Broă 18:10 - Sră Goh 2018

¹⁰ bơh Añ ơm bal mơ mê, ò gơs cau lơi sò tơm nàng lơh iơh di mê ò, bơh Añ gơs oă cau tòm ƀòn dờng do.”

Broă 18:10 Referans Kwoze

II Kôrintô 12:9

Mơya Yàng đơs lah: “Bơta nđàc Añ jê neh tơl mê in, bơh gơnoar pràn Añ jê gơlik wil tơl tòm bơta lơbơn lơño.” Behơ̆ añ ai lơh chò nùs chan jòng să bơh bơta lơbơn lơño añ jê, tồ gơnoar pràn Bơtau Krist dê ơm hơđang añ.

Mathiơ 28:20

Mơ bơto bol khai lơh jat jơh ală bơta Añ neh sồr bol mê. Mơ do, Añ ơm sùm mơ bol mê jơl tus di lồi dut rài.”

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Lik Ejiptơ 4:12

Behơ̆ tŭ do, lòt tĕ; Añ rơp dong mê tòm tŭ mê đơs, mơ bơto mê ñchi jơnau mê pal đơs.”

Rôma 8:31

Gen mbe bol he kòñ đơs bơh ală bơta hơ̆ taih? Dilah Yàng Tom Trồ ơm đah mơ bol he, gen gơs ñcau sò tơm dê bol he taih?

Jang 10:16

Añ gam gơs ală belàt ndai ò bal mơ wàng do; Añ pal lam gơrê sơl, belàt hơ̆ rơp kơno jơnau đơs Añ jê, mơ rơp gơs mìng dô mpồl mơ dô nă cau ê lơm.

II Timôthe 4:22

Dan Yàng ơm bal mơ hwềng nùs mê dê. Dan bơta nđàc ơm bal mơ ală oh mi.

Esai 54:17

Ò gơs phan tòmlơh lơi neh tiar rgơi tòmdră pha rlau mơ ai, mơ ai rơp pơndang sang kòp nơm lơmpiat yă ai tòm tiah cahrña. Hơ̆ la pơnah sre brê ală cau duh broă Yàng Jehôwa dê, mơ bơta tò să bol khai dê tus bơh di Añ.” Yàng Jehôwa đơs behơ̆.

Jang 11:52

Ò di mìng bơh làng bol lơm ò, mơya kung nàng pơjum tơrgòm dô bă bal ală kòn sau Yàng Tom Trồ dê neh nrah nring.

Mathiơ 10:30

Sŏ hơđang bồ bol mê kung neh kòp jơh rau.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Broă 15:18

Hơ̆ la ală broă neh git bơh tŭ jŏ jòng bơh rài yau.’

Luka 21:18

Mơya dô dang che sŏ di bồ bol mê dê kung ò roh sơl.

Esai 43:2

Tòm tŭ mê tiă gan ală dà, Añ rơp ơm bal mơ mê; mơ tòm tŭ mê tiă gan ală hiòng, gơ rơp ò tơnkram mê. Tòm tŭ mê lòt gan ồs, mê rơp ò kòl ồs sa, ală lơmpiat ồs rơp ò chu mê.

II Timôthe 4:17

Mơya Yàng neh ơm dô đah bal mơ añ mơ bơtơl pràn añ in, tồ bơh añ mơ Jơnau Niam geh bơto yal wil tơl, nàng jơh ală cau làng bol bơdìh geh kơno; behơ̆ añ neh geh dong tă bơh di bơr klìu triă.

Mathiơ 1:23

“Ne, dô nă cau ơruh rơp bun mơ deh dô nă kòn klau, Mơ cau rơp tơmoh sơnđan Kơnràñ la Emmanuel,” Gơtha la: “Yàng Tom Trồ ơm bal mơ bol he.”

Esai 8:10

Tòmbơyai tĕ bal mơ gơp, mơya gơ rơp gơlik roh lơm; Đơs tĕ dô jơnau, mơya gơ rơp ò ntào jai; bơh Yàng Tom Trồ ơm bal mơ bol he.

Broă 15:14

Simôn neh yal wơl mbe lơi dơ̆ sơnròp Yàng Tom Trồ neh wèt sền làng bol bơdìh, nàng bơh bol khai gơlik gơs dô làng bol gơrê bal mơ Kơnràñ.

Ală Kwang Cahrña 2:18

Tŭ lơi Yàng Jehôwa bơtào tơngguh bol khai in dô nă cau kwang cahrña, Kơnràñ ơm bal mơ cau kwang cahrña hơ̆ tòm jơh rài kis khai dê nàng dong Israel lik bơh di tê cau sò tơm bol khai dê; bơh Yàng Jehôwa gơs nùs nđàc sơngit di bol khai tòm tŭ bol khai rơnđơh, bơh ală cau kup kơryan mơ rồn bơklơn bol khai.

Jôsue 1:5

Ò gơs cau lơi rgơi tòmdră jai mơ mê tòm jơh ală ngai tòm rài kis mê dê, Añ neh ơm mơ Môise be lơi gen Añ kung rơp ơm mơ mê behơ̆ sơl. Añ rơp ò tŭ lơi sang mê, kung ò tŭ lơi lòi mê.

Broă 18:9

Tòm trồ mang Yàng đơs mơ Pol tòm bơta gơtơnggŏ lah: “Bañ rngòt mơya đơs tĕ, bañ ơm mŏ mŏ;

Broă 18:11

Pol ơm tòm ƀòn hơ̆ dô nam mơ prau kơnhai, bơto jơnau Yàng Tom Trồ dê bol khai in.