Yuda 1:11 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

¹¹ Ukĩa kumuao! Kunsooko asongile ĩnzĩla ya kĩKaini, kangĩ sika ĩgililie kutiata uulimĩĩli wa kĩBalamũ koona ĩsaĩpie, kunsooko ya mpiia ndĩo alĩ aulague muuleki wa kĩKoola.

Yuda 1:11 Referans Kwoze

2 Petelo 2:15

naalĩ amĩlekile ĩnzĩla nangolokũ, naalimĩĩla, naamĩamba ĩnzĩla ya kĩBalamũ, muana wa kĩBeoli naalĩ muloe ĩkĩpeegua kya uleki.

1 Yohana 3:12

Sika kĩna uKaini naalĩ wa kinuasio na Mubĩĩ, numuulaga umunũna waakue. Numuulaga kunsooko kĩ. Kunsooko uutendi waakue alĩ ubĩĩ, uwa munũna waakue alĩ wa kulukuuluu.

Ukũnukulua 2:14

Ĩpa ntĩĩte nkaani nkeei kumuako, kuitĩ utĩĩte kuasio antu naaambile ĩmamanio ma kĩBalamũ, uyo naalumumanilie uBalaki waĩĩke ĩkĩnkũmpa ntongela ya aana a Ĩsilaeli, ailĩe iintu naalĩ ipũnigue kuanzegamĩla, nukwigololia.

Aebulania 11:4

Kuusuĩĩlĩ uAbeli alumupũnĩĩlie uNzua ipyolia naliiza kwikĩla ĩlya kĩKaini; kunzĩla ĩĩ nukuĩlua kĩna munakulukuuluu; uNzua nuikuĩla iipeelo yaakue nukukuĩgomba ninduyo angaa wakiile noo, ĩpa kunzĩla ya uusuĩĩli waakue kilĩ witambula.

Matayo 11:21

“Ukĩa kumuako Kolazini! ukĩa kumuako Betisaida! Kuitĩ kanga ĩmakula naalĩ matendekile kumiani kanga ĩalĩ matendekile kuTilo nĩSidoni, alĩ ijilee apelile kalĩ, ĩĩkĩtũnga imbuela nukukĩsemuĩla ĩmaũ.