Yohana 8:44 - LYAGO NIPIA MPOLA NANZIIZA KU ANTU TŨLŨ Kuntambo ya Kĩnilyamba 2009

⁴⁴ Inie mwa kĩtata waani Shetani, ninshula za kĩtata waani mualoe kukuzitenda. uNuasio alĩ muulagani kwipũna iyuukĩ, sunga sika ukuĩmaa mutai, kuitĩ ĩtai yukutilĩ mumuakue. Pĩna witambula ulongo ukutaambulaa ĩzaakue muene, kunsooko ingĩ mulongo, kangĩ tata wa ulongo.

Yohana 8:44 Referans Kwoze

Utendi 13:10

nuũga, “Ue muana wa mubĩĩ nũjuile upembeelia nuubĩĩ wensi, mulugu wa kulukuuluu yensi, sika wilekane kukuzipeta injĩla za kĩShekulu nangolokũ?

1 Yohana 3:12

Sika kĩna uKaini naalĩ wa kinuasio na Mubĩĩ, numuulaga umunũna waakue. Numuulaga kunsooko kĩ. Kunsooko uutendi waakue alĩ ubĩĩ, uwa munũna waakue alĩ wa kulukuuluu.

2 Akolinto 11:3

Ĩpa noopokile kĩna ĩnzoka naalĩ yumupembelĩĩlie uHawa kuwĩsukukia waakue, iio-iioo ĩmasĩĩgo maani mikioononeka, nukukuuleka uugolokũ nuweelu kwa kĩKilisito.

Ukũnukulua 12:9

iJoka nikyulu nalĩtaagua, ĩnzoka ya kalĩ nukuĩtaguaa, Mupembeelia kangĩ Shetani, nukulimĩĩlagiaa uunkũmbigyulu tũlũ; nutaagua sunga munsĩĩ, nĩamalaĩka aakue naataagua palumuĩ nduyo.

Yohana 8:38

Naalĩ nizioonie kwa kĩTata, ziizo nukuzitambulaa. Niniinie namuziigilie kwa kĩTata waani, ziizo mukuzitendaa.”

Yohana 8:41

Inie mukĩtuma ĩmĩlĩmo ya kĩTata waani. Naamuĩĩla, “Ishie sika kualelue mumĩgololio; kutĩĩte uTata umuĩ, uNzua.”

1 Yohana 3:15

Wensi nukumusuukĩlaguaa umunũna waakue ingĩ muulagi, niniiinie mumanile kĩna umuulagi wensi mugila kaupanga wa kalĩ nakalĩ naukikyalaa munsĩ yaakue.

Matayo 13:38

uMugunda ingĩ uunkũmbigyulu. Nimbeu nanziiza ingĩ ĩaana autemi, ningugu ingĩ ĩaana a mubĩĩ,

Yuda 1:6

Nĩamalaĩka nasika alĩ akendegelĩĩle uukulu waao ĩeene, ĩpa naaleka wikyalĩ waao naalĩ waijĩpĩĩle, waaĩĩkile mũitũngo yakalĩ nakalĩ nsĩlĩlĩ ya kiiti sunga kulutondo nalukulu lwa ulamulua;

1 Yohana 2:4

Uzo nuũgile, “Numulĩngile,” ninduyo sikukumakendegelĩĩle ĩmalagĩĩlio maakue,, ingĩ mulongo, nĩtai yukutilĩ munsĩ yaakue;

Ukũnukulua 21:8

Ĩpa ĩooa, nĩasiitishuĩĩla nĩasuukĩlia, nĩaulagi, nĩagololia, nĩalaguli, nĩnaakĩtekelaa ĩanzegamĩla, nĩalongo ensi, ityũmpĩ liao liĩlĩ munanza ĩyoo nyukuakĩlaa umooto nĩkĩbiliti-biliti. Ĩĩ yoĩ nkia ya kabĩlĩ.”

