Amôs 4:6 - Sră Goh 2018

⁶ “Añ ai bol mê in sề goh ngan tòm ală ƀòn dờng bol mê dê, mơ lơh siơ̆u piang lă tòm jơh ală tiah bol mê dê, mơya bol mê kung ò rê wơl hơ Añ,” Yàng Jehôwa đơs behơ̆.

Amôs 4:6 Referans Kwoze

Sră Age 2:17

‘Añ neh ngui bơta ro rañ, but bơsềt, mơ mìu piar nàng lơh glài jơh ală broă tê bol mê lơh, bulah behơ̆ bol mê ò rê wơl mơ Añ, Yàng Jehôwa đơs behơ̆.

Jeremi 5:3

Ơ Yàng Jehôwa, mat Kơnràñ ò di wèt sền bơta song ngan ơ? Kơnràñ neh pù lơh bol khai, Mơya bol khai ò gŏ jê sồt, Kơnràñ lơh tơnroh bol khai, Mơya bol khai kung ò bài dòp bơta bơto sồr. Bol khai lơh muh mat bol khai kră rlau mơ lŭ, bol khai ò bài rê wơl.

Esai 9:13

Mơya làng bol ò rê wơl hơ Bơtau neh lơh glài bol khai, bol khai kung ò jòi Yàng Jehôwa Gơnap Gơnoar Dờng.

Yal Tơlik 2:21

Añ neh ai khai in tŭ nàng gơjrañ sang glài, mơya khai ò bài gơjrañ sang glài rềs àr bơrnàn khai dê.

Sră Ôse 5:15

Gen Añ rơp rê wơl hơ tiah ơm Añ jê, jơl tus di tŭ bol khai đal git tồi glài bol khai dê, mơ jòi jat muh mat Añ; Tòm bơta bòl glar, bol khai rơp jơh nùs rac dan bơta niam nùs Añ jê.

Lebi 26:26

Tòm tŭ Añ ò tai rcang ai phan sa bol mê in, jơt nă cau ùr rơp rgơi gơm piang bal mìng hơđang dô nơm bơnhă ồs lơm, bol khai rơp kơr phan sa ai bol mê in; bol mê rơp sa mơya ò hòm.

Ejekiel 16:27

Behơ̆, Añ neh pò tê tòmdră mơ ai mơ pơndêt lơgar ai dê; Añ jào phi ai tòm bơta hàm hà cau sò tơm ai dê, hơ̆ la ală kòn ùr Philistin; bol khai neh ai lơh krơi bơh bơta lơh lòt gơlềng gơlàng ai dê.

Esai 26:11

Ơ Yàng Jehôwa, tê Kơnràñ neh pò hơđang, mơ bol khai ò sền gŏ gơ. Lòi bol khai in gŏ nùs ngac ngar Kơnràñ dê bơh làng bol Kơnràñ dê mơ rơp ƀàssìl; Lòi ồs chu pơrguc cau sò tơm bol khai.

Esai 3:1

Do, Yàng la Yàng Jehôwa Gơnap Gơnoar Dờng, Bơtau at bồ hơđang rlau jơh rơp tă tơlik bơh di Jerusalem mơ Juda bơta dong kòl mơ ală bơta dòn kơnòm: Kơnràñ rơp tă jơh ală phan sa mơ dà hùc bol khai dê.

II Yal Yau 28:22

Tòm tŭ tìp bơta bòl glar jê sồt, bơtau Aca neh gơlik ò dòn song rlau tai mơ Yàng Jehôwa.

II Ală Bơtau 8:1

Tŭ hơ̆ Elise đơs mơ cau ùr, la mè kòn klau mơ khai neh hòi kis wơl lah: “Ñă tĕ, lòt bal mơ hìu nhă ai, ơm tiah lơi ai rgơi ơm, bơh Yàng Jehôwa neh hòi bơta jơgloh rung tus tòm lơgar tòm poh nam.”

II Ală Bơtau 4:38

Tòm tŭ Elise rê wơl hơ Gilgal, gơs bơta jơgloh rung tòm lơgar. Ală cau bơtê ală cau gơnoar hwơr dê nggui di đap khai. Elise đơs mơ cau dong broă lah: “Ơn tĕ glah dờng hơđang bơnhă, gơm biap ală cau bơtê ală cau gơnoar hwơr in sa.”

I Ală Bơtau 18:2

Behơ̆, Eli lòt tơlik mat mơ Ahap. Gơs bơta jơgloh rung dờng ngan tòm Samari.

I Ală Bơtau 17:1

Tŭ hơ̆, Eli cau Thisebe, tòm Galaat, đơs mơ Ahap lah: “Añ ntào di đap Jehôwa Yàng Tom Trồ Israel kis sùm mơ srat să lah: Rơp ò gơs dà tŭ hala mìu tòm ală nam tơnơ̆ do, dilah ò gơs jơnau đơs añ jê.”

Yal Wơl 28:38

Bol mê rơp sih oă gar kòi tòm ƀlàng sre mơya bol mê rơp toès mìng dô êt lơm tài bơh ală srah nting rơp sa loan gơ.

Jeremi 14:18

Dilah añ lik lòt tòm ƀlàng sre, Gen gŏ ală cau kong tơnchơt bơh đào; Dilah añ mut tòm ƀòn dờng, Gen gŏ ală cau kòp jê bơh jơgloh rung. Ală cau gơnoar hwơr mơ ală cau ơn phan duh khoai kư̆ lơh broă kă bro làm lơgar mơ ò gơs bơta git wă.”

Ejekiel 14:21

Bơh Jehôwa Yàng Tom Trồ đơs lah: ‘Tơ ài lah Añ rơp ngui poan bơta cahrña lơh glài kơnjơ̆ hơđang Jerusalem, hơ̆ la đào, jơgloh rung, phan poan jơng tòm brê, mơ pluh plàng nàng tơnchơt jơh kòn mơnus bal mơ phan poan jơng gơ dê.

Jôel 1:16

Phan sa ò di neh tă jơh di đap mat bol he, bơta hòn chò hừh hơh ò di neh ò gam tai tòm hìu Yàng Tom Trồ bol he dê ơ?

Lebi 26:23

Dilah bulah neh gơlik gơs ală bơta hơ̆ mơ bol mê ò bài dòp rò bơta lơh glài tơmàl di bol mê, mơya kư̆ gam tòmdră mơ Añ,

Rutơ 1:1

Tòm pah rài ală kwang cahrña at bồ, gơs dô bơta jơgloh rung tòm lơgar. Gơs dô nă cau klau bơh Betlehem tòm Juda, lam bau ùr mơ bàr nă kòn klau khai dê lòt tus ơm tòm lơgar Môap.

Esai 9:12

Cau Siri đah mattơngai lik mơ cau Philistin đah mattơngai mut neh ha bơr sa loan Israel. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài; tê Kơnràñ gam pò tơlik.

Sră Ôse 11:5

Ngan! Bol khai rơp rê wơl hơ lơgar Ejiptơ, mơ cau Asiri rơp lơh gơs bơtau bol khai dê, tài bơh bol khai neh sang lòi ò bài rê wơl hơ Añ.