Mateu 6:21 - Karajá Novo Testamento

²¹ Titxibo aõmydỹỹnana ratxireri iwesele taheka arayky ratximyhỹre. Biu‑ki aõbo ada bede‑ki aõbo. Aõma bede‑ki araykywydyna ratxireri wana heka kakile taraykywydynanyte. Biu‑ki araykywydyna ratxireri wana heka biu‑ki heka arayky aõmydỹỹna butuna raykywydyna ratximyhỹre.

Mateu 6:21 Referans Kwoze

2 Oritxi-ò 4:18

Aõbo iny tuu robimyhỹre bede bedemy tuu iny robimyhỹre ibutumy idi reamy. Aõbo iny tuu robiõmyhỹre heka tiu itueõtyhy. Kia‑di tahe inyboho rõhõtinymyhỹre.

Luka 12:34

Tikibo aõwireny rỹikeki, tai heka araykyreny ratximyhỹre.

Hebreu‑ò 3:12

Bexiijebenymy waseriòreboho uritere awo‑ò ròtedỹỹõmy raykyitxỹtena. Kia òraru‑ki aDeuxutyhy‑ribi irehemy bexilòhòrarienyheny aDeuxu tyhy dori irumy ratximyhỹre. Tii inatyhy rare.

Mateu 12:34

Kaiboho heka hemylala mahãdu wesemy atximyhỹtenyte. Kaiboho heka abinatyhymy ahãtenyte. Timybo heka kaiboho aõwiwihikỹmy marybebenyke. Arayky aõbina bina hakỹlemy tõhõtinyteri wana. Tai taheka ary tuu ròhònyke ary tuu rarybeke. Aõma hãbu wihikỹõ ratxiremyhỹre wana aõnana wiwihikỹle tarayky‑ki riyrubunymyhỹre. Tii heka rarybemyhỹre. Hãbu bina tahe tarayky‑ribi ibinalemy rarybemyhỹre.

Aõhebo Rotỹỹnyre 8:21

Kia heka aõmysỹdỹỹnakõre wayreny‑ki. Arayky, awo, òbitimy aõkõ ratximyhỹre Deuxu dee.

Filemo‑ò 1:3

Ruxetòena ywina‑wana Deuxu iny tyby‑ribi, Jesuisi Kristu iny iòlò ribi adeereny kanakemy watxireri.

Filemo‑ò 1:19

Kai waòraru‑ki ityhydỹỹdumy atximahãte. Kia tahe adee tuu ararybeõtyhy.

Mateu 6:22

Arue heka loosòna wesemy rare. Aumy dee itỹnykeki heka aumy ibutumy loosòna‑di tỹximy rarekre.