Amôs 3:15 - Sră Goh 2018

¹⁵ Añ rơp lơh tơrlah hìu kơnhai noat bal mơ hìu kơnhai prang; ală hìu bơka mơ bla rwas rơp roh rui, mơ ală hìu dờng rơp kong tơnroh tơnlồi.” Yàng Jehôwa đơs behơ̆.

Amôs 3:15 Referans Kwoze

Jeremi 36:22

Tŭ hơ̆ la kơnhai sin; bơtau ơm nggui tòm gơlang kơnhai noat mrềt, gơs bơnhă ồs rnga di đap bơtau.

I Ală Bơtau 22:39

Ală bơta ndai Ahap dê, ală broă khai lơh, gơlang mơ bla khai bơt, mơ ală ƀòn khai bơt bơtào, gen neh cih tòm sră yal broă kòp nam ală cau bơtau Israel dê.

Ală Kwang Cahrña 3:20

Ehut tus hơ bơtau, tŭ hơ̆ khai ơm nggui is tòm ơdŭ mrềt hơđang rkàng hìu ơm rlô khai dê. Ehut đơs lah: “Añ gơs dô jơnau bơh Yàng Tom Trồ nàng yal bơtau in.” Eglôn ntào bơh di tiah nggui khai dê.

Amôs 6:11

Bơh Yàng Jehôwa neh ai jơnau sồr, mơ hìu dờng rơp kòl pòng tơrlah tơrlơm, mơ hìu dềt lề rpot rpet.

Esai 5:9

Yàng Jehôwa Gơnap Gơnoar Dờng neh srat să di tồr añ lah: “Ngan gơs oă hìu rơp lòi srau gòi, ală hìu dờng hàng mơnĕ rơp ò gơs cau ơm.

Amôs 3:11

Gen tàng Jehôwa Yàng Tom Trồ đơs be do: “Dô nă cau sò tơm rơp gơrwàng gùt dar lơgar do; khai rơp tơnroh bơta cang kìng bol mê dê mơ tòmpìt kơñau ală theng kơ̆ cê bol mê dê.”

Đơs Crih 45:8

Ală ào bơtau dê gơs ƀô bơlhu cài trŭ, kơlhô, kơmhò kwê̆; Tòm ală gơlang mơ bla gơs jơnau ntas pĕ kơñi lơh bơtau in chò hòp.

Amôs 2:5

Añ rơp sồr ồs tus hơđang Juda, gơ rơp chu pơrguc ală hìu gơlang kơ̆ cê Jerusalem dê.”

Amôs 5:11

Tài bơh bol mê jă trơm hơđang cau rƀah lơòi mơ bơklơn bol khai dap dia kòi mi. Bol mê neh bơt ală hìu mơ lŭ neh koh, bol mê rơp ò ơm tòm ală hìu hơ̆; bulah bol mê neh tam ală suơn ño gơs oă plai, bol mê rơp ò geh ñô tơrnòm gơ dê.

Malaci 1:4

Dilah Edôm đơs lah: “Bulah bol hi neh kong bơcah lề, bol hi rơp bơt bơtào wơl ală tiah tơrlah tơrlơm.” Mơya Yàng Jehôwa Gơnap Gơnoar Dờng Làm Jơh đơs lah: “Bol khai rgơi bơt bơtào wơl, mơya Añ rơp sòr tơrlơm, jơl tus di tŭ bol khai geh sơnđan la lơgar iơh bơsak, la dô nơm làng bol mơ Yàng Jehôwa gơjrañ sùm sùm.”