Broă 10:42 - Sră Goh 2018

⁴² Kơnràñ neh nting sồr bol hi bơto yal tĕ làng bol in, mơ lơh cơng lah să tòm Kơnràñ la Bơtau mơ Yàng Tom Trồ neh pồ bơtào lơh gơs Cau Kwang Cahrña cau kis mơ cau chơt.

Broă 10:42 Referans Kwoze

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

I Pier 4:5

mơya bol khai pal yal broă mơ Bơtau neh rcang sir nàng cahrña cau kis mơ cau chơt.

II Timôthe 4:1

Di đap Yàng Tom Trồ mơ di đap Yàng Krist Jesu la Bơtau rơp cahrña cau kis mơ cau chơt, añ bơh bơta tơlik mat Kơnràñ dê mơ bơh lơgar Kơnràñ dê mơ bơto kràñ cê mê in lah:

Broă 17:31

bơh Yàng Tom Trồ neh lơh nền dô ngai, tòm tŭ Kơnràñ rơp ai bơta song ring cahrña dunnia bơh Cau Kơnràñ neh pồ bơtào. Kơnràñ lơh cơng tàng nền cê kòp nă cau in gŏ, Kơnràñ neh lơh Khai in kis wơl bơh bơta chơt.”

Yal Tơlik 22:12

“Do añ tus mhar, mơ cèng bal phan ƀàn nàng ai kòp nă cau in jat be broă bol khai lơh.

Broă 1:2

jơl tus di ngai Kơnràñ geh guh rê hơđang trồ, tơnơ̆ mơ tŭ Kơnràñ kơnòm di Yàng Hwềng Goh nàng bơto sồr ală cau gơnoar bơto dờng Kơnràñ neh sac rwah.

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.

II Timôthe 4:8

Bơh do jơl hìng nau sơgơn bơtau bơta song ring neh prap lòi añ in; Yàng la Kwang Cahrña song ring rơp ai sơgơn hơ̆ añ in tòm ngai hơ̆, ò di mìng añ in lơm ò, mơya kung ai jơh ală cau kòñ gơboh di bơta tơlik mat Kơnràñ dê sơl.

Broă 5:20

“Lòt tĕ, mơ ntào tòm hìu duh khoai nàng bơto yal làng bol in jơh ală jơnau bơta kis do dê.”

Broă 1:8

Mơya tòm tŭ Yàng Hwềng Goh mù hơđang bol mê, gen bol mê rơp dòp geh gơnap gơnoar, mơ rơp lơh gơs cau lơh cơng bơh Añ tòm ƀòn dờng Jerusalem, jơh lơgar Jude, lơgar Samari, jơl tus làm plai ù.”

Luka 16:28

bơh añ gam gơs pram nă oh mi; nàng Lasarơ lơh cơng bol khai in, rngòt bol khai kung gơdùh tòm tiah pơnjê pơngkồr do mòn.’

Luka 22:22

Kòn Mơnus rơp chơt be Yàng Tom Trồ neh lơh nền, mơya bòl glar cau do in la cau pơrlơ̆ dră di Kơnràñ.”

Broă 24:25

Mơya tòm tŭ Pol bơto bơyai bơh bơta song ring, bơta git kơrhia mơ bơta cahrña rài tơnơ̆, gen Phelik rơm să rngòt, mơ đơs lah: “Tŭ do mê lòi ing, gơn tŭ lơi añ ru gen añ rơp hòi wơl mê.”

Rôma 2:16

Behơ̆ jat be jơnau niam añ bơto yal; tòm ngai hơ̆, Yàng Tom Trồ kơnòm di Yàng Jesu Krist rơp cahrña ală bơta kơlôi sơnơng ndơp ndơr kòn mơnus dê.