Joaõ 1:16 - Karajá Novo Testamento

¹⁶ Inyboho dori sõwemy ruxetòena iribi ritarenyre. Luuna sõwetyhymy tawo‑ribi Jesuisi inydeereny diwahinyde.

Joaõ 1:16 Referans Kwoze

Òlòsò 1:19

Jesuisi‑ki ibutu wiwihikỹ rarekemy. Kia tahe Deuxu dee wire.

Roma‑ò 5:2

Deuxu ruxetòenawo‑ki inyboho rotamanymyhỹrenyre. Jesuisi Kristu tyhydỹỹna òraru‑ki tamy rotamanymyhỹre. Deuxu loosòna worojuxanaõ‑di rokoirekre. Tai inyboho reysamy ihỹre.

Efesu-ò 3:19

Tai Deuxu‑di bexilỹxinykemy idi watxireri.

Efesu-ò 1:23

Dohodỹỹdu mahãdu tahe Kristumy wese rare. Kristu dori ibutu aõna aõna ritỹxinymyhỹre.

Joaõ 3:34

Deuxu deòdỹỹna heka irybelemy rarybere Deuxu dori Tatyytybytyhy ibutumy tamy diwahinyde.

1 Pedro 1:2

Kaiboho heka iitxe itxemy toite Deuxu Inytybyreny‑ò, Deuxu Tyytybytyhy araòbitinyrenyra, Jesuisi Kristu bityhynybenykemy tule tahãlubu‑di arasebenyrenykemy. Wiòhedỹỹna sõwemy ywina‑wana adeereny kanakemy watxireri.

Mateu 13:12

Hãbuõ iaõdikeki ijõ heka iratyre tamy ariwahinyke. Tai tahe sõwemy tamy rauhenyke. Tahe hãbu ihoõkeki ibutelemy ijõdikeki heka kiale iribi ibutumy aritakre.

Òlòsò 2:3

Kristuwo‑ki ibutumy bedeerydỹỹna bede erysynatyhy ityhyna wesemy riyrubunymy rỹire.

Roma‑ò 8:9

Kaiboho tahe kiawesemy aõkõ heka toite. Deuxu Tyytybytyhy heka aworeny‑ki rasỹnymyhỹre. Tai heka umytỹmyraõ heka kaiboho ijõdirenyre. Deuxu Tyytybytyhy heka kaiboho ijõdirenyke. Inyõ Deuxu Tyytybytyhy ihoõkeki, tiu tii ityhydỹỹdu aõkõ rare. Aumytyhy heka rurukre aòrarunaõ direki wahe. Atyytyby tahe iruhyymy ratxikre, Kristu dori aòraruna riixãwididỹỹnyreki wahe, Deuxu araòbitidỹỹnyre wahe.

Luka 21:15

Kiautyhyle aõmybo marybebenykremy bierykre. Kia tahe marybekre. Kai aõkõ dori marybekre, Deuxu Tyytybytyhy tahe rybedukre.

Mateu 3:14

Joaõ aõkõmy rarybere: —Jiarỹ tahe aõ aõkõ rare. Kai biwaratysebenyke.

Mateu 3:11

Jiarỹ bedi araratisebedỹỹnyra aòraruna‑ribi texirãhĩteki. Jesuisi tahe Deuxu Tyytybytyhy‑di ròratisebedỹỹkre heòty‑wana riratysebenykre. Tii waratyre awityhymy ratxireri. Jiarỹ riwaixỹrunymy watxireri iwa ariwykeki.

1 Pedro 1:11

Idi tahe dierydenyde ibededỹỹnanau kanaõkre urile ihewo‑ribi kanakremy. Katahe adeereny reare Deuxu Tyytybytyhy nade òraru‑ki. Ỹju mahãdu dori tamywimy tuu rieryrenykemy ihỹrenyre. Jesuisi Kristu aõhõkỹmy dỹỹnanamy tule toosònadỹỹnamy rarybemyhỹrenyreu, tiubedemybo kia kanakemy riijemyhỹrenyre.

Roma‑ò 5:20

Deuxu tabede ywina rybe riwahinyre. Tai tahe iny aõbina rierymyhỹre. Òraruna‑di sõwemy ihỹreki, tai Deuxu ruxetòena sõwetyhymy ihỹre.