Broă 12:7 - Sră Goh 2018

⁷ Nisơna gơs dô nă cau gơnrơh Yàng dê tơlik să, mơ gơs bơta àng sòl gơcrà tòm hìu jàm. Cau gơnrơh tur di wĕ Pier, pơrlai khai guh mơ đơs lah: “Guh tĕ mhar;” gen che sreng gơrung mo bơh di tê khai.

Broă 12:7 Referans Kwoze

Broă 5:19

Mơya tòm mang hơ̆ gơs dô nă cau gơnrơh Yàng dê pò mpồng hìu jàm tơlik ală cau gơnoar bơto dờng mơ nting lah:

Broă 16:26

Nisơna, gơs bơta gơlơnggơr ù dờng ngan, tian gơs mơnàng hìu jàm wañ lơnggơr; tŭ hơ̆ mo, ală mpồng gơ pò jơh, che sreng cap cau ơm jàm gơhồ sơntă jơh hir.

Đơs Crih 146:7

Kơnràñ cahrña song ring ală cau kòl rồn bơklơn in, Mơ ai phan sa cau jơgloh in. Yàng Jehôwa hồ toh cau kòl ơm jàm.

Đơs Crih 107:14

Kơnràñ tă tơlik bol khai klàs bơh bơta jơngo mơ mƀur klam cik, Kung dơrkă gơltac che sreng neh kơt bol khai.

Đơs Crih 34:7

Cau gơnrơh Yàng Jehôwa dê ơm kơp gùt dar ală cau duh rngòt di Kơnràñ, Mơ dong tă bol khai.

Broă 10:30

Kornai ho lah: “Neh poan ngai do rau, kung di di jơ pe, añ ơm hòi dan, nisơna gơs cau soh ào gơcrà àng lơr, ntào di đap añ,

Ephesô 5:14

Gen tàng neh đơs lah: “Ơ cau lơhă bic ne, kah tĕ, Guh tĕ bơh digùl ală cau chơt, Gen Bơtau Krist rơp sòl pơnđàng hơđang mê.”

Broă 2:24

Mơya Yàng Tom Trồ neh dong tă Kơnràñ bơh bơta jê sồt bơta chơt dê mơ lơh Kơnràñ in kis wơl, tài bơh bơta chơt ò rgơi kup Kơnràñ.

Luka 24:4

Tòm tŭ bol khai ơm pin wil wơl bơh bơta hơ̆, nisơna gơs bàr nă cau klau ntào di gah bol khai, soh ào àng gơcrà.

Luka 2:9

Nisơna gơs cau gơnrơh Yàng dê tơlik mat mơ bol khai, mơ bơta gơklŏ Yàng dê gơcrà gùt dar, bol khai rngòt rngơt ngan.

Mice 7:9

Añ pal ơnòng bơta gơjrañ dờng Yàng Jehôwa dê; tài bơh añ neh tìs glài tòmdră mơ Kơnràñ, jơl tus di tŭ Kơnràñ dong tò bơta gơrềng tus di añ, mơ lơh gơlik bơta cahrña añ in. Kơnràñ rơp cèng añ lik hơ bơta àng; Añ rơp sền gŏ bơta song ring Kơnràñ dê.

Daniel 6:22

Yàng Tom Trồ añ jê neh sồr cau gơnrơh Kơnràñ dê lềt bơr ală klìu triă, gen tàng bol gơ ò lơh iơh di añ dô êt lơi, tài bơh Kơnràñ neh gŏ añ ò gơs glài lơi di đap Kơnràñ. Ơ bơtau, gơwèt mơ bơtau kung behơ̆ sơl, añ ò lơh dô bơta tìs lơi ò.”

I Ală Bơtau 19:7

Cau gơnrơh Yàng Jehôwa dê tus dơ̆ bàr, tup di khai mơ đơs lah: “Guh tĕ mơ sa, bơh gùng ngài ngan mê in.”

Broă 12:23

Tŭ hơ̆ mo dô nă cau gơnrơh Yàng dê lơh Herôt, tài bơh khai ò lòi bơta gơklŏ Yàng Tom Trồ in, bơtau kòl tu sa cuh mơ chơt tơn.

Broă 9:3

Mơya tòm tŭ Sol gam lòt tòm gùng mòr tus hơ Damas, nisơna gơs bơta àng bơh đang trồ sòl gơcrà gùt dar khai.

Habakuk 3:4

Bơta àng gơcrà Kơnràñ dê kung be mattơngai; Ală puhlèp lik bơh tê Kơnràñ, gơnap gơnoar Kơnràñ dê neh pồn ndơp.

