Broă 18:12 - Sră Goh 2018

¹² Tòm tŭ Gallio lơh gơs kwang đơng lơgar Acai dê, cau Juda dô nùs bal ntào tòmdră mơ Pol, kup khai cèng lòt tus hơ tiah cahrña,

Broă 18:12 Referans Kwoze

Broă 18:27

Tòm tŭ Apôlôs lơh nền lòt hơ lơgar Acai, gen ală cau dòn tòm Ephesô dong kòl khai cih sră pơyoa ală cau dòn in tòm Acai sồr wă rò khai. Tòm tŭ neh tus rau, gen khai dong kòl oă ngan ală cau neh kơnòm di bơta nđàc mơ gơlik gơs cau dòn.

Broă 13:50

Mơya ală cau Juda chồl bơchồt ală cau ùr duh rngòt pas ryŭ mơ ală cau at bồ tòm ƀòn dờng chồl bol khai kup kơryan Pol mơ Banaba, mơ bơtrơh tơlik bơh di kơnhwàl bol khai dê.

Broă 13:7

khai gam ơm bal mơ cau kwang đơng lơgar la Sejus Polus, la dô nă cau jak chài. Cau kwang hơ̆ sồr jà Banaba mơ Sol tus, bơh khai kòñ iat jơnau Yàng Tom Trồ dê.

II Kôrintô 11:10

Añ ai bơta song ngan Bơtau Krist dê ơm tòm añ mơ ho nền lah, tòm kơnhwàl Acai ò gơs cau lơi geh lềt bơr añ jòng să bơh bơta do.

II Kôrintô 9:2

Bơh añ git nùs rcang sir oh mi dê, mơ añ kung jòng să bơh oh mi mơ cau Masedoan lah cau Acai rcang lài bơh dô nam rau, mơ bơta ngac ngar oh mi dê neh chồl nùs oă cau ndai.

II Kôrintô 1:1

Pol, jat nùs kòñ Yàng Tom Trồ dê, lơh gơs cau gơnoar bơto dờng bơh Yàng Krist Jesu, bal mơ oh mi he la Timôthe, pơyoa Hìu Jum Goh Yàng Tom Trồ in tòm Kôrintô, mơ jơh ală cau sàng goh in ơm làm jơh lơgar Acai.

I Kôrintô 16:15

Ơ oh mi, gơs dô jơnau tơngkah tai, oh mi git lah hìu nhă Stephanas la plai bồ sơnam lơgar Acai, mơ bol khai lơh nền duh broă ală cau sàng goh in.

Rôma 15:26

Bơh cau Masedoan mơ cau Acai gơs nùs chò hòp rì jền nàng dong kòl bơta siơ̆u siar ală cau sàng goh tòm Jerusalem.

Broă 25:10

Pol đơs lah: “Añ ntào di tiah cahrña Sesa dê la tiah añ pal kong cahrña; bơh añ ò lơh tìs bơta lơi mơ cau Juda, kung be să tòm ồng neh git loh làng.

Broă 17:13

Mơya tòm tŭ cau Juda ơm tòm Tesalônika kơno Pol kung bơto yal jơnau Yàng Tom Trồ tòm Bere, gen bol khai tus tềng hơ̆ nàng lơh dơrcul mơ chồl bơchồt làng bol.

Broă 14:19

Tŭ hơ̆, gơs ală cau Juda bơh Antiôt mơ Ikôni lòt tus bơchồt mpồl làng bol, bol khai cơm lŭ di Pol, tồnlah khai neh chơt rau, gen hwài khai hơ bơdìh ƀòn dờng.

Broă 14:2

Mơya ală cau Juda ò dòn gen chồl bơchồt, lơh nùs cau làng bol bơdìh in kơlôi iơh di ală oh mi.

Mathiơ 27:19

Tòm tŭ cau kwang đơng lơgar gam nggui hơđang cơnòng cahrña, bau ùr Pilat sồr cau lòt đơs mơ khai lah: “Mê bañ ƀư di cau song ring hơ̆, bơh khai mơ tòm ngai do añ neh kong bòl glar ngan tòm bơta mpau.”

Jakơ 2:6

Mơya oh mi lơh cau rƀah in ƀàssìl. Hơ̆ ò di la cau pas gơs rồn bơklơn oh mi, mơ hwài oh mi lòt tus di tiah cahrña ò ơ?

Rôma 16:5

Kung dan còp să Hìu Jum Goh pơjum tòm hìu bol khai. Dan còp să Epainet, la cau kòñ gơboh añ jê; khai la cau sơnròp dòn Bơtau Krist tòm kơnhwàl Asia.

Broă 17:5

Mơya ală cau Juda ƀoah gơjrañ, jà ală cau gơlềng gơlàng tòm gùng pơjum gơs mpồl, lơh nggồr nggàc tòm ƀòn dờng. Bol hơ̆ brồ mut tòm hìu Jasôn, jòi kup Pol mơ Sila nàng cèng tơlik di đap làng bol.

Broă 13:12

Cau kwang đơng lơgar gŏ bơta neh gơlik gơs gen dòn, bơh ồng ai lơh krơi bơh bơta bơto sồr Yàng dê.

Jang 19:13

Tòm tŭ Pilat kơno jơnau hơ̆ gen lam Yàng Jesu lik, gen nggui di tiah cahrña, tiah sơnđan la Tiah Bơt Lŭ, jơnau Hebrơ sơnđan la Gabatha.

Broă 13:8

Mơya cau bơjơu hơ̆ sơnđan jơnau Grek la Elimas, tòmdră mơ bàr nă bol hơ̆, jòi bơta kơryan cau kwang đơng lơgar dòn Yàng.

Broă 18:11

Pol ơm tòm ƀòn hơ̆ dô nam mơ prau kơnhai, bơto jơnau Yàng Tom Trồ dê bol khai in.

Broă 19:21

Tơnơ̆ mơ ală broă hơ̆ neh sir rau, Pol lơh nền tòm nùs lòt gan di lơgar Masedoan mơ lơgar Acai, gen lòt tơn hơ Jerusalem. Khai đơs lah: “Tòm tŭ añ neh tus tềng hơ̆, añ kung pal lòt còp Rôma tai sơl.”

II Kôrintô 11:26

oă lòt gùng, sơbơng rơng hơđang ală hiòng, sơbơng rơng mơ ală cau phà kơñau, sơbơng rơng mơ làng bol tòm, sơbơng rơng mơ làng bol bơdìh, sơbơng rơng tòm ƀòn dờng, sơbơng rơng tòm ƀlàng bràs, sơbơng rơng hơđang dàlềng, sơbơng rơng mơ ală oh mi ma blac;

I Tesalônika 2:14

Ơ oh mi, oh mi ngan neh gơlik gơs cau đòm jat ală Hìu Jum Goh Yàng Tom Trồ dê tòm Yàng Krist Jesu, tòm Jude, bơh oh mi neh kong ală cau lơgar tòmlơh bòl glar, kung be ală Hìu Jum Goh hơ̆ neh kong cau Juda lơh bòl glar.

I Tesalônika 2:16

Bol khai bơkơŭ bol hi bơto cau làng bol bơdìh tồ bol hơ̆ geh dong klàs. Tòm broă do lơh tồi glài bol khai dê sơlo gơbơtơl bềng lìu. Mơ lồi dut bơta gơjrañ dờng neh dùh dô bă nền cê hơđang bol khai rau.