Amôs 3:13 - Sră Goh 2018

¹³ Yàng Jehôwa, la Yàng Tom Trồ Gơnap Gơnoar Dờng Làm Jơh đơs lah: Iat tĕ ală jơnau do mơ lơh cơng tòmdră mơ hìu Jakôp.

Amôs 3:13 Referans Kwoze

I Tesalônika 4:6

bañ gơs cau lơi lơh tìs mơ lơh iơh mơ oh mi he tòm broă hơ̆, tài bơh Yàng la Bơtau sal wơl jơh ală bơta hơ̆, kung be bol hi neh đơs lài mơ neh lơh cơng oh mi in rau.

Ephesô 4:17

Behơ̆, do la bơta añ đơs mơ lơh cơng tòm Yàng lah oh mi bañ lơh lòt be làng bol bơdìh tai, jat bơta roh lơm nùs kơlôi bol khai dê;

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

Broă 2:40

Pier ai tai oă jơnau ndai nàng lơh cơng mơ bơto pơndòm bol khai lah: “Ală oh mi dong tĕ să he klàs bơh jơi bơtiàn iơh bơsak do!”

Amôs 5:27

Gen tàng Añ rơp tă bol mê kòl kup cèng pơrdô hơ đah ne Damas.” Yàng Jehôwa đơs behơ̆, sơnđan Kơnràñ la Yàng Tom Trồ Gơnap Gơnoar Dờng Làm Jơh.

Ejekiel 2:7

Mê pal yal bol khai in ală jơnau Añ đơs, bulah bol khai iat hala ò iat, bơh bol khai la làng bol jak tòmdră ngan.

Esai 1:24

Behơ̆ tàng Yàng Jehôwa la Yàng Jehôwa Gơnap Gơnoar Dờng Làm Jơh, la Bơtau Gơnap Gơnoar Dờng Làm Jơh Israel dê, đơs be do: “Ngan Añ rơp tuh bơta gơjrañ dờng Añ jê hơđang ală cau sò tơm Añ jê, mơ sal tê di ală cau sò tơm di Añ!

II Yal Yau 24:19

Bulah Yàng Jehôwa sồr ală cau gơnoar hwơr lòt tus hơ làng bol nàng cèng bol khai rê wơl hơ Kơnràñ, mơ bulah bol khai lơh cơng tòmdră mơ làng bol, mơya làng bol ò bài iat.

II Ală Bơtau 17:15

Bol khai sền òsơp ală bơta boh lam mơ bơta ho bal Kơnràñ neh bơtào mơ ồng pàng bol khai dê, mơ ală jơnau yal tơnggit mơ Kơnràñ neh ai bol khai in. Bol khai lòt jat ală rùp ràk ma blac, mơ bol khai gơlik gơs ma blac, bol khai đòm krơh ală làng bol ơm gùt dar, bơh ală làng bol hơ̆ mơ Yàng Jehôwa neh ai gơnoar sồr bol khai lah bañ đòm jat krơh bol khai dê.

II Ală Bơtau 17:13

Bulah Yàng Jehôwa yal tơnggit Israel mơ Juda in, bơh di ală cau gơnoar hwơr mơ ală cau git lài, lah: “Pơrlac tĕ bơh di ală gùng iơh bơsak bol mê dê, kơrmap gàr tĕ bơta sồr lam mơ bơta boh lam Añ jê, jat be jơh ală bơta boh lam Añ neh nting sồr ală ồng pàng bol mê dê, mơ Añ neh sồr bol mê bơh ală dĭ gơna Añ jê la ală cau gơnoar hwơr.”

Jôsue 22:22

“Jehôwa la Yàng Tom Trồ ală yàng dê! Jehôwa la Yàng Tom Trồ ală yàng dê! Kơnràñ git; mơ lòi tĕ Israel in git! Dilah gơs bơta tòmdră hala bơta ò dòn bơr Yàng Jehôwa gen bañ lòi bol hi in kis tòm ngai do.

Yal Wơl 8:19

Dilah tŭ lơi bol mê lòi hŭi Jehôwa Yàng Tom Trồ bol mê dê mơ lòt jat ală yàng ndai, duh khoai mơ tơmbic să di đap bol gơ, añ yal tơnggit kràñ cê mơ bol mê tòm ngai do lah bol mê ngan rơp kong tơnroh.

Amôs 3:14

Tòm ngai Añ lơh glài Israel bơh ală tồi glài khai dê, Añ rơp lơh glài ală cơnòng duh khoai Betel dê; ală ngke cơnòng duh khoai dê rơp gơkòl koh mơ tơndùh tòm ù.