Apdia 1:18 - Sră Goh 2018

¹⁸ Hìu Jakôp rơp la ồs, mơ hìu Jôsep rơp la lơmpiat ồs; hìu Esau rơp la rhe, mơ bol khai rơp chu pơrguc gơ. Rơp ò gam cau lơi kis tòm hìu Esau dê.” Yàng Jehôwa neh đơs behơ̆.

Apdia 1:18 Referans Kwoze

Sacari 12:6

Tòm ngai hơ̆, Añ rơp lơh ală cau kwang at bồ Juda in gơlik gơs kung be dô nơm bơnhă ồs ơm digùl dô gơnru lòng, kung be dô nơm sơmpòl ồs ơm digùl ală cap kòi. Bol khai rơp chu pơrguc đah ma mơ đah kiau, jơh ală làng bol ơm gùt dar; mơ tŭ hơ̆ Jerusalem rơp geh cau ơm tai tòm tiah gơ dê, tòm Jerusalem.”

Esai 10:17

Bơta àng Israel dê rơp gơlik gơs dô nơm ồs, mơ Bơtau Sàng Goh khai dê be lơmpiat ồs, tòm dô ngai gơ rơp chu pơrguc ală tòm lò mơ lò mrơt khai dê.

Mice 5:8

Pơnah gam wơl Jakôp dê rơp ơm digùl oă lơgar, mơ ơm digùl oă làng bol kung be dô nơm klìu triă ơm digùl ală phan poan jơng tòm brê, mơ kung be dô nơm klìu triă brồ dam ơm digùl ală mpồl belàt, tòm tŭ gơ lòt gan gơ jă trơm mơ kap crè rpot rpet, ò gơs cau lơi rgơi dong klàs.

Ejekiel 37:19

Đơs tĕ mơ bol khai lah: Jehôwa Yàng Tom Trồ đơs be do: ‘Añ rơp tă gai Jôsep dê bơh di tê Epraim mơ bơh di ală jơi bơtiàn Israel gơs dô bă bal mơ gơ, mơ Añ rơp ơn gai Juda hơđang gơ, mơ lơh gơlik gơs mìng dô nơm gai lơm, nàng bol khai rơp gơlik gơs dô nơm gai tòm tê Añ.’

Esai 5:24

Gen tàng, kung be lơmpiat ồs sa loan rhe, mơ kung be ñhơt ro kòl pơrguc tòm lơmpiat ồs, gen kung behơ̆ sơl, tòm ryas bol khai dê rơp ồm lề, mơ bơkào bol khai gơ par roh thit kung be thul; tài bơh bol khai neh sang lòi bơta boh lam Yàng Jehôwa Gơnap Gơnoar Dờng dê mơ sền òsơp jơnau đơs Bơtau Sàng Goh Israel dê.

I Kôrintô 3:12

Mơya dilah cau lơi ai màh, priă, lŭ màng, chi, ñhơt ro, rhe nàng bơt hơđang mơnàng hơ̆,

Nahum 1:10

Bol khai be cau gơkòl digùl lò mơ be cau bơñul ñô tơrnòm; bol khai kong chu pơrguc kung be rhe ro.

Apdia 1:16

Bơh bol mê neh ñô mơngàn bơta lơh glài hơđang mơnơm sàng goh Añ jê. Mơ jơh ală làng bol gùt dar bol mê kung rơp ñô ò dơh; bol khai rơp ñô mơ loan rau, gen bol khai rơp kong tơnroh be òhềt gơs bol khai.

Amôs 6:6

Bol mê la ală cau ñô tơrnòm tòm ală jơrlŭ mơ bong ală mơñà niam rlau jơh, mơya bol mê ò kơlôi moat jrùng bơh bơta tơnroh Jôsep dê!