1 Petelo 5:8

Sukukĩ, kyalĩ nuukenge kunsooko ũShetani umulugu waani zĩ nsimba nilũma ipilimĩkĩĩlia, widũũma wensi wamumĩle.

Ukũnukulua 9:11

Zitĩĩte mutemiwaao, nduyo malaĩka wa kuulungu, ĩliina liakue kuKĩebũlania, Abadoni, nukuKĩgiliki ukuĩtagua Apolioni.

Utendi 5:3

uPetelo nuũga, “Anania, nĩkĩ ũShetani ukũjuilie ĩnkolo yaako, umuĩĩle ulongo uMuau Muelu nukwipisia ityũmpĩ lya ngele ya mugunda?

Yohana 6:70

ũYesu nuashookeelia, “Sika alĩ numusaaguĩlene inie namwikyumi naabĩlĩ. Nuumuĩ waani ingĩ shetani?”

Ukũnukulua 2:10

Ulekioopooka inkaani nazĩkakukuagaana. Laaa ũShetani ukitũla kumugumĩla namuĩngĩ mumiani mukĩtũngo koona mugemue, niniinie mukitũla ninjago intondo kyumi. Wĩĩ musuĩĩli sunga ĩnkia, nineene nĩkakukupeela ĩngala ya upanga.”

2 Petelo 2:4

Kuitĩ malĩĩ uNzua sika alĩ waalekile ĩamalaĩka naalĩ atimuĩle, ĩpa alĩ waagumĩĩle kuulungu, naatũngua nĩmatendele ma kiiti, alindĩĩlue muumo sunga uulamulua uuze;

Ukũnukulua 13:14

Ndĩo yukualĩmĩĩlagiaa naakikyalaa muna nsĩĩ, kuilĩngasĩĩlio yaasio naalĩ mpeegue kukuitenda ntongela ya nimu; nĩkuaĩĩla naakikyalaa muna nsĩĩ kukumĩzĩpĩlia nzegamĩla ĩnimu niasio naalĩtĩĩte uluguma lwiyũmba, ĩpa niĩ mpanga.

Ukũnukulua 22:15

Kunzi zikoolĩ imbua, nĩalaguli, nĩagololia, nĩaulagi, nĩatekela anzegamĩla, kangĩ wensi nuuloogilue ulongo nukukuutenda.

Matayo 12:34

Inie wĩleli wa nzoka, mwishũũma mbii kwitambula nanziiza pĩna muabĩĩ. Kunsooko umulomo ukutaambulaa ziizo nazijuile munkolo.

Matayo 13:15

Kuitĩ inkolo za antu ĩa zakapũkile Nĩakĩtuĩ aao sika akigyũlagiaa kĩĩsa. nĩmiiso maao amatũtilie dii; Koona alekiona kumiiso maao Aleke kigyũlia kuakĩtuĩ aao, Alekilĩnga kunkolo zaao, Apĩluke, nĩakamie.’

Yohana 7:17

Wensi kanga waloogue kwitenda uulooa waakue, ukakuulĩnga uumanigua uu, kĩna upũnile kwa kĩNzua katia nĩkĩtambulĩlia ning'ene.

Yohana 8:55

Niniinie sika mumumanile, ĩpa ĩne numumanile. Kangambũge sika numumanile nikitũla mulongo zĩ uniinie; ĩpa numumanile, nulukaani luakue nulukendegelĩĩle.

1 Yohana 1:8

Kanga kuũge kuagila kamulandu, kwĩkongaa, nĩtai yukutilĩ munsĩ yĩĩtu.

1 Yohana 2:21

Sika alĩ numuandĩkĩĩle inie kunsooko sika mumanile ĩtai, ĩpa kunsooko mumĩmanile, kangĩ mumanile kĩna ukutilĩ kaulongo wensi naukũpunaa mutai.

Utendi 24:9

ĩAyahũdi naĩgombia uusokia uu, naiũga kĩna iio wĩĩlĩ.