Broă 13:51 - Sră Goh 2018

⁵¹ Bàr nă bol khai rtuh thul di mpàng jơng nàng tòmdră di bol hơ̆, lồc behơ̆ lòt tus hơ Ikôni.

Broă 13:51 Referans Kwoze

Mathiơ 10:14

Cau lơi ò wă rò bol mê hala ò iat jơnau bol mê, tŭ lik bơh hìu hơ̆ hala bơh ƀòn dờng hơ̆, gen rtuh tĕ thul bơh di jơng bol mê dê.

Broă 18:6

Mơya ală bol hơ̆ tòmdră đơs tràl sơrbil, gen tàng Pol rtuh ào khai mơ đơs lah: “Mhàm bol mê tuh wơl hơđang bồ bol mê! Ai đah mơ añ gen ò kòl glài; bơh tŭ do añ rơp lòt tus hơ làng bol bơdìh.”

Luka 9:5

Dilah cau lơi ò wă rò bol mê, gen tòm tŭ lik bơh ƀòn dờng hơ̆, rtuh tĕ thul bơh di jơng bol mê nàng lơh cơng pơrlơ̆ di bol khai.”

Broă 14:21

Tòm tŭ bàr nă cau gơnoar bơto dờng neh sir bơto Jơnau Niam tòm ƀòn dờng hơ̆ rau, mơ lơh oă cau gơlik gơs cau bơtê, gen rê wơl hơ Listrơ, Ikôni mơ Antiôt,

Broă 14:19

Tŭ hơ̆, gơs ală cau Juda bơh Antiôt mơ Ikôni lòt tus bơchồt mpồl làng bol, bol khai cơm lŭ di Pol, tồnlah khai neh chơt rau, gen hwài khai hơ bơdìh ƀòn dờng.

Broă 14:1

Tòm Ikôni, Pol mơ Banaba mut bal tòm hìu jum cau Juda dê mơ bơto yal lơh oă ngan cau Juda mơ cau Grek dòn Yàng.

Jơnau Niam Jat Mak 6:11

Tiah lơi cau ò bài wă rò bol mê mơ ò bài iat jơnau bol mê dê, tòm tŭ lik bơh hơ̆, gen rtuh tĕ thul bơh di jơng bol mê dê nàng lơh cơng tơrwơl di bol khai.”

Broă 16:2

Ală cau dòn ơm tòm Listrơ mơ Ikôni lơh cơng niam bơh Timôthe.

II Timôthe 3:11

bơta kup kơryan, mơ bơta jê sồt bòl glar añ jê, la ală bơta neh gơtơntus di añ tòm Antiôt, Ikôni mơ Listrơ. Ală bơta kup kơryan hơ̆ añ neh kong lơm, mơya Yàng neh dong tă añ lik klàs jơh.

Luka 10:11

‘Tus di thul ƀòn dờng bol mê dê gơđềt di jơng bol hi, gen bol hi kung rtuh sơl nàng lơh cơng tơrwơl di bol mê; bulah behơ̆, pal git bơta do: lơgar Yàng Tom Trồ neh tus rềp mơ bol mê.’