Amôs 1:11 - Sră Goh 2018

¹¹ Yàng Jehôwa đơs be do: “Bơh tồi glài Edôm dê, oă rlau mơ pe, poan dơ̆, Añ rơp ò jùt sang bơta lơh glài Añ jê, tài bơh khai neh ting jat oh mi he mơ đào, sang lòi jơh ală bơta kòñ nđàc, khai prap lòi bơta gơjrañ sùm sùm, mơ prap gàr bơta gơjrañ kơuềng khai dê ò jơh.

Amôs 1:11 Referans Kwoze

II Yal Yau 28:17

Bơh cau Edôm neh brồ lơh Juda tai mơ kup cèng oă cau.

Malaci 1:4

Dilah Edôm đơs lah: “Bulah bol hi neh kong bơcah lề, bol hi rơp bơt bơtào wơl ală tiah tơrlah tơrlơm.” Mơya Yàng Jehôwa Gơnap Gơnoar Dờng Làm Jơh đơs lah: “Bol khai rgơi bơt bơtào wơl, mơya Añ rơp sòr tơrlơm, jơl tus di tŭ bol khai geh sơnđan la lơgar iơh bơsak, la dô nơm làng bol mơ Yàng Jehôwa gơjrañ sùm sùm.”

Jôel 3:19

Mơya Ejiptơ rơp gơlik gơs tiah sang lòi ngềt ngơt, Edôm rơp gơlik gơs ƀlàng ngềt ngơt srau gòi, tài bơh bol khai lơh bơta iơh bơsak gơwèt hơ làng bol Juda mơ lơh gơtuh mhàm ò gơs glài tòm ù tiah hơ̆.

Đơs Crih 137:7

Ơ Yàng Jehôwa, dan kah tòmdră mơ ală cau Edôm, tòm ngai Jerusalem kòl tơrlơm, Bol khai đơs lah: “Phà tơrlah tĕ, phà tơrlah tĕ! Tơmù tus di ală mơnàng gơ dê!”

Mice 7:18

Ñcau la Yàng Tom Trồ tòm toh be Kơnràñ, ò kòp tồi glài mơ toh bơta tìs nrah làng bol gam wơl la sre brê Kơnràñ. Kơnràñ ò prap bơta gơjrañ sùm sùm, tài bơh Kơnràñ niam nùs yal tơlik bơta kòñ nđàc.

Cau Bơto 7:9

Bañ mhar gơjrañ, bơh bơta gơjrañ ơm tòm nùs cau tùl gơla.

Yal Wơl 23:7

Bañ cù kìr di dô nă cau Edôm tài bơh khai la oh mi bol mê dê. Bañ cù kìr di dô nă cau Ejiptơ, tài bơh bol mê neh ơm ing tòm lơgar khai dê.

Ephesô 5:1

Behơ̆, bơh oh mi la kòn sau kòñ gơboh Yàng Tom Trồ dê, gen đòm jat tĕ Kơnràñ.

Malaci 1:2

Yàng Jehôwa neh đơs lah: “Añ neh kòñ gơboh di bol mê.” Mơya bol mê lùp lah: “Mbe Kơnràñ neh kòñ gơboh di bol hi taih?” Yàng Jehôwa đơs lah: “Esau ò di la bi Jakôp ơ?

Esai 57:16

Añ rơp ò kơt glài sùm sùm, kung ò gơhào gơjrañ sùm sùm; bơh ală hwềng soàn rơp bòl glar di đap Añ, bulah hwềng kis mơ Añ neh crơng gơs.

Đơs Crih 85:5

Yàng rơp gơjrañ di bol hi sùm sùm sơl ơ? Bơta gơjrañ dờng Yàng dê rơp gam jŏ jòng tòm jơh ală rài sơl ơ?

Sacari 1:15

Mơ Añ gơjrañ ngan gơwèt mơ ală làng bol kơlôi lah bol khai ơm ring lơngai mơ khat gơboh. Añ neh gơjrañ dô êt, mơya bol khai neh gơbơtơl bơta rung rài iơh rlau jơh.’

II Yal Yau 20:10

Sền tĕ tŭ do gơs ală cau bơh di Ammôn, Môap mơ mơnơm Seir, la làng bol mơ Kơnràñ ò ai cau Israel in phà tơnroh tòm tŭ bol khai lik bơh lơgar Ejiptơ, mơ cau Israel neh pleh ò tơnroh bol khai,

II Yal Yau 20:11

mơya bol khai neh tơm wơl bol hi in la tus bơtrơh tơlik bol hi bơh di ù tiah mơ Kơnràñ neh ai bol hi in lơh gơs sre brê.

Sră Ôse 8:3

Mơya Israel neh sang tơlik bơta niam, cau sò tơm rơp ting jat bol khai.