Apocalipse 8:3 - Karajá Novo Testamento

^3-4 Tahe iwitxira ỹju nade. Tii womati tỹrỹrỹhỹkỹ atara nihikỹ. Tahe xiwenatyre orarade rỹny wihikỹ ritoonyre. Inyõ riwahinyre ỹju‑dee sõwemy. Riurinykemy Deuxu ijoi ixitòedỹỹna‑wana xiwenatyre‑ò risõkemy aderòna rỹnyrehekỹ heka womati tỹrỹrỹ xiwenatyre‑ki ritxiwire Deuxu rynanako‑txi. Ỹju iribi tahe kia ibutumy raòwònyre Deuxu‑ò.

Apocalipse 8:3 Referans Kwoze

Apocalipse 5:8

Iule ta aõni inaubiòwa, 24 matuari boho‑wana tatiowotimy rejujure budòeni riòreko‑ò. Tii sohoji sohoji wiuna‑di, womati tỹrỹrỹhỹkỹ hyna‑di ratximyhỹreny. Sohoji sohojiro‑ki tahe òwòrusõ wydysilỹnywi‑di wese rare. Kia Deuxu tyhydỹỹdu mahãdu ixitòedỹỹna violão wese tule ratximyhỹreny.

Luka 1:10

Iu ahana‑ki tahe sõwemy iny rexitòenymyhỹ.

Apocalipse 9:13

Ijõ ỹju tajuròna‑di rurònyre. Tii heka debò sohoji hewoludu rare. Raholare heka rybeõ‑ò. Womati xiwenaò‑ribi ròhònyre. Xiwena‑ò heka inaubiòwa sõwe. Kia womati tỹrỹrỹ xiwena heka Deuxu rynanako rỹire.

Hebreu‑ò 9:4

Òwòrudỹỹrawo‑ki tahe womati tỹrỹrỹỹhỹkỹ butxi riòre ibòbese‑di rỹire, iro‑ki ihina rỹire mana ta irybereny‑ki inire. Tule Araõ hoju rỹimyhỹre tai ruhunymy raremyhỹ. Tule bede ywidỹỹna riti mana tyre‑ki tai roimyhỹre.

Hebreu‑ò 7:25

Tai tahe moõ Deuxu‑ò Kristu‑di kanakeki, tii tahe Jesuisi ritalekemy ratximyhỹre. Tii dori Deuxu‑ò inydeereny rexitòenyhyymyhỹre.

Roma‑ò 8:34

Inyõ heka inymyreny rarybeõtyhy rukururenykremy. Jesuisi Kristu dori inydeereny rurure, iny òrarureny‑ki. Tii ixityre rubu‑ribi rexixare inydeereny. Katahe ronymyhỹre Jesuisi heka rexitòenymy ronymyhỹre inykireny. Deuxu‑ò heka iny riixitòedỹỹnyremy inydireny ronymyhỹre.

Apocalipse 7:2

Tule ijõmy rabire ỹjuõmy ibryra‑ribi rarerimy. Deuxu irumy nonadu hãletena nihikỹ widỹỹna heka diwymy idi nade. Iribi tahe inaubiòwa ỹju‑ò tii ryryre: —Txiokre inihe. Iwotõmodỹỹõmyke wa suu, bee, òwòru. (Kia ỹju mahãdu dori, bede, bero, wotõmodỹỹdu mahãdu ihỹre.) Biraòriòreke heka Deuxu hãletena deòdu òru‑ò aritidikre.

Apocalipse 6:9

Tahe iruyrena ratòbòna riraynyre. Tahe Xiwena wahedỹỹna rawo‑ki iny mahãdu rabire Deuxu rybe òraru‑ki, tatyhydỹỹna òraru‑ki rururenyre mahãdu wahe.

Apocalipse 10:1

Tahe iwitxira ỹjuhukỹ rabira biu‑ribi suò robehererimy. Biuwetykywesehekỹle iweroramy rỹireri. Tahe owaji wese iratikile roireri. Iòsỹny tahe txuwewehekỹle, iwaube tasỹ heòtyhykỹwesele roosòmy.

Apocalipse 8:5

Tahe heòty‑di heka ỹju atara ritỹxinyra idi heòty‑di rehure biu‑ribi bede‑ò. Tai tahe biumytxi ramytxynihikỹnyre heka suu biu tawe rihetenyre rybe wese wodỹỹ ramytatare.

Apocalipse 14:18

Kia ỹju aõma heòty kia loo‑di ratxireri tahe dyryde heka tieresynadile tamy rehemynykemy. Tieresynadile biorobeke idi atxibeke. Ibutumyhe bede bede kia biorobeke. Ceifale dori biorobeke. Rubumy dori rỹire hitxidỹỹna‑ò. Iribi tahe reare. Tiò tiò idi reamy tahyna‑ò rabutumy reare kia Deuxu ykarana‑ò.