Broă 13:21 - Sră Goh 2018

²¹ Tŭ hơ̆ bol khai dan dô nă bơtau, behơ̆ tàng Yàng Tom Trồ ai bol khai in Sol, kòn klau Kis dê, tòm jơi bơtiàn Benjamin, at bồ bol khai tòm poan jơt nam.

Broă 13:21 Referans Kwoze

I Samuel 10:1

Gen Samuel ai dô nơm gri mơñà mơ tuh hơđang bồ Sol, cum khai mơ đơs lah: “Yàng Jehôwa neh bong mơñà pồ bơtào mê lơh gơs cau at bồ làng bol Israel Kơnràñ dê! Mê rơp at bồ hơđang làng bol Yàng Jehôwa mơ mê rơp dong tă bol khai klàs bơh tê ală cau sò tơm gùt dar. Do la tềl sơnio mê in la Yàng Jehôwa neh bong mơñà mê in lơh gơs cau at bồ hơđang sre brê Kơnràñ dê.

I Samuel 15:1

Samuel đơs mơ Sol lah: “Añ la cau mơ Yàng Jehôwa neh sồr tus bong mơñà mê in nàng gơs bơtau at bồ làng bol Israel Kơnràñ dê; gen tàng tŭ do iat tĕ jơnau Yàng Jehôwa dê.

I Samuel 11:15

Behơ̆ jơh làng bol lòt tus hơ Gilgal mơ dòp Sol la cau bơtau at bồ di đap Yàng Jehôwa. Tềng hơ̆ bol khai ơn ală phan ơn duh khoai ring lơngai di đap Yàng Jehôwa, Sol mơ jơh làng bol Israel hòn chò dờng ngan ò git lơh.

I Samuel 8:5

Bol khai đơs mơ khai lah: “Ồng neh kra rau mơ ală kòn klau ồng ò jat ală gùng ồng dê; tŭ do dan pồ bơtào bol hi in dô nă bơtau nàng tề lam bol hi kung be ală làng bol ndai.”

I Samuel 9:1

Gơs dô nă cau tòm jơi bơtiàn Benjamin, sơnđan la Kis, kòn klau Abiel, sau Jeror, se Bekôrat, set Aphiah, la dô nă cau pas sơm.

I Samuel 9:15

Mơ tai tòm ngai lài mơ tŭ tus Sol, Yàng Jehôwa neh yal tơlik Samuel in git lah: