Òlòsò 3:1 - Karajá Novo Testamento

¹ Kaiboho Kristu‑wana texixatenyteri wana, biu ludu aõmydỹỹnana‑di mohõtinybenyke, tai Kristu Deuxu ruruna weribi rasỹnymy ronymyhỹreki.

Òlòsò 3:1 Referans Kwoze

Roma‑ò 8:6

Deuxu Tyytybytyhy rybe‑ò ijohona heka iny umytỹmyra‑ò ridymyhỹre, umytuedeõna‑ò, ywina‑ò. Umy ehetxina rybe‑ò iny rohola wana, tahe rubu‑ò iny ridymyhỹre.

Mateu 6:33

Tii Deuxu aõma dỹỹnana sohojidile. Manaykynykeki heka tii ibutumy adee riwahinykre.

2 Oritxi-ò 4:18

Aõbo iny tuu robimyhỹre bede bedemy tuu iny robimyhỹre ibutumy idi reamy. Aõbo iny tuu robiõmyhỹre heka tiu itueõtyhy. Kia‑di tahe inyboho rõhõtinymyhỹre.

Òlòsò 3:2

Biu ludu aõmydỹỹnana‑di mohõtinybenyke, kabede ludu aõmydỹỹnana‑di aõkõ.

Mateu 6:20

Kaki ibutudỹỹlemy heka biu‑ò bibutunyke. Tai heka txudòera aõ riròõtyhy tule rararyõtyhy. Tule wasidu aõkõ rare.

Hebreu‑ò 12:2

Jesuisi‑ò sohojile reketehemynyke. Tii dori inatyhydỹỹna deledỹỹdu rare tule inatyhydỹỹna konanadỹỹdu rare. Jesuisi deysana kanakredile rõhõtinymyhỹrenyre. Tai tahe rahõtinymyhỹre. Tai tahe aõhõkỹmy rotỹỹnyre, itxeò nihikỹ‑ki rurure. Tai tahe ixỹru tamy reaõhyy rurureu. Wiji tii ronymyhỹre Deuxu ryna ruruweribi‑ki.

Luka 12:33

Aaõna aõna‑di bohonybenyke. Iòwy tahe iaõkõdu mahãdu‑ò biwahinyke. Anieruhyna wiwihikỹdile boibeke. Kaki ibutudỹỹlemy heka biu‑ò bibutunyke. Tai heka judòera aõ riròõtyhy tule rararyõtyhy. Tule tai wasidu ralòõtyhy.

Hebreu‑ò 1:3

Tii Deuxu loosòna tỹnydỹỹdumy ratxireri. Deuxu wesehyymy ihỹmyhỹre. Iriòre, taryberuru‑di, ibutumy aõna aõna rimymy roimyhỹre. Iny òrarunareny riixãwididỹỹnymy rahudi, biu‑ki Iòlò Deuxu ruruna weribi ronyre.

Luka 22:69

Kaiboho bierybenykre Deuxu Riòre heka jiarỹ rare. Idi Waha rurunaweribi‑ò aronykremy.

Òlòsò 2:20

Kai Kristu‑wana taruta‑wana bede aõmydỹỹnana‑ribi, aõherekibo wiji bede aõmydỹỹnana‑wana arumy ahãte. Aõherekibo bede ywina witxira witxira tetyhynymy ahãte: imyny wedeydỹỹòmy. Tamy ade rexiõmy, roxina urihixiõmy. Kia wese hãbu bede ywina tetyhynymahãtenyte. Kia aõmydỹỹdỹỹkeki, rexihuke.

Hebreu‑ò 8:1

Kiamy heka jiarỹ rarybere. Kia awese iny xiwena wedu ijõdire. Iòlò tarynana‑ki ronymyhỹre. Jesuisi tahe Deuxu ruruna‑ribi ronyre. Iheto‑di itxeredu tahe Jesuisi rare. Deuxusỹle iyrubudỹỹdu rare. Kia hãbu aõkõ riwinyre Deuxule riwinyre.

Roma‑ò 8:34

Inyõ heka inymyreny rarybeõtyhy rukururenykremy. Jesuisi Kristu dori inydeereny rurure, iny òrarureny‑ki. Tii ixityre rubu‑ribi rexixare inydeereny. Katahe ronymyhỹre Jesuisi heka rexitòenymy ronymyhỹre inykireny. Deuxu‑ò heka iny riixitòedỹỹnyremy inydireny ronymyhỹre.

Hebreu‑ò 10:12

Jesuisi tahe sohojihyylemy òraru xiwena riwinyre. Iny òrarunareny riixãwidinymy rahudi Deuxu rurunawe‑ribi ronyre, riwowydynymyhỹreki.

Mateu 26:64

Jesuisi dirawyònyde tamy: —Kaile kia tarybete. Ibutumy iny‑ò ararybekre: —Kaiboho ibutumy bobibenykre Deuxu Riòre Hãbutyhyhykỹmy, jiarỹle wahe. Tii heka Deuxu rurunawe‑ribi heka ronykre. Iribi tahe kanakre biuwetyky‑ki. Jiarỹle wahe tiire.

Efesu-ò 4:10

Kia robeherele taheka raòwònyre biuratyremy ibutu aõna aõna‑di rexilỹxinykemy.

Marku 14:62

Jesuisi rarybera: —Jiarỹ heka. Kaiboho betehebenykre Deuxu Riòre Hãbutyhyhykỹ Deuxu rurunaweribi‑ò ronyreri. Kaiboho tii betehebenykre Deuxu Riòre Hãbutyhyhykỹ biuwetyky‑ribi naderi.

Hebreu‑ò 1:13

Ỹjuõ‑ò Deuxu tiu rarybeõmyhỹre: —Bodonyke waruruna weribi. Aòludu mahãdu ako‑txi resemyhỹkemy. Eòdumy rarekemy. Kiamy tahe tariòre‑ò rarybere.

Aõhebo Rotỹỹnyre 2:34

Davi raòwònyõre biu‑ò. Tahe kiamy rarybere: Deuxu rarybere Inynyrỹ‑ò: —Bodonyke katxi warurunawe‑ribi.

Luka 20:42

Davi rarybere aõmybo Deuxu Tyytybytyhy tamy narybedemy iwiuna‑ki: —Wanyrỹ rarybere Wanyrỹ‑ò: —Bodony warurunawe‑ribi.

Marku 16:19

Idi tahe Jesuisi tarybe rahuredi, Deuxu ridyre biu‑ò. Tahe ronyre Deuxu ruruweribi‑ò.

Marku 12:36

Davi rarybere aõmybo Deuxu Tyytybytyhy tamy narybedemy: —Wanyrỹ rarybere Wanyrỹ‑ò: —Bodony warurunawe‑ribi. Txiòhe rare, aòludu awarawo‑txi aritidikre.

1 Pedro 3:22

Kristu tahe wijile biu bede ronyre Deuxu rurunawe‑ribi tii ỹjuboho, dinoduboho, rurunaduboho wedu Kristu rare.

Aõhebo Rotỹỹnyre 7:55

Estevaõ tahe Deuxu Tyytybytyhy‑di iwoki ratximyhỹre. Tahe biu‑ò retehere: Deuxu loosònamy robire. Jesuisimy robire lamamy rỹire Deuxu rurunawe‑ribi.

Mateu 22:44

Deuxu wawedu‑ò rarybere. —Bodonyke warurunawe‑ribi, jiarỹ heka aòludu mahãdu‑di arawo‑txi.

Efesu-ò 5:22

Iwese dohodỹỹna mahãdu Kristu rybe rityhynymyhỹre wese, hãwyy tahãbu rybe riywinyke, ibutu aõmydỹỹnana‑ki wahe. Hãbu dori tahãwyy dinodu wese rare.