Yohana 8:6 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁶ Naatambula itĩ kukumugema, koona aligie nsooko ya kumusokia. ũYesu nutũna pansĩ, nuandĩka mumasalu naluala.

Yohana 8:6 Referans Kwoze

Luka 10:25

Laaa, umunakialo nuĩmĩka wamugeme, nuũga; “Mumania, ntende yaani nuusaale uupanga wa kalĩ nakalĩ?”

Matayo 19:3

ĩApalisayo naamuagaana naĩĩ kumugema, naamukolia, “Usũũmilene umuntu kukumuleka umusungu waakue kunsooko yensi?”

1 Akolinto 10:9

Sunga kuleke kumugema ũShekulu, kĩna naĩngĩ kumiao naalĩ amugemile, naoonoonua ninjoka.

Maliko 10:2

ĩApalisayo naamuagaana naamukolia koona amugeme, mũikone umugoosia kukumuleka umusungu waakue?

Maliko 8:11

ĩApalisayo naamuagaana naandia kukĩkunguma ninduyo, naiidũũma ĩkĩlĩngasĩĩlio kwipũna kwigyulu, naaĩĩ kumugema.

Matayo 26:63

Ĩpa ũYesu nutuulia. uMupolia namukulu numuĩĩla, “Nakulapia kwa kĩNzua namupanga, ukuĩĩle malĩ ue uue wĩKilisito, Muana wa kĩNzua.”

Matayo 22:35

Umuĩ waao wa amanakialo, numukolia kukumugema, nuũga,

Matayo 22:18

ũYesu pĩna nulĩnga uubĩĩ waao, nuũga, “Nĩkĩ mwingema inie anamampĩlu?

Matayo 16:1

ĩApalisayo nĩ Asadukayo naamuagaana, naaa kumugema, naamulompa waalagĩĩle kĩlĩngasĩĩlio nakĩpũnile kwigyulu.

Matayo 15:23

Nduyo sika numushookeelia kalukaani. ĩAmanigua naamuagaana, naamulompa, naaũga, “Muĩĩle washooke waleke kukuzogolelia.”

Matayo 10:16

“Laaĩ, ĩne namutuma zĩ nkolo pakatĩ ya iyĩngi; luulo gua, muĩ asugũ zĩ nzoka; muĩ muagila kautiulia zĩ nkunda.

Yohana 8:2

ĩKĩĩlĩma pĩna nakiungua nũingĩla kangĩ muNumba ya kĩNzua. ĩAntu ensi naamuagaana; nwikyalansa nuĩ kuamania.

Luka 11:16

ĩĨĩa naamugema naidũũma ĩkĩlĩngasĩĩlio kumuakue nakĩpũnilekwigyulu.

Maliko 12:15

Kumupeelene katia kuleke kumupeela. Ninduyo pĩna nulĩnga uunamampĩlu waao, nuaĩĩla, nĩkĩ mwingema, Ndeetelĩ ĩshilinge ndaae.

Maliko 3:2

Naamukũsĩla kaukakumukamia palutondo lwa wikyali, koona amusokie.