1 Juaõ 1:8 - Karajá Novo Testamento

⁸ Inyõ rarybekeki: —Jiarỹ raòrarunyõhyywãhãre, kia rybe‑di tii ixidee riitxenanymyhỹre. Tii raruire rityhynyõre.

1 Juaõ 1:8 Referans Kwoze

Roma‑ò 3:23

Ibutumy raòrarunymyhỹre. Deuxu òbitina tamy rauhenymyhỹre.

Txiau Ryberiti 3:2

Inyboho ibutumy sõwemy òraruna‑txi aõu aõu resemyhỹrenyre. Inyõ tarybe‑ki raòrarunyõkeki, tii iny òbiti rare.

1 Juaõ 2:4

Inyõ rarybekeki: —Jiarỹ Jesuisi reeryre. Irybe bede ywina riywinyõkeki, iny ruidu rare. Inatyhyna rityhynyõre.

1 Juaõ 1:10

Inyõ òrarudikemy aõkõ raryberenykeki, inyboho Deuxu ruidumy rarybemahãreny. Kia iny Deuxu rybe rieryõhyymyhỹre.

Alatxia-ò 6:3

Inyõ ixidee aõlemy rõhõtinykeki, tahe tii aõhyy aõkõ rare, tii rexiitxenanymyhỹre.

Txiau Ryberiti 1:26

Inyõ bede ywina rybe widỹỹduõmy rõhõtinykeki, tahe tòròtò riyrubunyõhyymyhỹkeki, tabedeywidỹỹna aõ aõkõ rare. Tii tawokile rexiitxenanymyhỹre.

1 Tximòtxi‑ò 6:5

Raruimyhỹre. Kia ibutumy rotỹỹnyrerí, hãbu tõhõtina òweòwere. Inatyhyna‑ribi kia hãbu tõhõti rosare. Ityhydỹỹdureki tii ròtakemy ixidi ratximyhỹre. Kiamy heka rõhõtinymyhỹre.

1 Oritxi-ò 3:18

Ixi itxenadỹỹõmy, inyõ bedeerymy ixi‑di rõhõtinykeki, raitxỹteke tai tahe bedeery inatyhy‑ki rareke.

2 Juaõ 1:2

Inatyhyna dori inyworeny‑ki ratxireri. Ratxityhyhyymy ratxike.

1 Juaõ 1:6

Inyõ rarybekeki: —Jiarỹ Deuxu‑wana winohõtiwesele rahõtinymahãre. Kia iny bedeluru aõmydỹỹna‑di ratxireriki, kia iny raruimyhỹre.

Txiau Ryberiti 1:22

Kaiboho bede ywina widỹỹdumy, bede ywina tyhydỹỹdumy boibeke. Aõ ijohonadu mahãdulemy aõkõ boibeke. Kiawesekeki bexiitxenanyke.

2 Tximòtxi‑ò 3:13

Hãbu bina bina rabinahykymy rarekre, tule hãbu inatyhy aõkõ rabinahykymy rarekre. Inyõ tiiboho riitxenanykre, tule tiiboho inyõ kidiitxenanykre.

3 Juaõ 1:3

Inyseriòre wese aribi rehemynyrenyreu, wako relyyrenyre umy iwese kai òbitimy tate wese tule inatyhyna‑ki tateri wese. Tai wawo reysamy watximahãre.

2 Pedro 2:13

Tiiboho ixi‑di dehuna‑di ixi dee kedexiixãwinykre. Tiiboho òraru luumyhỹre txumy dori raòrarunyrenymyhỹre. Awanareny dori riroximahãre, aõbinahakỹtyhy wesemy ayreny‑ki ratximyhỹ iòrarunarenymy rybe luureki.

Joaõ 8:44

Kaiboho Diabo riòre toite tamywimy biwinykemy atxitenyteri. Tii juhuu rubudỹỹdu hyy rare. Tii heka raruireri inatyhywesehekỹle wahe. Tii ruidu rare. Ruiwedu tii rare.

Roma‑ò 3:10

Kiamy Tyyriti‑ki roire: —Tiu heka inyõ òbitiõre.

1 Juaõ 4:20

Inyõ rarybekeki: —Jiarỹ Deuxuluure. Tai tahe tii ityhydỹỹdu seriòre luuõkeki, tii ruidu rare. Inyõ taityhydỹỹduseriòre luuõkeki, timykibo Deuxu luumy rarekemy iximy rõhõtinyke Deuxu dori tiu tuu robiõhyymyhỹre, taseriòremy tahe robihyky ihỹre.