19

Ò di mìng behơ̆ ò, cau hơ̆ kung geh ală Hìu Jum Goh sac rwah, nàng lòt bal mơ bol hi tòm broă niam mơ bol hi rcang lơh do, nàng lơh gơklŏ Yàng in mơ ràng tơlik nùs duh hul bol hi dê;