Amôs 5:15

Gơjrañ kơuềng tĕ di bơta iơh mơ kòñ gơboh tĕ di bơta niam; mơ bơt bơtào tĕ bơta song ring di mpồng ƀòn dờng. Digơlan Jehôwa Yàng Tom Trồ Gơnap Gơnoar Dờng Làm Jơh rơp ai bơta nđàc gơwèt hơ ală cau gam wơl Jôsep dê.

Jôel 2:5

Bol gơ ntoat be rơndeh ơseh sơnđoh hơđang ală bồ mơnơm, gơs sap be ntas ồs sa rhe, kung be mpồl ling pràn kơldang brồ tus tòm tiah tòmlơh.

Ejekiel 37:16

“Ơ kòn mơnus, ai tĕ dô nơm gai mơ cih hơđang gơ lah: ‘Bơh Juda mơ Israel gơtòmklac mơ gơ.’ Gen ai tĕ dô nơm gai ndai mơ cih hơđang gơ lah: ‘Bơh Jôsep, gai Epraim mơ jơh hìu Israel ring lơngai mơ gơ.’

Esai 47:14

Sền ne, bol khai kung be rhe, ồs rơp sa pơrguc bol khai; bol khai ò rgơi dong tă să tòm bol khai dê klàs bơh gơnoar lơmpiat ồs. Hơ̆ ò di la ồs rnga tơnram cau lơi, hơ̆ ò di la ồs nàng nggui rềp.

Esai 31:9

Pơnai lŭ bol khai dê rơp lòt rlau tòm bơta rngòt rngơt; ală cau kwang at bồ ling bol khai dê rơp rơm să rngòt tòm tŭ gŏ bồng bi.” Yàng Jehôwa la Bơtau gơs ồs tòm Siôn mơ gơs bơnhă ồs tòm Jerusalem đơs behơ̆.

II Samuel 19:20

Bơh cau duh broă bơtau dê đal git lah añ neh tìs glài, gen tàng ngai do añ neh lòt tus tềng do lài mơ jơh ală cau tòm hìu nhă Jôsep dê nàng tòm mat mơ bơtau la cau tòm añ jê.”

Esai 9:18

Ngan, bơta iơh bơsak sa hơng be ồs, gơ sa roh lò mrơt mơ ală lò, gơ sa pơrguc ală chi tòm brê, tian gơs ñhŭ gơguh jòng hơđang.

Esai 9:19

Ù tiah rơp kong chu pơrguc bơh bơta gơjrañ dờng Yàng Jehôwa Gơnap Gơnoar Dờng dê, làng bol gơlik gơs be phan sing ồs; ò gơs cau lơi rơp nđàc pơlai oh mi he,

Jeremi 11:23

Rơp ò gơs cau lơi gam wơl bol khai in; bơh tus di sơnam lơh glài, Añ rơp dùh bơta rung rài hơđang cau klau Anatôt.”

Amôs 1:8

Añ rơp tơnroh ală cau ơm tòm Asdot mơ cau at gai gơnoar at bồ tòm Askalôn. Añ rơp tơrwơl tê tòmdră mơ Ekrôn, jơl tus di tŭ cau Philistin gam tơngkah wơl rơp gơkòl roh rui,” Yàng Jehôwa đơs behơ̆.

Malaci 4:1

“Sền tĕ, ngai hơ̆ rơp tus, gơ sa hơng kung be bơnhă ồs. Jơh ală cau pơnhừ să bal mơ cau lơh bơta iơh bơsak rơp kung be rhe, mơ ngai hơ̆ rơp tus be ồs sa pơrguc bol khai,” Yàng Jehôwa Gơnap Gơnoar Dờng Làm Jơh đơs behơ̆. “Gen tàng rơp ò gam dô nơm ryas hala dô nơm ntê lơi lòi wơl bol khai in.

Lik Ejiptơ 5:12

Behơ̆ làng bol lòt làm jơh tòm lơgar Ejiptơ nàng jòi tòm rhe ala rhe.