Amôs 9:5 - Sră Goh 2018

⁵ Bơh Jehôwa Yàng Tom Trồ Gơnap Gơnoar Dờng Làm Jơh, la Bơtau ƀư di plai ù gen gơlề lac, mơ jơh ală làng bol kis hơđang hơ̆ ñìm rac; jơh plai ù gơguh kung be hiòng Nil, mơ gơkram wơl kung be hiòng Ejiptơ dê.

Amôs 9:5 Referans Kwoze

Amôs 8:8

Lơgar rơp ò rơm să bơh bơta hơ̆ ơ? Mơ jơh ală làng bol ơm tòm hơ̆ rơp ò ñìm rac ơ? Jơh lơgar rơp guh kung be hiòng Nil; mơ rơp yò tơngguh gen gơkram wơl kung be hiòng Nil tòm Ejiptơ dê ơ?”

Đơs Crih 46:6

Ală làng bol lơh nggồr nggàc, ală lơgar tơrluh tơrlơm; Yàng tơlik jơnau ntas, gen ù lề jơh.

Yal Tơlik 20:11

Chòp añ gŏ dô nơm sơbàn dờng mơ bò bal mơ Bơtau nggui hơđang sơbàn; trồ tiah dô jơh bơh di đap Kơnràñ, ò gơs tiah lơi bol gơ in tai.

Esai 64:1

Ơ hơh! Kơp kòñ Kơnràñ crè ală tap trồ mơ mù, bơh hơ̆ ală mơnơm gơlơnggơr di đap Kơnràñ!

Mathiơ 7:27

Dùh mìu, dà tih, càl khồm druh di hìu hơ̆, gen hìu tơrlah, tơrlơm lề oă ngan.”

Habakuk 3:10

Ală mơnơm gŏ Kơnràñ gen gơrơm rngòt. Ală gùng dà hòr pràn; brong jrô nggồr sap dờng mơ tơngguh jơnhoa tê gơ hơđang.

Nahum 1:6

Ñcau rgơi ntào jai di đap bơta gơhào gơjrañ Kơnràñ dê taih? Ñcau rgơi kong jai bơta gơhào khuh gơjrañ Kơnràñ dê taih? Bơta gơjrañ dờng Kơnràñ dê gơhòr lik be ồs; ală pơnai lŭ bơcah lề di đap Kơnràñ.

Sră Ôse 4:3

Behơ̆ tàng, lơgar rac ròc, làng bol chơt roh, ală phan poan jơng tòm brê mơ ală sềm hơđang trồ, bal mơ ală ka tòm dàlềng kung roh rui sơl.

Jeremi 12:4

Nđò jŏ tòm lơgar kong moat jrùng, mơ ñhơt tòm ƀlàng sre ro jrùh taih? Tài bơh làng bol iơh bơsak ơm tềng hơ̆, Gen tàng ală jơi phan poan jơng mơ jơi sềm kòl pơs jơh. Bơh bol khai đơs lah: “Yàng Tom Trồ rơp ò gŏ gùng dà bol he lơh.”

Đơs Crih 144:5

Ơ Yàng Jehôwa, dan tơnliah ală tap trồ mơ mù, Tup di ală mơnơm, gen gơ rơp gơlik ñhŭ.

Đơs Crih 32:6

Bơh bơta hơ̆ lòi ală cau lơi dòn song ơn bơta hòi dan mơ Yàng tòm tŭ gơlòng bol glar, Tòm tŭ gơs dà kŏ gen gơ rơp ò tus di bol khai.

Đơs Crih 97:5

Ală mơnơm gơhòr lề be jrềng di đap Yàng Jehôwa, Di đap Yàng jơh plai ù dê.

Đơs Crih 104:32

Kơnràñ sền di ù tiah gen gơlơnggơr, Kơnràñ ƀư di ală mơnơm gen ñhŭ gơguh.

Nahum 1:5

Ală mơnơm gơlơnggơr di đap Kơnràñ mơ ală dòr lề lac. Plai ù gơlơnggơr di đap mat Kơnràñ, lơgar dunnia bal mơ jơh ală làng bol ơm tòm hơ̆.