Yohana 9:39 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

³⁹ ũYesu nuũga, “Ĩne nijile muna unkũmbigyulu uu kuulamuli, itĩ nasika akuonaa aone, ndĩo nakuonaa atũle apokũ.”

Yohana 9:39 Referans Kwoze

Yohana 3:19

Uu wau ulamuli, ya kĩna uweelu waazile muna unkũmbigyulu nĩantu naakĩloogua ĩkiiti kwikĩla uweelu, kunsooko uutendi waao alĩ ubĩĩ.

Yohana 12:46

Ĩne nijile nĩĩ weelu muna unkũmbigyulu, koona tũlũ wensi nusũlĩĩle mumuane waleke kikyala mukiiti.

Utendi 26:18

ualaĩlie ĩmiiso maao, agomolue kwipũna mukiiti, ingĩle muweelu; agomolue kwipũna muusũũmi wa kĩShetani, ingĩle kwa kĩNzua; aleegeligue ĩmĩlandu yaao, asaale palumuĩ nĩnaeeligue kuusuĩĩli nawĩĩlĩ mumuane.

Yohana 8:12

Paapo kangĩ ũYesu nuaĩĩla nuũga, “Ĩne neene nĩweelu wa unkũmbigyulu; nwa kuntiata ĩne sika ukigendela mukiiti, ĩpa ukaa utĩĩte uweelu wa upanga.”

1 Yohana 2:11

Ĩpa unuasio numusuukĩlue umunũna waakue wĩĩlĩ muwiilu, kangĩ ukugendelaa muwiilu, sunga sikumanile kĩna ulunziĩ, kunsooko uwiilu wamupokũilie ĩmiiso maakue.

Luka 4:18

“uMuau wa kĩShekulu wĩĩlĩ mumuane, kuitĩ wampakile ĩmakũta kukuatanantĩlia ĩatũka iMpola na Nziiza. Untumile nĩatanantĩlie ĩatũngua uutũnguĩlua waao, nĩapokũ aone kangĩ, nĩatende akolelua naalĩ atuunĩĩligue,

Luka 1:79

Kukuamĩlĩkĩla naakikyalaa mukiiti numumulũle wa ukiu, nukwishongia ĩmĩgulu yĩĩtu munzĩla ya matiliga.”

1 Petelo 2:9

Ĩpa inie mwĩluuli nalusaagulue, mwĩ apolia a kĩtemi, mwĩndugu nanzelu, mwĩnsao za kĩNzua, mukũmuukie ulukũmo luakue nalumuĩtile mupũne mukiiti mũingĩle muweelu waakue wa ukulĩlua.

Aepeso 5:14

Iio gua uũgile, “Laĩla ue nugonile indoolo, Iiuka kwipũna muakiu, NuKilisito ukakukumĩlĩkĩla.”

2 Akolinto 2:16

kuaasio munũnku wa ukĩu nauleetile uukiu, kuia gua munũnku wa upanga nauleetile uupanga. Waani nusũũmile ĩzaasio.

Yohana 9:25

uNuasio nushookeelia, “Kanga ĩmunamĩlandu magu sika manile; manile luuluu lumuĩ, alĩ numupokũ ĩpaino naaziona.”

Yohana 8:15

Inie mwilamula kukĩmuĩlĩĩ ĩne gua sika nukumulamulaa kaumuĩ.

Yohana 3:17

Kuitĩ uNzua sikumutumile uMuana muna unkũmbigyulu waulamule uunkũmbigyulu, ĩpa uunkũmbigyulu ugũnue ninduyo.

Luka 13:30

Laaa, akoolĩ naa mumalĩĩlio naikitũla a muandio; akoolĩ naamuandio naikitũla a mumalĩĩlio.”

Luka 7:21

Nityũngo lĩĩlo-lĩĩloo alĩ waakamilie iingĩ ĩmauluĩle maao ninjago nĩmasĩĩmuĩ, nĩapokũ iingĩ nualaĩlia.

Luka 2:34

uSimoni nuakembeta, numuĩĩla uMalia unina, “Laaa, uyu waĩĩkaguaa iingĩ ague, iingĩ ĩĩmĩke mu Ĩsilaeli, ukitũla kĩlĩngasĩĩlio nakĩkikungumigua ibĩĩ

Matayo 11:5

ĩapokũ iona, ĩanaketele igenda, ĩanamatana ieeligua, ĩanakĩlĩmba iiigia, ĩakiu iiiukigua, nĩatũka itanantĩligua iMpola naNziiza.

Matayo 6:23

Ĩpa ĩliiso liako kanga liĩ lyema, umuĩlĩ waako wensi ukitũla nuwiilu. Luulo gua, uweelu nawĩĩlĩ munsĩ yaako kanga wĩĩ wiilu, ukitũla wiilu ukulu!”

2 Atesaloniki 2:10

numuupenbeelia tũlũ wa oonooni kumiao nailimĩĩla, kunsooko sika agombile kukumĩloogua ĩtai itĩ agũnue.

Matayo 15:14

Alekĩ iio, ĩasio ingĩ atongeeli naapokũ a apokũ. Numupokũ kanga wamutongeele umupokũ muua, tũlũ naabĩlĩ iguĩla mwilyĩndĩ.”

Yohana 12:31

Ĩpaino uulamulua wa unkũmbigyulu uu ukoolĩ; ĩpaino umukulu wa unkũmbigyulu ukitaagua kunzi.