Ejekiel 43:2

mơ añ gŏ bơta gơklŏ Yàng Tom Trồ Israel dê tus bơh đah mattơngai lik. Sap Kơnràñ dê kơno tòm toh kung be ntas dà dờng nggồr, mơ ù tiah àng gơcrà bơh bơta gơklŏ Kơnràñ dê.

Esai 60:1

Guh tĕ, pơnđàng sòl tĕ, bơh bơta àng mê dê neh tus, mơ bơta gơklŏ Yàng Jehôwa dê neh pơnđàng hơđang mê.

Đơs Crih 116:16

Ơ Yàng Jehôwa, añ la cau duh broă Kơnràñ dê; Añ la cau duh broă Kơnràñ dê, kòn ùr kòn klau cau ùr duh broă Kơnràñ dê. Kơnràñ neh hồ che cap añ.

I Ală Bơtau 19:5

Gen khai tơmbic să hơđơm chi pơnggŏ mơ bic lơhă. Nisơna gơs dô nă cau gơnrơh tup di khai mơ đơs lah: “guh tĕ mơ sa.”

Yal Tơlik 18:1

Tơnơ̆ mơ hơ̆, añ gŏ dô nă cau gơnrơh ndai mù bơh đang trồ, gơs gơnoar dờng ngan; bơta gơklŏ khai dê àng gơcrà làm jơh plai ù.

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

Broă 12:6

Tòm mang lài mơ ngai Herôt neh lơh nền tơlik Pier nàng cahrña, gen khai ơm bic digùl bàr nă cau ling mơ kòl kơt mơ bàr dang che sreng, mơ di bơr mpồng hìu jàm gơs cau ling kơp gàr.

Habakuk 3:11

Mattơngai mơ mat kơnhai ơm ntào mŏ mŏ tòm ală tap trồ bơh bơta àng lơr ală kam par Kơnràñ dê, bơh puhlèp bơta gơcrà tà Kơnràñ dê.

Esai 37:30

Ơ Ejekia, do rơp la tềl sơnio mê in; Tòm nam do mê rơp sa plai đo hòn is gơ dê, nam tơnơ̆ gam sa phan gơhòn bơh hơ̆. Mơya tus di nam dơ̆ pe, tùc tam tĕ mơ toès kac, tam ală suơn ño mơ sa plai gơ dê.

II Samuel 22:29

Ơ Yàng Jehôwa, ngan Kơnràñ la ồs đèng añ jê, Yàng Jehôwa pơnđàng sòl bơta klam jơngo añ jê.

Đơs Crih 68:6

Yàng Tom Trồ lơh cau gơkòl sang lòi in gơs hìu ơm, Kơnràñ cèng tơlik cau kòl jàm mơ ai khai in geh bơtoah bơtoài, Mơya ală cau tòmdră gen ơm tòm tiah ù rañ rsơh.

Jeremi 40:1

Gơs jơnau Yàng Jehôwa đơs mơ Jeremi tơnơ̆ mơ tŭ Nebujaradan, cau at bồ mpồl ling kơp gàr bơtau dê, hồ toh Jeremi tòm Rama. Nebujaradan neh jòi bàn Jeremi tŭ gam kòl kơt mơ sreng digùl ală cau kòl kup bơh Jerusalem mơ Juda dê nàng cèng hơ Babilôn.

Daniel 3:28

Bơtau Nebukatnessar ai jơnau đơs lah: “Pal jòng ro Yàng Tom Trồ Sadrak, Mesak mơ Abetnegô dê! Kơnràñ neh sồr cau gơnrơh Kơnràñ dê nàng dong tă ală cau duh broă Kơnràñ neh kơnòm di Kơnràñ, bol khai neh ò rngòt di jơnau sồr bơtau dê mơ phi să jan bol khai dê tồ ò duh broă mơ ò duh khoai yàng lơi ndai rlau mơ Yàng Tom Trồ bol khai dê.

Mathiơ 2:13

Tòm tŭ bol hơ̆ neh lòt rau, ne, dô nă cau gơnrơh Yàng dê tơnggŏ mơ Jôsep tòm mpau mơ sồr lah: “Guh tĕ, cèng kòn dềt mơ mè Kơnràñ dô pleh tòm lơgar Ejiptơ, mơ kư̆ ơm tềng hơ̆ jơl tus dê tŭ añ yal mê in, bơh Herôt rơp jòi kòn dềt hơ̆ nàng tơnroh.”

Broă 12:8

Cau gơnrơh đơs lah: “Kơt tĕ but mơ jă tĕ gơltau jă.” Pier lơh jat behơ̆. Cau gơnrơh đơs tai lah: “Soh tĕ ào jrùh nàng lòt jat añ.”